رتبها

#عائد_إلى_الماضي
المقدمة
الزمان: سبعينات القرن العشرين
المكان :شاطئ المعمورة
جلست ناهد و ابتسام على الشاطئ بفساتينهم الملونة و أمام كلا منهما ازازة الكازوزة و اطباق اللب والسوداني الصغيرة
و أمامهما احمد و ايمان يلعبان في الرمل
احمد ٨ سنوات
إيمان ٥ سنوات
#شخابيط_لماضة

لو حد عنده صور قديمة لشاطئ المعمورة يا ريت يبعتهالي بليز ⁦🙏🏼⁩⁦🙏🏼⁩⁦🙏🏼⁩
ولكم جزيل الشكر

١ - بيت على الرمال
أحمد لما اكبر هبقى مهندس زي بابا عشان ابني الشقة بتاعتنا و هنعيش فيها لما نتجوز زي بابا و ماما
و هابني جراچ كبير احط فيه العربيات بتاعتي
وانا كمان السنة الجاية هاروح المدرسة و ابقى مهندسة زيك
ضحك احمد حتى دمعت عيناه
انتي عاوزة تبقى مهندسة في أولى ابتدائي ؟!

شفتي ال ٨ عربيات بتوعي بابا قال لي هيجبيلي عربية جديدة فيها زمبلك بتمشي لوحدها
إيمان ايه زمتلك ده
ضحك احمد مانتي لسة صغيرة ماتعرفيش الزمبلك
قالت إيمان على فكرة ماما قالت لي عيب نتجوز
الولاد الحلوين ما يقولوش كدة!!

أحمد ماهو بابا و ماما متجوزين
وطنط ابتسام و عمو ماهر مامتك و باباكي متجوزين ايه العيب في كدة بقى
و بدأ احمد في بناء البيت من الرمل و ايمان تساعده بإحضار جرادل الماء
دي اوضة العرايس بتاعتك و ده الجراچ بتاع العربيات بتاعتي

الجراچ بتاعك اكبر من جراچ العرايس بتاعتي
و انفجرت باكية انا هاروح اقول لماما عليك
جرى احمد وراءها فلم يكن يتحمل أن يراها تبكي

٢- البنت كبرت
ذهبت ايمان نحو ناهد و ابتسام باكية ماما احمد بيقول لما نتجوز هيعمل جراچ صغير للعرايس بتاعتي و جراچ كبير للعربيات بتاعته
احمد يضحك يا عبيطة العرايس مش بتتحط في جراچ العربيات بس
تجهمت ابتسام قليلاً
احنا مش قلنا عيب نقول كدة
لو سمعتك بتقولي كدة تاني مافيش بحر

في ايه يا ابتسام مالك ؟
العيال بتلعب مالك كشرتي كدة؟
دي مافيهاش عيال و كبار يا ناهد دي بنت و لازم تتعلم تقول ايه و ما تقولش ايه؟
كان الرد كافي ليقطع الحديث
يالا بينا نروح عيد ميلاد احمد بكرة و عاوزة الحق اجهز الحاجة
ناهد في الڤراندة مع محمد مع الشاي بالنعناع بعد الغداء

تصدق يا محمد ابتسام زعقت للعيال النهاردة و هما بيلعيوا زعقت لايمان عشان بتقولها انا و احمد هنتجوز و ادتني محاضرة في الأخلاق على البنات و الولاد
من ساعة ماهر ما سافر السعودية و هي اتغيرت اوي
دي صاحبة عمري مش عارفة ليه حاسة اني ما بقيتش
عارفة اتعامل معاها
يا ستي عديها

٣- عيد الميلاد
عيد ميلاد احمد كان أهم حدث في العام بالنسبة لايمان التي طلبت من امها أن ترتدي فستان العيد
و اشترت مصاصة كبيرة لاحمد هدية عيد ميلاده
كانت ايمان الوحيدة المسموح لها باطفاء شمع التورتة مع احمد
و بعد تقطيع التورتة
اخذها احمد لغرفته لترى هدية أبيه السيارة بالزمبلك

ترك كل أصحابه بالخارج فهو يحرص دائما أن تكون ايمان اول من يرى لعبه الجديدة.
مرت ٤ سنوات عيد ميلاد احمد ال ١٢ و ايمان في التاسعة
و بعد إطفاء الشمع دخلت مع احمد كعادتهم لغرفتها لتكون أول من ترى الهدايا
اختلفت الغرفة الآن أصبحت مجلات ميكي و سمير تملأ الغرفة مكان السيارات الصغيرة

و فاجاها احمد بكاميرا و التقط لها صورة فورية من تلك الكاميرات التي ظهرت وقتها
كان لازم اول صورة من الكاميرا تبقى صورتك يا إيمي
ابتسمت إيمان و وقفت مرتبكة وهي تخرج كيس صغير من جيبها
دي هدية عيد ميلادك

و اقتربت منه في منتهى الخجل و طبعت قبلة على خده
كل سنة وانت طيب يا احمد و عندما رفع احمد يده ليضعها على مكان القبلة
والتي ظل واضعا يده على مكانها لمدة ٣ ايام ورفض غسل وجهه حتى خوفا من زوال أثرها حتى أنه فتح الكيس بيد واحدة ليجد بداخله ساعة رقمية سوداء

كانت ايمان تجري خارج الغرفة و رأتها ابتسام تخرج مرتبكة قامت في غضب و سحبتها من يدها إلى منزلهم صائحة في غضب
انطقي حصل ايه جوة؟
اجهشت ايمان في البكاء
وصدر الفرمان لو شفتك داخلة اوضته تاني هاكسر رجلك سامعة !!

