من أصعب الفترات اللي بتمر علي الإنسان هي إنه يفقد ثقته في نفسه و يشعر إنه غير مُستحَق ، فـ يسيطر عليه شعور إنه وحش شكلاً و شخصية و إن أي كلمة حلوة بتتقاله مبيصدقهاش بل بيحاول بكل الطرق إنه ينفي الكلام الحلو ده ، شعور صعب و قاسي جداً إنك تؤذي نفسك بنفسك
المشكلة إن نظرتك لنفسك بتنعكس للناس ، طول ما انت شايف نفسك متستاهلش فالناس هتشوف إنك متستاهلش ، لأن قيمتك وسط الناس أنت اللي بتعملها بنظرتك لنفسك ، الناس ممكن تكون شايفاك و لا حاجة ، بس ده مش هيقلل من قيمتك طول ما أنت مقتنع بنفسك ، و هيغير فكرة الناس عنك
سبب من أسباب الحُزن و الكآبة .. هو إن الإنسان يجيله شعور بإنه [ غير مُستحق ] أو [ غير مقبول ] ، محدش عايزه أو بيتمناه ، أو يحس إن ميستحقش فرصة تانية ، و إنه فقد الثقه في اللي حواليه ، أو العكس ..
ده سببه إن عقل الإنسان بيحط لـ كل حاجة مقابل ،لأن عقلك الباطن الـ Default بتاعه ان في فترة الطفولة اتربيت علي حاجة و مقابلها [ هشرب اللبن عشان ماما تحضني / تكافئني ] ، فـ بالتالي عقلك الباطن بـ يستنتج إن طالما عملت هتاخد المقابل ، و لو معملتش مش هتاخد المقابل
الطبيعي إن كلنا بيمر علينا فترة و نتعب و نحس بـ الضعف و إننا محتاجين حد يكون جمبنا و يحس بينا من غير ما نطلب ، و الفترة بيجيلك شعور إنك مش عايز تسمع أو تتكلم ، فـ ده بيخلينا نحس إننا معندناش اللي نقدمه عشان ناخد مقابل ، و بالتالي هيسيطر علينا شعور إننا غير مستحقين
ده اللي بيخلينا نحس إن لو حد قرب مننا في الوقت ده ، و يحاول يحتوينا ، إنه بيشفق علينا ، لأننا منستحقش ده عشان مقدمناش الشئ اللي ناخد عليه مقابل ، لكن ده ميخليناش نفقد إنسانيتنا و نعامل نفسنا علي اننا سلع بيتم التحكم فيها هل أنا أستحق ولا لاء ..
سبب مهم كمان ، هو إن الإنسان يخلي قيمته متوقفه علي غيره ، وقتها عمرها ما هيكون سعيد ، لأنه هيربط حياته بـ غيره ، فمثلاً كلمة تفرحه أو تضايقه ، أو مستني حد يقدره بسبب خدمه عملهاله ، أو مستني شخص ما يحبه و من كتر ما استني مش بيشوف أي حاجة حلوة أو تسعده لأنه موقف حياته علي شخص
الحل هنا ، في إيدك أنت ، إنك تقنع نفسك إنك تستحق ، و إنك غلطت لما قررت إنك تخلي الناس هي اللي تحدد مصيرك ، بإنك تستحق أو لا ..
- و إنك لازم تدور علي الحلو اللي جواك و تكبره و تبينه لنفسك عشان ترجع ثقتك في نفسك ، حاول تشيل من دماغك فكرة إنك تستني حاجة من حد و الله هترتاح جدا
- و إنك لازم تدور علي الحلو اللي جواك و تكبره و تبينه لنفسك عشان ترجع ثقتك في نفسك ، حاول تشيل من دماغك فكرة إنك تستني حاجة من حد و الله هترتاح جدا
قيمتك معتمدة علي نفسك لأن نفسك الوحيدة اللي باقيالك ، لكن لو خليتها معتمدة علي الناس اللي بتروح و بتجي في حياتك ، أو خلتها معتمدة علي شئ ما هيزول بزوال سببه ، فأنت اللي بتأذي نفسك ، خلي حقيقة إن مفيش حاجة دائمة هي اللي في بالك ، ملكش غير نفسك و ربنا ☑️
هو الموضوع مش سهل و في يوم و ليلة هتحب نفسك و تثق فيها .. لكن البداية دايما في اي حاجة هي قرار و إنك تدخل فكرة التغيير في حالك و نظرتك لنفسك لدماغك
كونوا عظماء في عين أنفسكم حتي لا يكسركم بالحياة شئ
Make yourself the first priority in your life , your soul has many rights on you .. so please stop fucking it
جاري تحميل الاقتراحات...