معظم القنوات الي زي المحور ودريم وصدي البلد ومصر اليوم واخريات بتبيع ساعات الهوا لبرامج مباعه اعلانات الدكاترة وبتوع التجميل وخالتي ام احمد وهكذا وطبعا علشان ندخل قلب المجتمع الامؤاخذة لازم الفقرة الدينيةامال نهري في ايه ناهيك بقي عن المحتوي بتاع فرح العمدة
معنديش فكرة الحاجات دي مين بيوافق عليها وازاي لكن هي برامج اعلانات صرف صرف صرف وده شيئ مخيف انا شفت دكتورة النهاردة في 3 برامج متتاليين في قناة واحدة
الوحش في الموضوع ان كله بيستسهل مفيش اي اعداد للموضوع كله هرس في هرس ومش هقزر أظلم المعد لانه هو كمان عايز ياكل عيش
بس احنا كده بناكل كيكي كلنا
بس احنا كده بناكل كيكي كلنا
من يومين كان في هياج ع الفيسبوك بسبب الاخت بنت الباشمهندس لامواخذة هتعمل برنامج علي قناة ابصر ايه سينما والناس تخيلت ان ده برنامج بقي وهي مذيعه محدش بيفكر يسأل ومن هنا احب اقولكم ان اي حد ممكن ياخد ساعتين هوا في اي خرارة من دول بحسبه 10000ج مثلا الارقام مش مرعبه وخصوصا للي زي دي
ياجماعة احنا معندناش إعلام احنا عندنا سوق الجمعة أي بيجيب قرايبه والجيران يطلعوا برنامج هوب اقفش هوا الدكتور يدفع له كام باكو ويطلع وده عادي مش وحش بس احنا خليناها سويقه حرفيا
القنوات الي بتنقل من اليوتيوب كلها علي قمر موازي للنايل سات علشان كده بعيد عن اي اشراف مصري لكن للاسف كل اعلاناتهم بتطلع من هنا ومكاتبهم هنا ومعندناش اي رقابه علي المصنفات برغم ان الكواليس غير كده
انما قنوات كان ليها مكانه زي دريم والمحور وصدي البلد وغيرها ايه مبرراتها انها تعملش ارتقاء بالمحتوي حتي لَ هنقدم هلس طيب ما نقدم هلس مدروس ولا نتعب شويه ايه المانع؟ ده كفايه علينا الاخ ابلكس واللي جابوه والحج العدوي بتاع المنصورة ?
لا اظن ان فيه قوائم منع صريحة من البرامج لكن في اسماء كل ما تظهر تتمنع يعني واحد زي عبد الله رشدي ده اتمنع مرتين الشهر ده والحلقات اتشالت مره صدي البلد ومره المحور السوال بقي هو ليه بيطلع ?علشان عنده اصحاب في الكواليس وهما دول النيله كل واحد عايزه يطلع يسمم عقول الناس تاني
انا مش عارفه بصراحة احنا لو ركزنا شوبة هنلاقي اختراقات مرعبه في الحكومة والتلفزيون والوزارات وحاجة صعبه بجد كل اللي اقدر اقوله ان احنا وهما وهن وكله بياكل عيش علي قفا ولادنا بصراحه... شكرا شكرا
جاري تحميل الاقتراحات...