٤- آخر يوم على شاطئ البحر
ناهد و ابتسام و ايمان على كراسي البحر و بجانبهم اخوات ايمان التؤام فراس و حمزة يلعبان في الرمل
يحاول احمد و سماعات الووكمان في أذنه يستمع لاغنية علموني عينيكي اسافر
علموني افضل مهاجر
و يختلس النظرات لايمان التي تمسك في يدها كتاب أختاه الحجاب قبل الحساب

احمد قوم خد ايمان واتمشوا شوية على البحر
قالتها ناهد وتعمدت الا تنظر لوجه ابتسام
انتفضت ابتسام يتمشوا ايه يا ناهد ما تبطلي بقى العيشة الافرنجي اللي انتي عايشاها دي
انا اللي افرنجي ولا انتي اللي رجعتي للقرن ال ١٨ بالبتاع اللي انتي لابساه على دماغك ده

انا عارفة طايقة ازاي تنزلي ع البحر بكل اللي انتي لابساه ده
يا بت ده احنا طول عمرنا بنيجي البحر نفك على نفسنا
زفرت ابتسام
ربنا يهديكي يا ايمان انتي بس لو سمعتي كلامي و جربتي تسمعي الشرايط بتاعة الشيخ!
هتعرفي انتي اد ايه مقصرة ،، انا خايفة عليكي والله

حاولت ناهد إنهاء الحوار بالضحك
يا ستي سيبتلك انتي الهداية
استغفر الله العظيم يا رب
انا مش عارفة يا ناهد الصراحة محمد سايبك كدة ازاي!!!!
انتي عارفة الشيخ بيقول على الزوج اللي يسيب زوجته سافرة كدة إيه؟
ديوث والعياذ بالله

لم تصدق ناهد ما سمعته
انا سافرة و جوزي ديوث
انا مصدومة يا ابتسام
و جذبت احمد من يده و انطلقت إلى بيتها و هي تعلم أن هذا اليوم آخر يوم في صداقة عمرها مع ابتسام

- الغربة
كان الصيف الذي أتم فيه احمد عامه ال ١٢ هو آخر صيف يرى فيه إيمان على البحر
في هذا العام سافرت إيمان و امها واخوتها التؤام للسعودية للعيش هناك مع أبيها
كانت ليلة سفرها ليلة طويلة حزينة فهي لن ترى احمد لمدة عام و لن تذهب معه إلى المدرسة

و احمد لا يتصور حياته بدون ايمان حتى وأنه أصبح لا يراها أو يلعب معها مثلما كان يفعل
حياة ايمان في السعودية مملة جدا فبعد رجوعها من المدرسة لا تفعل أي شئ ليس هناك بحر و ليس هناك احمد
بعد وصولهم هناك ارتدت امها النقاب
و اصبح الحوار الوحيد بينها وبين امها لما تبقى ١٢ تلبسي الحجاب

احمد في المرحلة الإعدادية الان لم يعد يلعب أو يضحك يعيش عالمه مع الووكمان و ينظر كل ليلة لصورة ايمان التي التقطها لها يوم عيد ميلاده و يحكي لها ماذا فعل طوال اليوم حتى يغلبه النوم

٦- الفراق
بلغت ايمان عامها ال ١٦ الان
لم يعد احمد يجلس معها وحده ابدا في اجازة الصيف فهي دائما بحراسة امها أو اخويها التؤام
لم يعرفها عندما رٱها اول مرة بالحجاب

كانت بلكونة غرفتها التي تلاصق غرفته هي الطريق الوحيد للحديث اليه طوال هذه السنوات تختلس الوقت لتحادثه وهو في بلكونة غرفته
حتى كانت ليلة السفر انتظرها طويلا في البلكونة ولم تظهر حتى غلبه النوم فدخل إلى غرفته حتى راح في النوم

سمع دقات على زجاج البلكونة نظر خلف الزجاج رأى وجه ايمان
اندهش من رؤيتها وفتح الباب سريعاً
عيناها متورمتان من أثر البكاء
مالك يا ايمان في ايه؟
جيتي هنا ازاي يا مجنونة ده احنا في الدور الرابع لو وقعتي هتموتي
احمد ... انا بحبك و طول عمري ما حبيتش غيرك

صمت احمد طويلا هو الآن في التاسعة عشر طالب في كلية الهندسة لم يحاول ابدا الاقتراب من أي فتاة كما يفعل أصحابه
لانه لا يحمل داخل قلبه الا ايمان
حتى أن دفعته أطلقوا عليه مجنون ايمان
و رغم هذا لم يصرح اي منهما للآخر بحبه ابدا
أو ينطق كلمة بحبك

سحبها احمد للداخل
إنه لا يطيق أن يرى دموعها ابدا
ربت على يدها التي ترتعش
انا كمان يا ايمان بحبك و عمري ما حبيت ولا هاحب غيرك
هيجوزوني يا احمد
انت لازم تتصرف
اعمل اي حاجة
شعر احمد كأنه يغرق في بحر من النار
يعني ايه؟
انتي عندك ١٦ سنة
ايه الجنان ده؟

