٩٩% بالمية من الناس كانت تحكي انه نهاية العالم بال ٢٠١٢ هي كذبة وخرافة ، هو فعليا في نظريات بتقول انها حقيقة !!
نحن ما انتهينا بال ٢٠١٢ بس لاحظتوا شي غريب بفترة ما بعد ال ٢٠١٢ ؟؟ هل يا ترى صورة العالم بعد هالسنة هو نفسه قبل ؟؟ تعالوا احكيلكم شي اثار اهتمامي بالفترة الماضية :
نحن ما انتهينا بال ٢٠١٢ بس لاحظتوا شي غريب بفترة ما بعد ال ٢٠١٢ ؟؟ هل يا ترى صورة العالم بعد هالسنة هو نفسه قبل ؟؟ تعالوا احكيلكم شي اثار اهتمامي بالفترة الماضية :
التاريخ يا جماعة من بدء الخلق عبارة عن عصور ابراج معينة ، كل عصر مدته الاف السنين ، وكل عصر بيمتاز بصفات ومزايا معينة ، يعني لو فرضنا كل عصر عبارة عن شخص هالشخص رح يكون حامل صفات معينة ممكن ذكي ممكن غبي ممكن متدين ممكن ملحد ممكن حلو ممكن بشع غني او فقير وهكذا
ما رح احكي عن كل العصور بالتاريخ بس رح احكي عن اخر عصر اغلب اللي عايشين اليوم خلقوا فيه وانتهى ومنعرف كتير عنه اللي هو "عصر الحوت" والعصر اللي اغلب علماء الفلك بيعتبروا انه بلش رسميا من تاريخ ٢١-١٢-٢٠١٢ وبلشت اثاره تظهر بال ٢٠١١ وهو عصر الدلو !!
قبل ما بلش ، اللي رح احكيه ما بيعبر عن وجهة نظري وانما معلومات قرأتها واثارت اهتمامي وقرات عنها وحبيت شارككم فيها ونتناقش ونشوف شو رايكم ، وبامكانكم طبعا تبحثوا عنها وتصححولي لو في اغلاط ?
بسم الله نبدأ:
بسم الله نبدأ:
عصر الحوت يا جماعة بيمتاز بشكل عام بالكذب والحروب والدجل وغسل الادمغة ورجال الدين الدجالين والاديان الكثيرة اللي استغلوها كتار للاحتلال والسرقات وظلم الناس والانتمائات لجماعات متطرفة او غريبة ، او بناء دول كبرى باسم الاديان حكامها اغلبهم ظالمين وهمهم القوة وشغلهم استعباد الناس
كمان بيمتاز عصر الحوت بالجمال والامور المغرية والمثيرة واللي بتجذب الناس وبتلعب بعقولهم وبتغيبها تحت مسمى الدين او أي شي تاني ، مثلا اغرائات صكوك الغفران او فجر حالك وبتنكح الحوريات او ربنا رح يعطي الارض الموعودة والجنة ل آل اسرائيل وغيرها
ولنحكي اكتر عن هالاغرائات مثلا شفنا اكتشاف اميركا وانها ارض الاحلام والمال والحياة السعيدة الابدية واغرائات الجمال مثال عليها انطلاق هوليوود اللي بتمتاز بكل شي مبهر للنظر من نساء ورجال وغيرهم غزو بيوتنا جميعا وانبهرنا فيهم ع مدار سنين
وبالاديان في ايات بتقلنا المال هي زينة الحياة الدنيا ، انتبهوا انه ربنا اختار كلمة زينة بالذات لانها بتبهر النظر وبتغيب العقل وهالشي كمان حسب ما قرات مذكور بالعهد القديم والجديد بانه الناس رح يحبوا المال ، ومنلاحظ انه الاديان ال ٣ السماوية اللي حذرت من هالشي ظهرت بعصر الحوت !!
منجي هلئ لعصر الدلو اللي بلش من ال ٢٠١٢ ، هو عصر الشباب والصحوة من الغفلة ، هالعصر بيمتاز بالبحث عن الحقيقة والعدالة ورفض الظلم ، بيمتاز بالثورة على كل شي كاذب وكل الدجالين اللي عبوا عقول الناس وعود كاذبة وسيطروا عليهم بخرافات معينة من تاليفهم ليوصلوا لمراكز القوة والمال
شوفو الثورات اللي ظهرت بعد ال ٢٠١١ وما زالت مستمرة ، كتير منها دخلوا فيها داعش ورجال الدين الدجالين والمسيسين اللي اخدوا كتير من اتباعهم للموت ، وشوفوا انطلاق ثورات لبنان والعراق وايران المشترك فيها هو رفض تدخل ايران ولرجال الدين بالسياسة لانهم سبب تراجع هالدول
بالاضافة انه هالعصر كمان بيحمل بطياته الثورة عالاعراف والتقاليد وحتى الاديان نفسها والدعوة لدين واحد لكل الشعوب ونظام واحد اللي ممكن سمعانين فيه قبل هيك النظام الجديد للماسونيين ، يا رب ما يغتالوني ??
هالعصر هو لبرج هوائي ، يعني عصر معرفة الحقيقة او البحث عنها او أي معلومة عن طريق الموجات المحمولة بالهوا متل التكنولوجيا والموبايلات والثورة هاي متل ما منشوف بعد ال ٢٠١٢ انتشرت بشكل مذهل السوشل ميديا وغيرها ، وحتى بكتابتي لهالثريد ووصوله الكم عم اثبت هالنظرية ??
هالعصر بالمختصر هو عصر الحقيقة ، واللعب عالمكشوف وما رح يضل شي مخبى وكله حيكون عالعلن والناس حيشوفوا كل شي وثورات كتير حول العالم حتستمر ورح تظهر لحين ارساء العدالة والتخلص من الموروثات البالية والدعوة للاستقرار والوحدة والانسانية ، وكل ما مشينا اكتر بهالعصر حتظهر حقايق اكتر
ان شالله كون وصلتلكم الموضوع متل ما قريت عنه وهالمعلومات اكيد ممكن تكون صح وممكن تكون غلط✌?
وللمعلومات اكتر فيكم تشوفو هالفيديو :
youtu.be
youtu.be
جاري تحميل الاقتراحات...