الصحة
تجربة شخصية
حقوق المرأة
قضايا اجتماعية
قضايا الجنس
التحرش
تمكين المرأة
قضايا مكان العمل
تحرش في مكان العمل
الإجراء القانوني
انا لازم احكي عن اللي صار معي:، انا اشتغلت بسحاب باحدى المصانع عشان احوش واكمل دراسه واطلع من المستنقع اللي انا فيه، تحرش فيا واحد مسؤول تحرش مخطط اله قبل وقررت اتواسخ زي ماغطى الكاميرات عشان ماتنثبت التهمه عليه، غالبا البنات بالمصانع جايين عالمصانع وماعندهم اي??
اي حل تاني ومضطرين، وهو استغل هالاشي وفكر اني ماحشكي لاني مضطرة اكتشفت انه متحرش ب ٥ غيري ومنهم متزوجات وساكتين عليه عشان بدهم الشغل وفيه بنت ما سكتت روحوها هي بحجة انه (الزلمة متزوج ومحترم)، سجلت تسجيلات مع كل البنات اللي تحرش فيهم بدون علمهم ورحت اشتكيت للادارة??
الادارة اولها وقفوا معو وانصدموا بالتسجيلات وبعدها عملو تخقيق مع البنات وماكان فيه مجال غير انهم يروحوه وانا كنت حالفة لو ماروحوه حاخد قرض وارفع عليه قضية بدون علم اهلي حتى، بعد ماروحوه كان كل المصنع عارف واكتشفت انه كتار من المصنع والمسؤولين علي بكونواقرايبه والبعض الاخر عشائر??
ووقتها بلش التنمر علي والكل بسال مين ياسمين وباشر عياسمين وبجحر بياسمين اللي بيجي يحك عشو تحرش فيها واللي بحكي خربت بيته وتركت اولاده بدون مصروف واللي يجي يحكيلي ليش ماقلتيلنا كان حكينا معه وكنت اروح عالغرفة الاقي اللوكر فاتح واوعيي واغراضي عالارض??
كنت انزل عاستراحتي مكبوته بس بدي اوصل التواليت وانفجر عياط عقد مابحاول اكون قوية قدام الناس الزفت اللي كنت معها ، اكتر من مرة يجيو بنات ياريت شباب ويحكولي انت ما خفتي عسمعتك وهو ماعليه اشي، انتو ماخيلين انه الكل قلب عالضحية اللي اثبتت انه متحرش ب٦ غيرها ووقفوا بصف الجاني!!!! ??
متخيلين المستنقع اللي احنا فيه !!! نزلت عالادارة بعد بفترة عشان اترك الشغل لاني ماتحملت كمية التنمر موقف التحرش نفسه ما اذاني قد التنمر الي صار علي واقنعوني ما اترك بحجة انه انتي عملتي اشي ماحد عمله من البنات وازا تركتي حتبيني انك ضعيفة ! ماكان خاطرلي انه الادارة نفسها زفت??
بعد بفترة قصيرة لفقولي موضوع اني بحكي مع شباب بالمصنع وانا كان فترتها عقلي وين وهمي احكي مع شباب وين! كان همي اول ما اوصل الشغل ع ٧ احكي متى تصير الساعه ٦ المسا وانقلع اروح ! كل يوم كان يطلعولي شغله ازفت من الثانية لحد ما اجى يوم ورنو علي مكتب التوظيف وحكولي حننقلك عمكان تاني ??
طبعا المكان اسوا بلاش احكيلكم ورنيت عشؤون الموظفين ماكان عندهم اي تبرير للي صار وبالقانون مابطلعلي اطلب تبرير منهم، ما وافقت انتقل وعطلت بالبيت وهون اكلت خرا بزيادة، تعبت والتفكير اكل راسي واكتئبت ومرضت وصرت اترمى من التخت للكنباي للارض صرت ادخن بإفراط واخد منومات وزفت??
وماكان عندي اي حدا احكي معه باللي بصير معي كنت بخابط بحالي وبتلوى عالفاضي وبعض الناس اللي من العجز حكتلها ندمت الف مرة وسبيت عحالي الف مرة اللي قلتلهم ، هاد جزء بسيط من الاجزاء القرف اللي بنعيشها كبنات هون هاد جزء(التحرش)اللي متعرضتلوش مرة ولا٢ولا ٣وانا كبيرة واناصغيرة
وماحد يحكيلي ليش ماقلتي لاهلك من اولها ليش ما اشتكيتي بس تكون ملكش عشيرة ولا الك واسطة وتكون ضامن انه اهلك واخوانك ماحينضرو من بعض عشائر همج عندهم الدم سايب وقتها صدقني مش حتفكر بحالك!
جاري تحميل الاقتراحات...