انا هاقول لماما تتكلم مع مامتك مش معقول يعملوا فيكي كدة
خلاص النهاردة قالوا لي انهم وعدوا الشيخ حمد بجوازي من ٣ سنين و كان مستني لما اتم ١٦ سنة
ده اكبر مني ب ٣٥ سنة يا احمد
و اجهشت في البكاء
و ارتمت في حضن احمد وهو مذهول

ولا يدري كيف يحافظ على حب عمره من الضياع
ظلت تبكي حتى غلبها النوم
و احمد يحتضنها
حتى صحت مذعورة على صوت آذان الفجر
يا نهار اسود دلوقتي ماما هتروح اوضتي تصحيني عشان نصلي جماعة
هيقتلوني يا احمد
انا لازم ارجع حالا
وقبل أن تنهي جملتها سمعوا صوت طرق شديد على باب الشقة

و صوت امها
افتحوا الباب
بنتي فين
فتح محمد الباب في ايه ؟
بتخبطوا و تزعقوا كدة ليه؟
البيوت ليها حرمة
انتوا خليتوا فيها حرمة هو انتوا تعرفوا الحرام م الحلال
قالتها ابتسام و هي تدفع محمد وتجري لغرفة احمد
إيمان و احمد يشعران بالشلل
حتى دخلت لتجذبها من شعرها على الأرض

وفراس وحمزة يركلانها بارجلهم
مافيش حاجة حصلت يا طنط ابتسام
ما تعمليش فيها كدة
التفت ابتسام انت يا زنديق ابوها هيقيم عليك الحد
فراس و حمزة انت زنديق و سوف نقيم عليك الحد
لم يتمالك محمد نفسه من الضحك
رغم صعوبة الموقف
خصوصا وأن جيران العمارة كلهم اتفرجوا

كانت المرة الأخيرة التي راي فيها احمد وجه ايمان
ثاني يوم اخذتها ابتسام لطبيبة امراض نساء لتطمئن رغم أن ايمان حلفت لها أنه لم يحدث شئ
ولكنها أصرت على اصطحابها
رأى احمد من شرفته ابتسام بنقابها الاسود تسحب خلفها خيمة سوداء أخرى علم أنها إيمان
#الجزء_الاول
#شخابيط_لماضة

#عائد_إلى_الماضي
#الجزء_الثاني
سلمى
بعد أن علم أحمد أن إيمان تم زواجها من ناهد التي أخبرتها إحدى الجارات بالخبر
حبس نفسه في غرفته ايام عديدة يرفض الطعام الا ما ندر و عندما تبكي أمه أمامه
و توقف عن الذهاب إلى كليته
حتى قرر زملاؤه زيارته في المنزل
وكانت سلمى ضمن وفد الزيارة

رغم تعجبهم جميعاً فهي دائما الفتاة الخجولة الدحيحة التي لا تتبادل معهم إلا أقل الكلمات و لا تذهب لاي رحلات أو تجمعات فذهبت معهم تحمل اوراق كثيرة و دفاتر ملاحظات جهزتها لاحمد حتى يعوض ما فاته
إيه يابو حميد مالك تقلان علينا
و ما بتجيش الجامعة
دي حتى دمها تقيل من غيرك

تعبان شوية معلش و مش قادر
كتر الف خيركم متشكر ليكم جدا على الزيارة الحلوة دي
لا شكر على واجب يا احمد
و صاح عيسى الا صحيح يا مجنون ايمان قوللي هي فين ايمي اللي انت فالقنا بيها ده انا قلت انت اتجوزت من ورانا و بتقضي شهر العسل
وضحك ضحكة عالية جدااا

جعلت احمد ينفجر غاضبا
عيسي انا ما اسمحلكش تتكلم في الموضوع ده
ولا اسمح لحد يجيب سيرة ايمان
انتوا سامعين .. سامعين كلكم
و سلمى تنظر إليه و تلمح الدموع التي يخبأها و تكاد تتفجر في عينيه
قامت واقفة يالا يا جماعة واضح أن احمد تعبان كفاية اتطمننا عليه

و عيسى ينظر للأرض من الخجل والاحراج
انا آسف يا احمد كنت عاوز بس افك الجو شوية
مد احمد يده امامه مع السلامة يا عيسى
كانت سلمى مثل باقي الدفعة تعلم أن احمد مجنون ايمان و كل شخص في الدفعة نسج رواية مختلفة لقصة حب احمد و إيمان
كانت لا تسمح لنفسها بإقامة اي علاقات مع الشباب

كباقي زميلاتها لأنهم في رأيها لا يعرفون شي عن الحب الذي كانت تقرأ عنه في الروايات
فتاة خجولة ، رقيقة، الجامعة بالنسبة لها مكان للعلم فقط
ولكن ما سمعته عن أحمد جعلها تتابعه من بعيد فهي لم تسمع من قبل عن شاب أحب فتاة هذا الحب و عمره ٨ سنوات إلى اليوم بعد اقترابه من سن ال ٢٠

