السلام عليكم
انا حاولت انزل كلامي في الفيسبوك نسبه لانو هو لامي اكبر فئه لكن الحصل انو كان بيتمسح ف كل مرا من كذا قروب
طيب ياجماعه انا فقدت اختي ب سبب عمليه تكميم معده عملتها في مستشفى المعلم يوم الجمعه الصباح عملها ليها دكتور محمد كمال بولاد ، اتوفت الجمعه بالليل .
انا حاولت انزل كلامي في الفيسبوك نسبه لانو هو لامي اكبر فئه لكن الحصل انو كان بيتمسح ف كل مرا من كذا قروب
طيب ياجماعه انا فقدت اختي ب سبب عمليه تكميم معده عملتها في مستشفى المعلم يوم الجمعه الصباح عملها ليها دكتور محمد كمال بولاد ، اتوفت الجمعه بالليل .
"العمليه عباره عن قص 80% من المعده الهي عضو اساسي ف جسم الانسان" وبعد ايماننا التام بقضاء الله وقدره وتتعدد الاسباب والموت وااحد لكن السبب كان اهمال واخطاء طبيه كتيره شديد
اولها انو طلعوها في الغرفه العاديه بعد العمليه طوالي مع انو كانت مفروض تتطلع في غرفه عنايه مكثفه لمده 24 ساعه على الاقل تحسبا لمنع حدوث اي مضاعفات ومعروف طبياً انو بعد اي عمليه كبيره زي دي في جلطه بتكون حايمه وفعلا دا كان السبب ف الوفاة الاتكتب ف الشهاده
الممرضين الكانو بيجو يغيرو ليها الدرب كانت بتقول ليهم انها عندها الم في صدرها وانها حاسه كانو في زول قاعده في قلبها ""الناس البيعرفو الطب كويس عارفين دي ممكن تكون اعراض شنو وعارفين لو ف اي مكان تاني كانو عملو للمريض شنو "" كانو بيقولو ليها انو دي اعراض طبيعيه جداً
بعد العمليه الدرين بتاعها المفروض يكون فيهو دم او على الاقل البيحصل ل اغلب الناس واكترهم بعد العمليه انها تكون بتستفرغ دم
لكن دا م حصل وقالو انو اي زول اعراضو بتختلف ،
لكن دا م حصل وقالو انو اي زول اعراضو بتختلف ،
طيب بالليل بعد م الزياره انتهت جات ممرضه ومعاها حقنه مسكنه كانت اختي بتتكلم بالتلفون اتكلمت معاها ونزلت التلفون من يدها
اول م الممرضه دخلت الحقنه ف الوريد وقبل م تتطلعها زاتو اختي صرخت وبقت تقول انها " عمت وما شايفه حاجه " بقت بترجف كلها وفي اقل من ثانيه كانت خلاص اتوفت
اول م الممرضه دخلت الحقنه ف الوريد وقبل م تتطلعها زاتو اختي صرخت وبقت تقول انها " عمت وما شايفه حاجه " بقت بترجف كلها وفي اقل من ثانيه كانت خلاص اتوفت
اغلب الدكاتره السألناهم ووريناهم الحصل قالو لينا انو العمى بيدل على نزيف داخلي ،وانو المسكن دا هو م سبب الوفاة لكن احتمال كبيرجداً انو هو الحيكون حرك الجلطه نحو القلب ،واتقال لينا بالحرف انو لو كان في قياس ضغط او ابسط العنايه كان اتعرفت الجلطه دي
اختي الله يرحمها عندها صحبتها ووحده من الناس الشجعوها على العمليه عملتها عندو هو زاتو وكانت قاعده ف العنايه المكثفه ٣ ايام وكان بيجي هو شخصياً "محمد كمال بولاد "يديها الحقنه دا غير العنايه الكانت لاقياها من الطاقم الطبي ف الوقت داك "قبل سنه بالظبط"
⭕️جا محمد كمال بولاد للعزاء (الدكتور العمل العمليه والهو في نفس الوقت المدير الطبي ل مستشفى المعلم )ومعاهو المدير الاداري وجاب 150 مليون من تكاليف العمليه، لمن سألناهو من سبب الوفاة قال قضاء وقدر ،طيب لو انت مقتنع انو قضاء وقدر بترجع قروش العمليه ليي !!
يخوانا لا الكلام ولا القروش بترجع بطه ودي م عمليه ساهله وم بسيطه بالطريقه البيتكتب عنها في قروبات الفيسبوك وما اي جراح بيقدر يعملها وما في اي مستشفى
عندها مضاعفات لا تحصى ولا تعد ونسب النجاح والشفاء التاااااااااام من دون اي تعقيدات بعد العمليه بسيطه شديد
عندها مضاعفات لا تحصى ولا تعد ونسب النجاح والشفاء التاااااااااام من دون اي تعقيدات بعد العمليه بسيطه شديد
في النهايه نحن مؤمنين بالقضاء والقدر يومها وتم ولو م كانت بسبب العمليه ممكن تكون بسبب حادث او في سريرها لكن دا م بمنع انو الاهمال الطبي حاصل وكتير شديد
نسأل الله الرحمه والمغفره ليها وادعو واستغفرو وربنا م يضوقكم الحرقه دي ي رب
نسأل الله الرحمه والمغفره ليها وادعو واستغفرو وربنا م يضوقكم الحرقه دي ي رب
جاري تحميل الاقتراحات...