?•?•?•?•⚠️•?•??♀️
- Arson Investigation -
ماذا لو كان مسرح الجريمة عبارة عن حريق؟ شلون ممكن عن طريق الكيميا نعرف إذا المكان محترق طبيعيًا أو في مادة موجودة بالمكان حفزت الإشتعال ( مُفتعلة)؟
- Arson Investigation -
ماذا لو كان مسرح الجريمة عبارة عن حريق؟ شلون ممكن عن طريق الكيميا نعرف إذا المكان محترق طبيعيًا أو في مادة موجودة بالمكان حفزت الإشتعال ( مُفتعلة)؟
قبل لا نتعمق .. يعتبر مسرح الجريمة لما يكون حريجة أصعب ليش؟ لأن النار راح تبهذل المكان ممكن الأدلة تخترب و تتدمر ❌ممكن تتكون مواد غير مستقرة و السواد إلي راح يتكون بحد ذاته راح يصعب الرؤية فهذي بعض من الأمور إلي تصعب البحث !
أهم نقطة بالنسبة حق الأدلة شيين : يلقون ( مركز الحريجة ) و غالبًا يكون أكثر نقطة متركز فيها الدمار و السواد بشكل أكثر من أطرافه? + حركة النار في المكان?!
طبعًا هذي عدة الأدلة الجنائية في حال كان الموضوع بحث في مكان محترق، نظارات و جمبسوت كاملة عشان اللوكيشن حساس و مستلزمات أُخرىٰ⛏????!
نبدي نتخيل سيناريو وهمي عشان نوصلكم الفكرة، لنفرض رحتوا ٣ مسارح جريمة حلو? ؟ شلون راح تعرفون تفرقون بين المسرح إلي كان سببه طبيعي جدًا و الي كان مُفتعل عن طريق " تحليل العينات " من هالـ ٣ أماكن؟
راح نستخدم ٣ زجاجات و كل زجاجة راح تكون مختلفة عن الثانية نتخيل فيها ظرف مختلف بمسرح الجريمة ، بكل زجاجة راح يكون في كلينكس?، واحد راح نضيف له مادة وحدة الثاني راح نضيف له مادتين الثالث بدون و لا مادة!
بس شنو أقصد بالمادة؟ إهيا نسميها : Fire accelerant أوك بس هم شنو يعني؟ يعني مادة تنضاف عشان تخلي المكان يحترق أسرع بمعدل أكبر من لو كانت نار طبيعية بروحها بحيث إنه تضمن انتشار النار يكون أسرع و أقوىٰ و بحالتنا استخدمنا سائل لأن ممكن يكون في أنواع ثانية صلبة⚗️?
المادة السائلة عبارة عن هيدروكربون شنو يعني؟ يعني مركبات تتكون من ذرات كربون و هيدروجين إلي أهما : Heptan + Octane استخدمناهم عشان يسرعون لنا عملية الاشتعال عشان نحاكي " الحريق المفتعل " بزجاجتين و الثالثة بدون إضافة شيء !
إهما يعتبرون من المواد الي تزيد الاشتعال بس خفيفة في أنواع أثقل منهم إلي تستخدم بالصج إلي أهما الديزل و الكيروسين بس احنا بلاب فلازم نستخدم الخفيفة عشان سلامتنا ماله داعي نقلب اللاب مسرح حريجة صجية عشان تجربتنا يعني???♀️!
والله ماكو ضفنا المواد و ناطرينهم زيادة يحترقون عشان ناخذهم كعينة لما تنطفي و ننچبهم ???⏱⏳
هني انطفت النار وحطينا جزء من المحترق بصحن و نطرناها تطفي زيادة عشان ننقلهم مكان ثاني من يديد?✂️!
نقلنا من كل زجاجة حرقناها عينة فصار عندنا ثلاث عينات مختلفة عشان ننتقل لجزء الكيميا و شلون نقدر نحلل هالعينات و نفهم النتايج عشان تساعدنا بالأدلة، " خياليًا " مثل ما افترضنا في البداية كنا ماخذينهم من ٣ حرائق مختلفة ما تنسوش !
احنا فعلاً عندنا علم بكل عينة شنو فيها لأن احنا الي ضايفين و ندري بكل عينة شنو مفروض النتيجة بس لنفرض إنتوا كنتوا ماخذينها من المكان بدون علم نهائي بشنو ممكن تكون النتيجة فافترضوا معاي إنها مجهولة بعدين نقارنها بالنتايج و نشوف شلون راح تتطابق??!