وكانت تحلم بشخص يحبها هذا الحب
بعد الزيارة بيومين ذهب احمد للجامعة رحب به كل الزملاء و أطرق عيسى في الأرض
احتضنه احمد سامحني يا عيسى انا اعصابي تعبانة
ولوا لي من فيكم بقى اللي جهز لي المحاضرات و السكاشن و كمان ايه اللي حصل في العملي ده أيده تتلف في حرير

سلمى تركت الاوراق و خجلت يومها أن تعطيها لاحمد بيدها
قول أيدها تتلف في حرير و ورد و ياسمين يا هندسة
هي مين دي ؟
سلمى يا سيدي صممت تيجي معانا و هي اللي عملت كل ده مع أن عمرها ما سلمت على واحد فينا برة باب الجامعة أصلا

ذهب احمد إليها بعد اول محاضرة
مد يده لها كانت يدها باردة كالثلج واحس بها ترتعش في يده
ازيك يا سلمى انا متشكر اوي على اللي عملتيه معايا كأني كنت موجود كل يوم
حقيقي مش عارف اشكرك ازاي
ردت لا شكر على واجب احنا .... اخوات يا احمد
طبعا اخوات

مافيش محاضرات لمدة ساعتين تيجي نشرب حاجة انا ميت من العطش
أشارت برأسها موافقة
أصبحت سلمى رفيقة احمد في كل المحاضرات
فتاة ذكية جدا من أوائل الدفعة دائماً و دفعة هندسة مدني البنات فيها تعد على أصابع اليد
كانت تقريباً الشخص الوحيد في العالم الذي حكى لها احمد قصته مع ايمان

وكانت تضحك معه عندما يحكي عن تصرفاتهم وهم أطفال وبكت معه بحرقة عندما أخبرها عن الليلة الأخيرة بينهما حتى علم بزواج ايمان من الشيخ حمد

ليلة العرس
كانت ليلة زواج ايمان من الشيخ حمد الذي يبلغ ال ٥٠ من عمره ولكنه يبدو في السبعين مثل فيلم رعب
ذهبت لڤيلته التي خصص لكل زوجة من زوجاته الثلاثة جناح كبير بها أما هي فكان نصيبها غرفة من غرف الضيوف بحمامها الخاص
لم يكن هناك حفل فقد تم الزواج في السفارة

سلم عليها ابوها ليلتها قائلا أنا كدة اتطمنت عليكي
انا مسافر و بكرة بمشيئة الله إلى أرض الجهاد في سبيل الله
امك و اخواتك طالعين بعدي بشهر حتى أستطيع أن أرتب لهم الإقامة هناك
ارتعبت ايمان انتوا رايحين أفغانستان هتموتوا هناك
ارجوك يا بابا بلاش

قضي الأمر يا بنتي يا ريت نموت بأرض الجهاد حتى نكون شهداء
و كانت هذه آخر ليلة ترى فيها أبيها
الشيخ حمد أحد كبار داعمي المجاهدين الأفغان وهو من أرسل ابيها إلى هناك علمت ايمان ذلك بعد فترة طويلة

زوجها ضعيف جنسيا يدخن الحشيش كل ليلة وتفوح منه رائحة الخمر و ينتقم من ضعفه فيها في صورة إهانات و ضرب لا ينتهى
قضى في غرفتها ٣ ايام متصلة بعد الزواج كانت اصعب ايام حياتها
و حان موعد سفر الام التي ذهبت لتودعها قبل السفر
اخذتها ايمان إلى غرفتها
ابوس ايدك يا ماما خديني معاكي

انا عندي اموت في أفغانستان ولا اقعد هنا
نهرتها ابتسام بشدة
استغفر الله العظيم
المرأة حيث يكون زوجها اوعي اسمعك تقولي كدة تاني
يا ماما حرام عليكي
بصي
خلعت ايمان ثوبها لترى امها كدمات و جروح في كافة أنحاء جسدها
وايه يعني الزوج من حقه يأدب زوجته
انا ما عملتش حاجة عشان يأدبني

ده بيتسلى بضربي و اهانتي
وماله على الزوجة طاعة زوجها لو ده بيبسطه انتي عاوزة ربنا يغضب عليكي والملايكة تلعنك لو نام غضبان منك
ربنا ما يرضاش بالظلم يا ماما
ربنا ما قالش الست تتهان و تتضرب
عشان جوزها ضعيف جنسيا
يداري ضعفه بضربي
اخرسي صفعتها الام على وجهها
اوعي تقولي كدة على جوزك

ده الشيخ حمد فاهمة يعني ايه الشيخ حمد والست المؤمنة ما تقولش على جوزها كلمة وحشة حتى لو هو الشيطان والعياذ بالله
رغم المها من الصفعة
أيوة هو شيطان بيطلب مني حاجات حرام
مافيش حرام بين الراجل و مراته طالما جوزك عاوز حاجة تعمليها و انتي ساكتة

ده بيشرب خمرة يا ماما و حشيش كمان
عفى الله عنه ،، جوزك
فاهمة يعني ايه جوزك
شعرت ايمان أنها تنطح رأسها في الحائط
هاموت نفسي والله لاموت نفسي
هتموتي كافرة
السلام عليكم و رحمة الله وبركاته
اشوفك على خير
اجهشت ايمان في البكاء و لم يكن في بالها غير احمد الذي لم يكن يطيق رؤية دموعها

