٢٥ لعبة لكل سنة من بلايستيشن ✨
عشان اختصر القائمة وما أحط لكم ٢٥٠٠ لعبة بدال ٢٥، قررت أختار لعبة وحدة من كل سلسلة وأتكلم عنها ??
عشان اختصر القائمة وما أحط لكم ٢٥٠٠ لعبة بدال ٢٥، قررت أختار لعبة وحدة من كل سلسلة وأتكلم عنها ??
Skyrim - طبعاً مستحيل استفتح أي قائمة بدون معشوقتي سكايرم، اخترتها من باقي العنوانين في السلسلة لأنها ببساطة كانت مدخلي لعالم The Elder Scrolls اذكر إني كنت أسبها زي البقرة بعدين وحدة من صديقاتي جابتها لي في يوم ميلادي ولعبتها ووقعت بغرامها غصب عني ? قضيت ٢٣٠ ساعة عليها✨
Bloodborne - زي سكايرم، بلودبورن كانت مدخلي لألعاب السولز وشريتها لأني كنت أبي أسوي فيديو مراجعة عنها بس تم دعسي في منطقة البداية لمدة ٤ ساعات وكنت حايمة كبدي وزعلانة وأقول وشلون الناس تستمتع بالإهانة ذي لين تخطيت البداية واستوعبت إن اللعبة رهيبة وعميقة جداً وقصتها وعالمها ?
Tomb Raider - من الألعاب الكلاسيكية المخلدة بذاكرتي للأبد، لما كنت صغيرة كنت أقعد مع خالي أتفرج عليه يلعب هاللعبة وكنت مرة مستمتعة بالغموض والاستكشاف لين كبرت شوي وشريتها وجلست شهور عشان أختمها وكانت صعععععبة والله وتخوف خاصة موسيقى التي ريكس اذا سمعته اتنافض من الروعة.
Resident Evil Code Veronica - من أفضل ألعاب سلسلة ريزي وقد يبدو السبب اللي حبيت اللعبة عشانه رخيص شوي *كح ستيف كح* لكن مرررة كنت أحب هالجزء وتعبت كثير عشان أخلصه وجتني كوابيس وحوسة وبالأخير صحت لأن النهاية كانت خرا شوي لكن الشكوى لله القلب وما يهوى ??
Final Fantasy XV - نعم اخترتها من بين أجزاء فاينل فانتسي وماذا في ذلك؟ ما أنكر إنه كانت فيها مشاكل في القيم بلاي والصعوبة وغيرها اللي أحبطني لكن تعلقت بهالجزء وحبيت كل شي فيه من قصة وشخصيات وقد يكون لأستاذي تاباتا يد في ذلك لأني أحب أعماله اللي تخليني أصيح صياح هستيري بالأخير ?
God of War - بصراحة كانت مفاجئة بالنسبة لي لأن ما توقعت ولا واحد بالمية إني بحبها وأتعلق فيها خاصة إني كنت ماخذة انطباع أقل من عادي في الأجزاء اللي قبل وما كنت حابة التوجه، بس هالمرة القصة والشخصيات وحتى القيم بلاي كان ١٠٠/١٠٠ يعني فعلاً تجربة تغذي الروح والمشاعر ?
Uncharted 2 - يالله قد إيش أحب هاللعبة لدرجة إني عدتها كثير مرة وكنت مرة مبهورة بالقفزة التقنية اللي سوتها نوتي دوق بين انشارتد الاولى والثانية، كل شي كان بيرفكت من قيم بلاي وعنصر المغامرة والأكشن والأوست وحوار الشخصيات وعلاقة نايثن وايلينا افف ??
The Last of Us - اذكر كنت ألعبها وكنت ميته خوف بس أكمل واضغط على نفسي لأن الشخصيات والحوارات من أفضل ما شفت في تاريخ الألعاب كله، القصة كانت تقليدية بس المغامرة ومشاعر الفقدان وخوف جول إنه يتعلق بإيلي كانت عميقة مرة حرفياً هاللعبة مدري شلون أعبر عنها جميلة جميلة ?
Dragon Age Inquisition - مدخلي لعالم دراجون إيج حبيت كيف اللاعب يقدر يشكل اللور الخاص فيه ويسوي قصة رهيبة يتذكرونها الشخصيات في اللعبة لدرجة رحت لعبت الأجزاء اللي قبل ولعبت انكويزكشن مرة ثانية عشان أعيش اللور اللي أبيه صح، كولين بعد قلبي حبي في اللعبة كل مرة اعيدها ارجع اشبكه ?
