مقطع من #اوبريت_حكاية_شهيد
حكاية شهداء مصر
من كاموس للمنسي
.........
سلام تعظيم لروح الشهيد
بطل عظيم مقاتل عنيد
ويا عرابي واحراره
سبقهم هناك محمد عبيد
يوم مالخديوي حبس عرابي
قال عبيد و بلدي و ترابي
لااخد جنودي واحرر زعيمي
ولو فيها روحي وعمري وشبابي

خرج عرابي وراح عابدين
وقال للخديوي مش راجعين
الا لما نرجع لجيشنا قيمته
ونطهره من الخونه الفاسدين
رد الخديوي وقال انتوا عبيدنا
ورثناكم وزمامكوا في ايدنا
اما تطيعوا اوامرنا
او الغرب منكم ينجدنا
عالتل الكبير وقف البطل
وقفة بضمير وقوه وامل

وحلف بترابها مالحظه يسيبها
الا ان يصونها اويتقتل
بس الخيانه كانت اقوي
خانوا الامانه بصدق وتقوي
سعود الطحاوي وخنفس باشا
قالوا بالعدو راح نستقوي
ارشدوا العدو عن مواقعنا
وقالولنا ابعدوا واحنا وقعنا
في كمين نصبوه العربان
مر العدو فوق اوجاعنا

بس البطل ماسابش مدافعه
وقال لجنوده موتواودافعوا
ولو اعاديناداسوا اراضينا
ده كل شهيدعمره ودفعه
ماتوارجالوا من حواليه
الموت جالوا ونادي عليه
وقف بطوله قصاد الموت
نار المدفع داب في ايديه
مات البطل فوق سلاحه
مات الامل ويا جراحه
دخل العدا وداس اراضينا
علي الندا وقام افراحه