@viewsama
🙏🏼🙏🏼🙏🏼

#عائد_إلى_الماضي
الجزء الثالث
العقل ام القلب ؟
قضى احمد باقي سنوات دراسته لا هم له سوى التخرج و كان مشروع تخرجه هو منزل الاحلام الذي طالما بناه على الرمال مع إيمان
أصبحت سلمى أقرب الناس إلى قلبه اعتاد وجودها بجانبه دائماً
كانت الوحيدة التي تسأله دائما أن يحكي لها عن إيمان

و ماذا كانا يفعلان و تشاركه كل المشاعر التي تعتريه و هو يحكي
كان احمد سعيدا بذلك دائما و يشعر براحة عميقة وهو يشاركها حب عمره
كانت تلك القصة بالنسبة لها هي نموذج الحب البرئ المخلص الذي تقرأ عنه في الروايات و ترى أن الحب لا يكون إلا هكذا

أصبحت تشارك أحمد كل تفاصيل حياته و تشعر معه إنها آمنة ولن يمسها مكروه طالما هو بجانبها
و كثيرا ما قالت له:
طول عمري مؤمنة بالحب لكني اصبحت أكثر إيمانا به بعد ما شفت حبك لايمان
كانت سلمى ضمن فريق احمد لمشروع التخرج
وفي احدى ليالي العمل سألها تفتكري يا سلمى نعمل اوضة العرايس فين

ردت بتلقائية شديدة ماليش دعوة عاوزة جراچ كبير للعرايس بتاعتي زي جراچ العربيات بتاعتك
كانت دائما تفاجئه بعبارات قالتها إيمان و أخبرها بها
ولكن الضمير الذي تخاطبه به الآن مختلف أنها تتحدث كأنها من سوف يشاركه منزل الاحلام
شعر احمد بشئ مختلف تلك المرة

شعر احمد بشئ مختلف تلك المرة
لم يكن يحب سلمى كما احب ايمان
ولكنه اعتاد وجودها بجانبه دائماً
انها اكثر من وقف بجانبه لتخطي أزمة فراق إيمان
إنه يشعر معها انه مسئول عنها
كما كان دائما مسئول عن إيمان فهي تلجأ إليه وتشاركه كل صغيرة و كبيرة في حياتها

تشعره دائماً أنه رجلها الكبير رغم أنها تماثله في العمر كما كان دائما يشعر مع ايمان
و بدأ داخله صراع العقل والقلب
قلبه الذي لم ير إيمان منذ سنوات عديدة ولا يعلم حتى اين هي؟
لا يزال ينبض بحبها
أما عقله فإنه يخبره دائما أن حياته يجب أن تستمر و أنه يجب عليه المضي في تحقيق أحلامه

خاصة بعد وفاة أبيه و حلم ناهد أن تراه مهندس اد الدنيا و تريد ٣ احفاد على الأقل
بعد تقديم المشروع و نجاح احمد و سلمى
كان لقاءا مختلفا بعد سنوات لا يفترقان قد ترسل الحياة كلا منهما إلى طرف من أطراف الأرض و لا يلتقيان أبداً
كانت عيون سلمى واضح عليها انها لم تنم ليلتها

و هناك دموع حبيسة تأبى الإفراج عنها
سلمى انا عارف بتفكري في ايه و حاسس بيكي و انا كمان متلخبط مش قادر اتخيل اني ما اشوفكيش كل يوم
انا اتعودت انك دايما جنبي بتشاركيني كل لحظة في حياتي
بس خايف اقول حاجة يكون فيها ظلم ليكي، انتي اكتر حد في الدنيا لا يمكن اظلمه لاني عارف طعم الظلم

انتي عارفة اني لسة باحب ايمان صح؟
انطلقت دموع سلمى التي حبستها من اول اللقاء
احمد انا بحبك
سامحني اني قلت كدة أو حسيت بده
ما تزعلش مني
غصب عني حبيتك وما كانش ينفع اعمل كدة بس اللي حصل
وعشان بحبك انا بحب ايمان لأنها جزء منك
ويمكن لو ما كنتش بتحبها الحب ده كله ماكنتش هاحبك

انا مش هقدر استغنى عنك ولو الظلم اللي بتتكلم عنه هو حبك لايمان ده بالنسبة لي هو قمة العدل
لم يكن هناك كلام يستطيع احمد أن يرد به وقتها
موافقة نتجوز و اوعدك ....
لم تتركه سلمى يكمل الجملة
اوعدك انا لو خلفنا بنت هنسميها إيمان و نعمل لها اوضة للعرايس

الرحيل
قضت إيمان شهور حملها محبوسة في غرفتها تقريباً
جعلها الحمل تنفر منه تماما وكلما اقترب منها أصابها غثيان شديد
أصبحت هزيلة جدا رغم تخصيص ممرضة لها للإشراف على حالة الأجنة في رحمها ايمان حاملا في تؤام
ما وجدته من تناقض في افكار امها و ابيها خاصة بعد آخر حوار لها مع امها

جعلها ذلك ترفض تماما حضور دروس الشيوخ التي فرضها عليها الشيخ حمد
على قدر ما كانت سعيدة بحملها أنها سوف يكون هناك بجانبها طفلان من دمها بعد أن ذهبت عائلتها بلا رجعة
الا أنها كانت مرعوبة على أطفالها من مصيرهم مع الشيخ حمد
خاصة بعد أن اصبح الوضع في أفغانستان مخيفاً

