@almohammadi32 طيب هذا الله يسلمك انا تخرجت من الجامعه و كنت محبط جدا جدا بسبب سلبيه الزملاء معي في الدراسه بعد سنوات من الدراسه وبعد تخرجي بدت رحلة البحث عن عمل و مع وجود فكرة " ما في وظائف و انا في سجن العطالة " مرت السنوات وانا تفكيري في اتجاه واحد
@almohammadi32 جاء يوم من الايام وقلت خليني ارتب الاوراق و ارجع رحلة البحث و فشلت ، فكان من الإحباط قررت اني اطلع للبر و رحت بسيارتي الي اقل من متواضعه
@almohammadi32 المهم وصلت كوبري بنبان و لعل السياره مدري وش جاها و حاولت أمشيها لين وصلت لقريه مدري هجرة شي بيوت طين و اول شي جاء على بالي اروح المسجد عشان مويه بالتحديد عشان حراره السياره رديتر، المهم دخلت المسجد لقيت شايب استغرب من وجود سلام سلام كيف الحال من انت و من وين وايش جابك
@almohammadi32 جلسنا انا واياه نصلح في السياره (مهندسين) هو فاضي و رايق و انا ابي السياره تشتغل عشان الهجه وصلنا لسالفه الرزق وشرحت له معاناتي وكذا قال ياولدي فك الرزق ب رزق .. انا هنا قلت له تبي الصدق ما فهمت عليك اشرح لي ....
@almohammadi32 ايوووواااه هنا قال لي تبي كلام يطير به الهواء والا تبي صمله ، انا طبعا في داخلي منيب مرتاح لكن ما عندي شي أخسره قلت له صامل قال دامك صامل تعالي بكرة عند مخرج في بوابه الرياض يبعون خضار فيها و تمر و كذا
@almohammadi32 اشتغلت السياره و بالقوة رجعت البيت ومن بكره الصباح يمكن حوالي الساعه٨ جيته اول ما جيت فعلا لقيته سلمت عليه قال اول شي طارت الطيور بأرزاقها انا هنا? قلت طيب قال بكرة تصلي الفجر المسجد و تطلع لي و بنفس الطريقه قمت الفجر صليت و رحت له قال لي اسمع انا وظفتك تبيع لي الخضار واخر اليوم
@almohammadi32 جلست بالتمام معه ٧ ايّام مع اليوم الاول محسوب تاخير ?، المهم تقريبا الساعه وحده من الشركات اتصلوا علي الساعه ١١ تقريبا للمقابله و كلمته اني بكره بطلع لهم اسوي المقابله قال مرني بعد الفجر و جب فطور معك ? حسّيت الموضوع مهم بيطلع خساره علي الزبده رحت
@almohammadi32 رحت بالفطور وافطرنا و طلعت لشركة و سويت المقابله و قبلت والحمد لله ، الحين لازم ابلغ الشايب عشان استقيل من عنده براتب ٢٠ ريال رحت له وبلغته باستقالتي وقال يا ولدي الرزق الكثير الطيب المبارك يجي بالتدريج امسك لك رزق قليل يفتح لك باب رزق كثير
@almohammadi32 طبعا القصة هذي تقريبا نهايه ٢٠٠٧ الان تدرجت في وظائف الى ان وصلت الى ما وصلت اليه والحمد لله من حياة كريمه و كان اول راتب لي ٢٠ ريال في ٢٠٠٧ ، من كلامه معي ان الأرزاق توزع بعد الفجر و كونك صاحي بعد الفجر فان الرزق يقسم لك في يومك و خلي
@almohammadi32 النيه الطيبه في بداية كل مواضيعك والله يوفقك ... والحمد لله على واسع فضله
جاري تحميل الاقتراحات...