انا بديت من مستوى جداً مبتدئ و جلست سنتين الين وصلت درجة ٨ في الايلتس.. خلال هذي الفترة مريت بعقبات كثير و جربت طرق كثير الين عرفت ايش الاشياء الصح و ايش الاخطاء اللي مهم تتجنبها ??
هذي اسوأ ٥ طرق لتعلم اللغة الانجليزية من تجربتي ???
هذي اسوأ ٥ طرق لتعلم اللغة الانجليزية من تجربتي ???
١- سمعت من قبل شخص يقولك كل واحد يتعلم بطريقة مختلفة سوي اللي يناسبك.. هذي اكثر جملة راح تشتتك لانه طرق تعلم اللغة كثيرة راح تتشتت بين ٥٠٠ طريقة غير فعالة ?
٢- الجرامر أساس اللغة: في البداية حاب اسألك هل يمديك تعرب كل كلمة كتبتها في هذي التغريدات؟ مهما حفظت قواعد هذا ما راح يساعدك تتكلم بطلاقة و تفهم اللي تسمعه.. باختصار الجرامر مهم بس الحفظ مهو اسرع طريق لاتقان اللغة ?
٣- حفظ الكلمات هو أصل اللغة: كثيرين يقولو اللغة تتكون من كلمات و بالتالي اذا حفظت كلمات كثير راح تتقن اللغة الانجليزية.. ومرة ثانية اقولك هذا الكلام غلط لانه الكلمات هي جزء اساسي من اللغة و لكن اكتسابها بالحفظ ما راح يساعدك تتقن اللغة!
و الدليل اذا سمعت كلمة عربي جديدة عليك حتى و لو بلهجة مختلفة راح يمديك تخمن معناها من السياق نفس الشئ حيصير في الانجلش اذا طورت مهاراتك نفسها ??
٤- أقرأ جرائد يومية: هذي الطريقة حتساعدك اذا مستواك فوق المتوسط لكن اذا مستواك مبتدئ راح تتحطم و تضيع وقت بدون استفادة لانه تقرأ من مستوى مهو مناسب ليك و ما يمديك تفهم ايش سياق الموضوع.. افضل حاجة تقرأ من شيء مفهوم بنسبة ٤٠ الى ٥٠٪ على الاقل
٥- التعلم من الافلام و الاغاني: هذي الطريقة الأشهر في تعلم اللغة بس للاسف ما تساعدك خاصة اذا تطور لغتك عشان الآيلتس و السبب ??
1️⃣ لما تشوف فيلم حيكون مخك يركز على المشهد اللي قدامك و يحاول يفهم ايش الاحداث اللي تصير.. لكن ما يكون التركيز على التعلم فقط و بالتالي هذي الطريقة حتكون مرة بطيئة في التعلم
2️⃣ الافلام و الاغاني لغتها عامية و الآيلتس يحتاج لغة أكاديمية بحتة،، اصلاً من معايير تقييمك في الكتابة و المحادثة انه تستخدم كلمات اكاديمية و اللغة العامية تنزل من درجتك
جاري تحميل الاقتراحات...