أصبحت أكثر تمردا خاصة بعد أن علمت أنها تحمل ولدين و اغلب خلفة الشيخ حمد بنات
كان يقوله لها دائما
لولا أنك هتجيبي ولدين كنت دبحتك ومالكيش دية عندي
وضعت ايمان طفليها بحالة جيدة
كانت في قمة السعادة بهما
نقلها حمد جناح كبير خاص بها وخصص لها عدد من الخدم لخدمتها و رعاية الأطفال

كلما حاول الاقتراب منها إصابتها نفس حالة الغثيان
وسوست له إحدى زوجاته أن يخدرها ثم يفعل بها ما يشاء
كانت قمة الإذلال لايمان و الان لم يعد لها أسلحة تحارب بها حمد بعد أن وضعت جنينها
وبعد أن أصبح حمد يحمل صيدلية أدوية جاء بها من امريكا لتقويته جنسيا
باتت العلاقة كأنها اغتصاب

لم يكن لها حظ آخر من الحمل أتم الصبيين عامهما الثاني
دخل عليها الشيخ حمد
دلوقتي عملتي اللي عليكي وانا طبقت شرع الله و أبنائي أتموا العامين وقت الفطام
و غدا سوف تلحقين بامك و ابوكي
حاولت الصراخ والاعتراض قام حمد بتكبيلها و تخديرها و أفاقت في الطائرة لم يسمح لها حتى بتوديع أولادها

لم ترى إلا امها في أفغانستان أصبحت أقسى و أعنف من ذي قبل
كانت تريد فقط أن ترتمي في حضنها ولكنه لم يحدث ابدأ
حياة الصحراء قاسية جدا و كل من حولها قاسيا
وبعد عدة سنوات نقلوهم للسودان
قضت حوالي عامين هناك
كانت تنتقل معهم مثل المتاع لا احد يخبرها بشئ أو يطلب منها شيء

جربوا أن تكون إحدى الداعيات فشلت ، أن تكون إحدى المجاهدات فشلت أكثر ، أن تكون خادمة لم تنجح في ذلك أيضاً
فأصبحت واحدة من تلك النساء اللاتي اسموهم بملك اليمين
أمير الجماعة يستطيع منحها كل ليلة أو عدة ليالي لأحد الرجال كمكافأة له ثم بعدها تنتقل لآخر

وجدت نفسها بعد سنوات على حدود العراق مع رايات سوداء تحمل رايات "جماعة التوحيد والجهاد" السوداء
اصبح جسدها لا يصلح لجهاد النكاح كما أصبحوا يسمونه من كثرة محاولاتها للهرب وجلدها و كيها بالنار ولم يكن مسموح لهم بقتلها لأنها مرسلة من الشيخ حمد رغم أنه لم يهتم أن يسأل عليها يوماً

جاءتها يوم طبيبة المعسكر تخبرها أن هناك سيدة عجوز بين الحياة والموت تطلب لقاءها
كانت د. فاطمة
هي الطبيبة الأمريكية سارة فريتز على علاقة قوية بالمخابرات الأمريكية و اكثر من حارب قتل الفتيات الصغيرات ضحايا زنا المحارم وجهاد النكاح
لم يستطع أحد معارضتها

كانوا يخفون الفتيات خارج المعسكر بدون علمها ولكنها استطاعت إلى حد كبير حماية معظم الفتيات بطلبهم للعمل معها في مستشفى المعسكر
و أصرت على بياتهم معها
خرجت ايمان مع د. فاطمة
وكانت صدمتها أن السيدة العجوز هي ابتسام التي أصابها العجز و التجاعيد تحيط بها

ما أصاب ايمان بالذهول هو رؤية شبح ابتسامة على وجهها اعادتها لجلستهم على شاطئ المعمورة في السبعينات
أشارت ابتسام لصدرها وحاولت رفع يدها لتخرج حبلا مربوطا في رقبتها ساعدتها ايمان وانهمرت دموع الأعوام الماضية كلها في عينيها
مفتاح مربوط في آخر الحبل
اسكندرية
يا ايمان
سامحيني يا بنتي

كانت تلك الكلمات الأخيرة التي نطقت بها ابتسام و انهارت بجانبها ايمان باكية
د. فاطمة ربتت على كتفها وقالت بعربيتها المكسرة
ايمان تعال معايا
اخذتها لخيمتها وحرصت الا يسمعها أحد
امك قبل ما يموت حكى لي كل حاجة عنك
امك كان بيحبك يا ايمان

لم تتمالك ايمان نفسها كل اللي كنت عاوزاه منها حضن اتحامي فيه من الدنيا .. ما حسيتش بحبها من عمري ٩ سنين
تصدقي يا دكتورة انا معرفش دلوقتي عندي كام سنة
هاقولك حاجة ايمان ... اسمع كلامي
"الحياة يمكن أن نفهمها من دروس الماضي ولكي نعيشها يجب أن نمضي للامام"
فهمتني إيمان

لم تجب ايمان ولكن كلمة الماضي لم تقودها الا لاحمد و بيتهم على الرمال و غرفته وعرائسها و سياراته
اكملت فاطمة انت عيان وانا هابعتك المستشفى في امريكا
لم تفهم فاطمة انا مش عيانة
اسمع الكلام انا عملت تقرير انك لازم تتعالج برة و عرفت انك تبع شيخ حمد عشان كدة هما مش قتلوكي