Silent Hill - ما أتوقع أقدر أعبر عن مشاعري تجاه هاللعبة فعلاً تحفة فنية في الرعب والقصص الحزينة ?
Nier Automata - هاللعبة ككل عبارة عن إبداع لا مثيل له من يوكو تارو كقصة عميقة وشخصيات معقدة واوست أسطوري ونهايات غير متوقعة فعلاً فعلاً من أفضل ما لعبت ولا أتوقع بتجي لعبة مثلها أبد ...
GTA Vice City - دشرة الطفولة ?? من أفضل أجزاء قراند وكانت أول وحدة ألعبها مرات انهبل واقتل كل الناس بالشوارع واحاول اجيب نجوم الشرطة كلها ومرات ومرات أتبع قوانين المرور والإشارات وكنت دايم لما تجي أغنية مايكل جاكسون ما أنزل من السيارة لين تخلص ?
Assassin’s Creed Brotherhood - بكل اختصار، عصر اساسنز الذهبي اذكبر قبل لا تنزل شفت اللايف اكشن تريلر حقتها وانهرررت من الحماس ??
Journey - لعبة فاجئتني بكل المقاييس ومن الألعاب اللي خلتني اتعمق في النظريات والتحليل حول بعض قصص الألعاب، كإنسانة تحب الموسيقى بشكل كبير هاللعبة عطتني جرعة مركزة من المقطوعات الأسطورية بس للأسف هاللعبة ما لقت حقها ?
Hollow Knight - لعبة طحت فيها مؤخراً بالصدفة وطلعت الشيب براسي ومردغتني وكرامتي بالتراب لكن نهضت من جديد أكافح وهزمتها وختمتها وحالياً أحاول أجيب البلاتينيوم بس شكله هيهات ? المهم الحين مقدر انتظر للعبة الجاية ??
Overwatch - بصراحة أكثر لعبة تنافسية عبر الانترنت اعجبتني وطحت فيها ومرات ارجع لها اذا فضيت ميزتها ان مافيها نظام تقدر تتركها فترة بعدين ترجع لها مرة ثانية عادي بدون ما تحس نفسك متأخر عن أحد ?
Dynasty Warriors 3 - لعبة طحت فيها منذ نعومة أظفاري كان لها اسم خاص بيني واخواني "محاربة الصين" وكنت ألعبها يومياً بعد المدرسة بس المشكلة كنت ألعبها بدون ذاكرة فلك أن تتخيل عزيزي القارئ حجم المعاناة لما تمشي بعييييييد مرة بعدين يجي لوبو يجلدك بكل سهولة ويرجعك من أول وجديد ??
L.A. Noire - لعبة استثنائية ومؤسف إنه معد شفنا ألعاب تحقيق وجريمة بجودة هاللعبة ? كنت دايم أحلل مكان الجريمة أدور على كل الأدلة عشان أقابل المشتبه به وأنا مستعدة له تماماً قهر إنها ما انعطت وجه ?
GEX - وهل يخفى القمر؟ ما أتوقع فيه أحد بالعالم ما لعب هاللعبة ?
Crash Bash - لعبتي أنا وأخواني ?
Persona 5 - مدخلي لعالم بيرسونا، صح القصة مييييه شوي والحوارات طويلة بزيادة بس القيم بلاي رهيييييييب مرة حبيته وعزز حبي لألعاب تعاقب الأدوار، والأغاني إدمااان بصراحة مرة حلوة الكل المفروض يجربها ?
Fatal Frame 2 - من الألعاب اللي حرفياً جابت لي كوابيس بس برضو كملتها قصتها تقطع القلب والقيم بلاي مرة مميز يخليك غصب تخاف ويحطك قدام الأمر الواقع.
ملحوظة: الله ياخذ اللي تزحف.
ملحوظة: الله ياخذ اللي تزحف.
Dead Space - هاللعبة تحفة فنية في الرعب مع اني مو مرة مع الفضائيين بس جذبتني القصة مرة والقيم بلاي وقتها كان مميز ومثير للاهتمام، التوسيت بالأخير قتلني ?
Red Dead Redemption - اللعبة الأولى كانت ممتااااازة في كل النواحي كقصة وشخصيات وعالم مرة مرة مميز وحلو القيم بلاي لك عليه بس ولا شي قدام المحتوى اللي قدمته اللعبة وقتها.
جاري تحميل الاقتراحات...