بِسم الله ننتقل للجزء الكيميائي بالموضوع، راح نستخدم جهاز اسمه Gas Chromatography عشان يساعدنا في إن نعرف محتوىٰ كل عينة، طبعًا هٰذي غرفة العمليات و هٰذي صورة لمكان العينات، أوك بس ممكن تفهمينا شيبي بالضبط الجهاز و شعلاقته فاطمة؟?
أول شي قبل لا نحط العينة بالجهاز راح نذوبها بسائل مثل ما انتوا شايفين مو علىٰ عدالها، انزين شنو فكرة الـ GC؟ بكل بساطة عشان تفهمونها بأبسط طريقة تخيلوا إن الجهاز راح يرفع درجة حرارة العينة بحيث إن تتحول من سائل? لي بخار حلو?؟ ليش بخار؟ لأن البخار لما يصعد تخيلوه مثل ما بالصورة:
راح تكون الجزيئات مالت البخار متكونة من مواد هذي المواد راح يتم رصدها عن طريق الجهاز لما تتبخر چك بوم يصيد الجهاز وجودها مثال لو كانت عينة ٢ إلي ضفنا عليها مادتين : Octane+Heptane?✅
نيي حق جزء النتايج و الأحب إلىٰ قلبي?????
نلاحظ بالنتايج تكونت عندنا شكل قمة بمكان واحد إلي إهوا الـ DCM الي اهوا ما يمثل شي غير السائل الي ذوبنا العينة فيه " مو الي ساعد عشان يسرع الاحتراق نركز بارك الله فيكم "، يعني شنو؟ يعني الشي احترق طبيعي✅
العينة الثانية طلعت عندنا ٣ قمم نتغاضىٰ عن الٰ DCM لأن مثل ما قلنا مجرد سائل ذوبنا فيه، بس ظهور القمتين الثانيين تعطي شكل عام إن في fire accelerant سرع الاشتعال و اثنين مش واحد خلطة بعد = Octane+Heptane??!
العينة الثالثة طلع فيها قمة الـ Octane إلي أثبت وجودها كمادة سرعت التفاعل و موجودة بالعينة و بالنتيجة✅??!
في فكرة بقولها عن هالنتايج ممكن تتسائلون ليش الأسامي مرتبة و هم وفقًا لزمن لو تلاحظون الخط الأفقي عبارة عن دقايق ليش؟ سبحان الله المركبات الكيمائية لها شي اسمه retention time تظهر عند وقت معين يعني مستحيل مادة تسبق مادة و تتغير كل شوي لا إهيا بصمة كيميائية حسب خواصها تطلع بوقتها!
لو تلاحظون ضفنا الـ Octane بعينة ٢ و ٣ فموجودة بنتيجتين وحدة طلع عند 3.9 min و الثانية 3.94 دليل ان بصمة وقتية مميزة ظهور القمة حق المركب الكيميائي مع خواصه تظهر بمسرح الجهاز بوقت معين " مسرح الجهاز مجاز أدبي على افتراض ان المواد لها دور تأديه بوقت مشهد معين"?!
مع الأخذ بعين الإعتبار مش كل مرة نلقىٰ هالمواد معناته مفتعل لازم يتم أخذ ظروف المسرح نفسه ممكن كانت المواد منطقي تكون موجودة لأن سيارة احترقت فيها بانزين "مثال" فيخضع الموضوع حق ذكاء الشخص مو اعتماد قطعي على النتايج فقط لازم يكون في نظرة تحليلية حق الشكل العام للحريق نفسه!
مثال لو تلاحظون السواد موجود بشكل مرتب و أنيق و فيه فراغ بينهم هٰذا يعطي انطباع أولي شنو ؟ إن الشخص صاب المادة الي بتسرع الاشتعال بشكل معين لأن النار ما راح تقول والله أبي أمشي بس هالصوب زيادة أحلى?!، و بعدين يعني الله يهداك صب بس بشكل عشوائي أكثر ليش الفضايح??!
و هٰكذا تنتهي رحلتنا في اللاب العزيز??!
لا كنسل ما خلصت في معلومة نسيتها شفتوا الكمية إلي احنا استخدمناها بالعينة بالأدلة الجنائية هٰذي الكمية تعتبر و لا شي كشغل حقيقي يحتاجون أضعاف مضاعفة من هالكمية عشان يقدرون يصيدون كمية قليلة جدًا من الـ Fire accelerant الي كان مستخدم اذا كان أساسًا مُستخدم و تحفظ بعلب تمنع الهوا!
أوك الحين أتوقع خلصت ..
جاري تحميل الاقتراحات...