نحمد ربنا حمد عنده الزهايمر دلوقتي يعني مش فاكرك اصلا لازم نلحق نخرجك من هنا قبل ما يموت
انا هاديك جواب لدكتور في المستشفى
He knows what he will do
صمتت ايمان
ضحكت فاطمة
شكلك مش فهمت
في حد هيساعدك هناك المهم الجواب ده هتلاقيه في كرسي الطيارة اللي هتركبها دور عليه

انت هتقعد مسافر كذا يوم من بلد لبلد قبل الطيارة
يالا لازم تصرخ دلوقتي عشان نبدأ الخطة بتاعنا
بعد أيام طويلة قضتها ايمان في رحلة السفر وجدت ايمان نفسها في المستشفى و أمامها طبيب يبتسم لها
بلغة عربية سليمة
اهلا سيدة ايمان
اطمئني كل شيء جاهز في انتظارك

ها هو جواز سفرك الجديد احتفظنا باسم ايمان فقط أما باقي الاسم فهو فريتز
والصورة تم صنعها ببرنامج الفوتوشوب
نظرت ايمان للباسبور وهي تردد هو في محل بيبيع صور الناس
ضحك د. زياد
لا الفوتوشوب هو تطبيق لصناعة الصور
لم تفهم ايمان اي كلمة من كلامه

ولكنه تابع نحن مجموعة تطوعية تحاول إنقاذ ضحايا الجماعات التكفيرية مثلك
نتمنى لك حياة سعيدة
هذه بطاقة حساب لاحد البنوك بمصر به مبلغ معقول لبدء حياة جديدة
اليوم هو يوم مغادرة المستشفى سوف تقضي يومين برفقتي حتى يتم مطابقة شكلك بصورتك
هيا ارتدي ملابسك انا في انتظارك بالخارج

وجدت ايمان بنطلون رياضي و تيشرت و چاكيت و حذاء وملابس داخلية تناسبها تماما
كم مر عليها وهي ترتدي السواد وتعيش فيه

عيد الميلاد 43
صيف ٢٠١٤
مساء الفل يا ست الكل
التفتت ناهد إلى الباب و صوت احمد الذي انتقل من سنوات للعمل بالقاهرة و رفضت ناهد الانتقال معه
و اصبح هو و سلمى و الاولاد يذهبان لزيارتها كل اسبوعين او ايهما إذا كان الآخر مشغولاً
قامت ناهد تتكأ على عصاها
حمدالله على السلامة يا حبيبي

انت جيت لوحدك بردو فين سلمى و الولاد
يا ناهودة انا قلتلك ايمان عندها امتحان بكرة و ناهد و علي عندهم تمارين
ومش معقول سلمى تسيبهم لوحدهم
ده عيد ميلاد ابوهم بييجي مرة واحدة في السنة
عارف بس يا ست الكل عيد ميلاد ايه اللي مصممة تعمليهولي ده
-هفضل اعملك عيد ميلاد لحد ما اموت

رن جرس الموبايل
اهلا ... اهلا ام ايمان
آه ابو ايمان وصل اسكندرية بالسلامة
ام ايمان بردو ده انا دكتورة في كلية الهندسة يابو العيال
صوت ضحك سلمى و ضحك احمد جعل ناهد تضحك هي الأخرى
انا عارفة سلمى دي مستحملة غلاستك دي على ايه
خليكي محضر خير يا ناهودة سلمى عاوزة تسلم عليكي

اخذ الموبايل من ناهد و دخل غرفته
وحشتيني يا حبيبة قلبي
انت اللي وحشتني اوي يا احمد لولا مش عاوزة ازعل طنط ناهد ما كنتش سيبتك يوم عيد ميلادك لوحدك خالص
معلش يا حبيبتي بكرة الصبح هاكون عندك و نعمل احلى عيد ميلاد
استعدي بقى
باي يا حبيبتي
محمد رسول الله

ألقى احمد نفسه على السرير ووجد صورة ايمان التي التقطها يوم ميلاده لم تعد الملامح بها واضحة ولكنه وجد نفسه يسترجع ملامحها بالظبط و بجانب الصورة علق ساعته الرقمية وضحك من نفسه عندما وجد يده تتحسس موضع القبلة
امسك التليفون ليطلب سلمى

رن الجرس ووجدها تفتح باب الغرفة
كنت فاكرني هاسيبك لضرتي يوم عيد ميلادك
بحبك يا مجنونة
بموت فيك يا حب العمر
قومي بقى اقفلي الباب بالمفتاح

الساعة السابعة كانت التورتة و الساندوتشات على الترابيزة و زجاجات البيبسي و الميراندا
شفتي يا سلمى انا الوحيد في القرن ٢١ اللي لسة بيعمل عيد ميلاده سبعينات ستايل
يالا نطفي الشمع
وافسح المكان لتطفئ الشمع معه
ثم سحبته من يده لغرفته

تعال وريني الهدايا بتاعتك ووقفت أمامه تعيد المشهد الذي تعيده كل سنة في عيد ميلاده
مرتبكة كثيرا وتخرج هدية من جيبها
كل سنة وانت طيب يا احمد
وتطبع قبلة على خده و تركض خارج الغرفة
ويجري وراءها و يده على خده
وناهد تضحك يا ترى هتغسل وشك بعد كام يوم 😂😂

