١. مريخ العقرب بأختصار هو مريخ "حريف" عامل زي لاعب الكرة الشاطر اللي بيعرف يحرز هدف الفوز في اصعب وقت. هتلاقي ان المريخ ده تحديداً مش بيحب يحرق نفسه وبالتالي بياخد وبيعمل كل حاجة علي الهادي او بهدوء. انت ممكن تكون معاه ٢٤ ساعة ومع ذلك استحالة تعرف هو بيخطط او ناوي علي ايه.
٢. مريخ #العقرب قوته لا تكمن في جاذبيته لكن في مكره لأن دهائه واسلوبه الماكر هو اللي بيخليه جذاب وبعدين بيعرف يلعب حلو يعني شاطر في الهجوم والدفاع وهيخليك متكيف وانت بتتفرج عليه. المريخ الوحيد اللي دايماً معرض لمكاسب هائلة او خسائر فادحة، يا هيكسر الدنيا يا هيخربها مفيش وسط!
٣. بعيداً بقي عن الكلام بتاع انه مريخ sexy واووف احح والكلام ده 😂 سر المريخ ده في "الاغراء" يعني بيعرف يغريك ويلعب علي غرائزك سواء رجالة او ستات، اي شخص بمريخ #العقرب من اول نظرة هيعرف نقط ضعفك فين وهيبدأ يلعب عليها عشان "يأمن" نفسه وتأكد انه دايماً سابقك بخطوة.
٤. مريخ #العقرب مريخ مائي في النهاية ولذلك هتلاقيه شديد التعلق بأهدافه و رغباته، دوافعه قوية واخلاصه عالي جداً للي بيحبهم. عشان كده ممكن يتهوس بشخص معين لفترات طويلة او يفضل مصمم علي هدف مش عايز يمشي معاه لسنين، مش بيملوا بالعكس كل ما الامور تتعقد كل ما اللعبة تحلو بالنسبة ليه.
٥. عادةً رجل مريخ #العقرب معقد وبيميل للست البريئة صاحبة التجارب القليلة واحياناً بينجذب للاصغر منه بفرق وعلي حسب وضع خريطته. في النهاية هو رجل لا يقاوم حتي لو مش وسيم للغاية طبقاً لمعايير معينة بس صعب تقاوم الحاحه، غموضه وطموحه بجانب انه شاطر في مراقبة الاخرين واحتوائهم.
٦. ستات مريخ #العقرب عندهم جرأة مختلفة لأن جرأتهم تكمن في تصرفاتهم وفي طموحهم، طموحها يخوفك. دي الست اللي ممكن تتحدي راجل معاها في الشغل او تفضح اي فساد او تهاجم بقوة وبدون رحمة وبعدين الستات دي سهل تضغط عليك بأي وسيلة لحد ما تحقق هدفها يعني بتحسبها صح دايماً.
٧. اخلاص وتفاني مريخ #العقرب للشئ او الشخص اللي بيحبه مبهر جداً ويخليك ساعات عايز تقرب لشخص بالجنان والشغف ده. اغلبهم محتاجين ناس متفهمة لطبيعتهم ولذلك كن حريص معاهم ومن البداية حدد موقفك لأنك يا هتكسب افضل صديق او اعظم حبيب يا هتتحدي اسوأ عدو، حقيقي مفيش وسط معاهم يا شباب 😅
كالعادة خريطتك ليها الكلمة الأخيرة وافتكر دايماً ان مفيش بطل لحكايتك غيرك 🌟
اتمني للجميع يوم مشرق مبهج وجميل ☀💛
بحبكم أبطالي 🦄💜
اتمني للجميع يوم مشرق مبهج وجميل ☀💛
بحبكم أبطالي 🦄💜
جاري تحميل الاقتراحات...