ماتقوللي ياموت ليه جاي بدري
طب ليك شروط ولا ده قدري
اعقل كده واسمع كلامي
بلاش طريقة اخطف واجري
كل اللي عدي مافهمته ثانيه
كأنه عدي فيمتو ثانيه
حيره وصبر وسواد وضيقه
ماشوفت غيره من الدنيا

انا جايلك ومعايا حقيقه
فاضل علي اجلك عشرين دقيقه
عيشت عمرك ماعيشتهوش
ده كاس وداير عالخليقه
حالف لفه عالبيوت
ده كله شابك بالخيوط
عندي حوالي مليون شغلانه
حاخلصهم وارجع عليك افوت
انا لازم اقوم والحق اصلي
وبعدها يحصلي اللي يحصلي
المهم يكون عني راضي
بس ياريت تصلبني رجلي

واقوم ادخل اتوضا
اناخايف الوقت يكون عدي
دموعي اكتر من عرقي
اتوضا بيها واستهدي
لساني عاجز مش قادر ينطق
نسياني حاجز علي عقلي يسبق
دقات قلبي كاتمه سمعي
غيمة عيوني كأني بغرق
يارب سامحني واغفرلي ذنبي
دعاء ريحني وريحلي قلبي
انا جايلك يارب ولو كنت عاصي
كرمك كبيروقت كربي

باقي دقيقتين واكتم نفسك
خليك متين وهدي نفسك
جسدك يرجع للتراب
والروح حاتصعد.باللي يخصك
خيرك وشرك سرك وجهرك
بطشك وظلمك برك بأهلك
كتابك في ايدك وايه يفيدك
وكل همسه جوا عملك
الوقت انتهي
جه وقتها
روحك تطلع
عند ربها
اشهد ان لا اله الاهووووووو
غووووو اووووووو