الماضي يدق الباب
دق جرس الباب فتحت سلمى وهي تضحك لأنها اقربهم للباب
مساء الخير طنط ناهد موجودة
آه اقولها مين ؟
اقترب احمد من الباب سيدة يبدو وجهها في الخمسينات أو أكثر رغم ما يبدو من صغر حجمها و ضعف جسدها
لم يرها من قبل ذات شعر اصفر طويل ترتدي ملابس كاجوال

نظرت وراء سلمى لتتقابل اعينهما
صاح كلا منهما في نفس الوقت باسم الآخر
تسمرت سلمى مكانها فبالرغم من كل ما حاولت كتمه داخلها طوال هذه السنين كان ما يعزيها أنها ماضي ولن يعود ابدا
ولكن هاهو الماضي الآن يقف أمامها دما ولحما
مين يا ولاد؟
دي ايمان جارتكم يا طنط

قالتها سلمى و جرت لغرفة احمد تغلق عليها الباب و قلبها يدق بعنف فهي للمرة الأولى منذ قابلت احمد تشعر بالخوف
هبت ناهد واقفة أخذت ايمان في حضنها و اجهشت كلا منهما في البكاء
ثم انتبهت ناهد
احمد ادخل هات سلمى مراتك تقعد معانا

شعر احمد انه عاد من رحلة طويلة ووقف ينقل نظره بين إيمان و باب غرفته ثم ذهب للغرفة و وجد سلمى تبكي على سريره
لأول مرة يشعر أنه غير قادر على مسح دموعها ولكنه جلس يبكي بجانبها
كانت تلك اللحظة من أصعب اللحظات التي مرت عليهم في زواجهم

تماسكت سلمى انت جاي تاخدني عشان اطلع معاك برة صح ؟
أومأ احمد برأسه
انا خارجة لحظة
خرجت للصالة حيث تجلس ايمان مع ناهد
وشدتها من يدها
النهاردة عيد ميلاد احمد وانتي لازم تكوني اول واحدة تشوف هديته
و دخلت بها للغرفة

قضى احمد الأسبوع التالي في توتر شديد و سلمى تكاد لا تتحدث معه
يوم الخميس
احمد انت بكرة إجازة اطلع اسكندرية اقعد يومين شوف طنط ناهد وإيمان يمكن تكون محتاجة حاجة
عاد صراع العقل والقلب مرة أخرى يتجسد أمام احمد و لكنه لا يعلم هذه المرة ماذا يريد قلبه

ذهب احمد للإسكندرية لم تكن ناهد افضل حالا منهما فهي الأخرى يتملكها القلق
ذهب احمد لبلكونة غرفته
كانت ايمان واقفة تتأمل البحر أمامها
ازيك يا ايمان
نظرت له و رأى نفس فرحتها وعمرها ٩ سنوات
جلست ايمان أمامه في صالة منزلهم و ناهد في الڤراندة أمام كوب الشاي بالنعناع

حكت له كل ما مر بها
و بكائها لا ينقطع
و احمد لا يستطيع أن يهدئها و سمعها احمد جيدا وتعاطف مع دموعها وشعر بمسئوليته عنها
ولكنه كان طوال الوقت يفكر في سلمى
إيمان اتطمني انا مش هاسيبك لوحدك انا ولا سلمى دي بتحبك جدا و متاكد انكم هتكونوا أصحاب

و ربنا يعوضك عن كل اللي شفتيه
انا هتصرف تكملي دراسة في الجامعة المفتوحة
وأمسك الموبايل
ام ايمان ... ازيك يا حبيبتي وحشتيني اوي
وانت كمان يا ابو ايمان
وانا كمان ايه يا ولية ؟؟؟
وحشتني اوي

كانت سلمى تضحك بصدق
فهي تعلم من ناهد انهما يجلسان معا منذ ساعة و توقعت أنه لن يتصل بها قبل ساعات أو لن يتصل ابدا
فاكرة الواد عيسى مش كان بيدور على عروسة
انا يا ستي لقيت له العروسة
آه العروسة قاعدة قدامي اهي
كانت سلمى ترقص وتقفز من على الأرض في الجهة المقابلة

لا تقول لا ايه هو في بنت تقول لاخوها الكبير لا
هي عارفة كويس اني اكتر واحد بيعزها و عارف مصلحتها اكتر منها
اطرقت ايمان في الارض ثم رفعت راسها ده صاحبك يا احمد؟
دفعتي وصاحب عمري
و طول عمره نفسه يتجوز واحدة عبيطة زيي و زيك

و اديكي جيتي بلحمك و دمك
هاااا نقول مبروك
اللي تشوفه يا احمد
#تمت
#عائد_إلى_الماضي
#شخابيط_لماضة

@EmanZarad مساء الفل يا ايمي كلها موجودة الباقي نزل النهاردة هاعملك مينشن عليه ⁦❤️⁩

@AbymomoMo
ملاحظات و تقييم بصراحة
و ما بازعلش من النقد

التصنيفات

المزيد من هذا الكاتب

مواضيع ذات صلة

الأكثر اعجابا

التصنيفات

المزيد من هذا الكاتب

مواضيع ذات صلة

الأكثر اعجابا

فك الثريد