رتبها

كان يامكان ، في قديم الزمان ..
شخص تزوج انسانة رائعة جدًا ، و سعى بجهد لسعادتها .. وعشان ييبين غلاتها عنده ، اشتغل بدون توقف عشان يجيب لها أكثر حاجه تحبها " قلادة ذهب " كان خاطرها فيها .. كانت الأمور ميسره إلى أن انجبوا ٤ أشخاص جميلين جدًا

حاولوا بجهد ان يعيشوا حياة كريمة .. لدرجة أن الأم رغم انها مريضة قلب ، ومصابه في قدمها .. إلا انها كانت تبيع خضار في شوارع الدمام تحت الشمس كل يوم عشان شيء واحد بس .. أطفالها .
وكان لكل هذا التعب أثر .. لأنها كونت عائلة متماسكه ، عائلة علمتنا دروس كبيره ، كبيره جدًا !

الأب يشتغل سائق في جمعية لذوي الاحتياجات الخاصة .. أماحميدة "٢٣ سنة " اضطرت تترك دراستها في متوسط بسبب مرضها ، إلا انها سخرت حياتها في تربية اختها الصغيره بغياب امها واشتغلت في مركز مواد غذائية عشان تعاون عائلتها .

بس في نهاية الأمر تركت الشغل بسبب ضغط العمل " ايدها مصابه وكانت مطالبة بحمل أشياء ثقيلة " .. أما ابرار " ١٦ سنة " متعلقه في أمها لدرجة انها تخاف عليها من الشمس ، تخاف يصيبها شيء وتخسرها .. تخاف لدرجة لما طلبنا منها تتمنى أي حاجه كانت أول امنياتها " مابي أمي تتعب لأنها مريضه "

وكانت قلة الحيلة بعيون أبرار مؤلمة .. رغم انها تحتاج سماعة اذن طبية عشان تسمع كويس و لازالت في قائمة الانتظار رغم مرور ٤ سنوات .. إلا أنها وصتنا على أمها قبل نفسها .

أما علي " ١٤ سنة " رغم صغر سنه .. إلا انه تكفل بأمه وخواته مثل رجال .. ١٤ سنة ، لكنه شايل على كتفه حمل الدنيا كلها !
يقعد الصباح ويساعد أمه بالخضروات ويوصل خواته لمدارسهم قبل يدوام للمدرسة .. يخاف على خواته مثل أب ، و ساند أبوه مثل جبل ، ويحمي أمه مثل جندي !

لدرجة ان علي يبي يصير عسكري عشان يبي يحمي عائلته .. مايبي يصيبهم أذى و لا يحتاجوا بوجوده أحد ثاني .
اما فاطمة " ٩ سنوات " .. كانت وسيلتها الوحيدة للتعبير عن مخاوفها الرسم ..
وعلى قدر خوفها على أمها كانت ترسم ! إلى أن خلصت ألوانها ...

كل شخص في هذي العائلة علمنا درس ، وكل درس كان أكبر من الثاني .. أمنياتهم البسيطة ، خوفهم على أمهم .. تكاتفهم .. كل شيء كان جميل ، الا ظروهم ..

الأم عشان خاطر عيالها ، عشان ماينقصهم شيء .. اضطرت تبيع قطعة الذهب الوحيدة اللي كانت تمتلكها ، و الأغلى على قلبها ..
ورغم تعبها وصحتها المتدهوره لازالت تبيع الخضروات .. وفي الوقت اللي نستمتع فيه بالمطر ، كانت اهي تحاتي الشوارع تفضى وماحد يشتري منها ، أو تخرب خضرواتها..

أما الأب ، كل اللي اتمناه ان عياله مايحتاجوا شيء بوجوده ، و مايضيعوا بعد عينه .. حتى لما ضغطنا عليه عشان أمنية ، تمنى لو يقدر يرجع لزوجته قطعة الذهب الصغيرة اللي باعتها ، تمنى يشوف السعادة بعيونها مره ثانيه مثل ماشافتها أول ما أهداها القلادة .. لأنه اشتاق لها ! اشتاق لسعادتها ..

قررنا في سين نساهم بسعادة هذي العائلة الجميلة .. ونرمم ونأثث مسكنهم ..
لكن كالعادة ، نحتاج دعمكم عشان نرجع السعادة لهذا البيت ، وترجع أيامهم الجميلة.
_ الحالة 009 ?
- الشرقية | الدمام
للتبرع : docs.google.com
للتطوع :
docs.google.com

docs.google.com/forms/d/e/1FAI…

أمنيات أبطال قصتنا ?
أما عن علي ، كان خجلان من التمني ! لكن اكتشفنا حبه لكرة القدم .. نتمنى من فرق كورة القدم بالشرقية بالمساهمه في إسعاد هذا الشخص المكافح .

نحتاج مدرس يساعد علي بمادة الرياضات و ابرار بال English في الدمام
تمنت ابرار يكون عندها كتب موقعه من كُتابها لأنها تحب القراءة وتتمنى تصير طبيبة وكاتبه
ونحتاج مصور يعطي دورات لحميدة ونحتاج لها وظيفة عشان تساعد عائلتها وتكمل دراستها .

ابرار قضت من عمرها ١٦ سنه بضعف سمع ، جا الوقت اللي نحتاجها تسمع الحياة كويس ! وتسمعنا بوضوح واحنا نقول لها " انتِ بطله ولاتوقفي " منشن منك لشركة سماعات طبية أو طبيب أنف و اذن و حنجره يفرق ???.

نعرف إن أهل الخير كثير لكن ما نستقبل الدعم المالي، الهدف من مبادرتنا أننا نفعل التطوع كما يجب.
نحتاج فقط إن الشركات و المؤسسات تساعدنا بالمواد ??.

يقول المتنبّي: "وما كلّ هاوٍ للجميل بفاعلٍ، ولا كلُّ فعالٍ له بمتممِ"
ونقول بسين: غدًا العُرْس، غدًا العُرس..
تجهيزات بكرة للحالة ٠٠٩ ? متحمّسين أكثر من أصحاب البيت ??

هالله هالله عالجد، والجد هالله هالله عليه ??‍♂️? شبابنَا بدؤوا شغل للحالة ٠٠٩ ??
#أبو_علي_طف_السيارة_يا_أبو_علي

"أحسِن وإن لم تجزا حتّى بالثنا، أيُّ الجزاء الغيث يبغي إن همى؟" متبرّعين الحالة ٠٠٩|الشرقية ? كنتم فعلًا كالغيث ?، حققتوا الأمنيات وزرعتوا بالقلب سعادة ?