رتبها

? صباح الخير
ثرد اليوم مميز وحنتكلم فيه عن حروب الجيل الرابع وإزاي بتبتدي حرب الجيل الرابع؟ و إزاي تعرفها و تقاومها و إيه الأمثلة عليها و إيه دور الحرب النفسية فيها؟
دلوقتي هات فنجان قهوة أو كوباية شاي.. و تعال نتكلم عن حرب الجيل الرابع بالذات...
يتبع..

في صباح.. و تحديدا بين الأعوام 2011 - 2012؛ استيقظنا كلنا على شيء غريب..
أفرع الدفاع المكونة من سلاح الطيران و القوات البحرية و الدفاع الجوي و المشاة، و غيرهم مما يشكل قوام القوات المسلحة النظامية.. اللي الهدف منها في العالم أجمع هو حماية البلاد و صيانة أمنها القومي..
يتبع..

فجأة بلا سابق إنذار بقي اسمها:
"ميليشيات Militia"...
أما الإرهابيين و المسلحين و العصابات الإجرامية المنظمة، اللي بتقتل الأبرياء و تنسف و تفخخ مستشفيات و مدارس.. و تقتل أي شخص لمجرد إن شكله مش عاجبها، فدي بقي اسمها:
"جيش"...
ولسه مافقناش من الصدمة دي.. عشان نفاجأ إن
يتبع..

رجل البوليس.. الشرطي، المنوط بيه حماية الأمن و مكافحة الجريمة بقى اسمه "بلطجي".. بينما البلطجي المحكوم عليه اللي لسه هربان من السجن حالا بقى "بطل"...
حرق مركز الشرطة أو منشأة عسكرية أصبح "بطولة" و محاولة منع دا بقى اسمه "جريمة"...
يتبع..

رجل الأمن اللي استشهد و هو بيدافع عن قسم الشرطة.. و دفع حياته ثمن لأن سلاحه مايقعش في إيد مجرمين يروعوا الآمنين بقي اسمه "قاتل"..
أما اللي قتله و خد السلاح و انطلق يروع بيه الآمنين بقي "ثائر شريف"...
و في ميدان التحرير.. شفنا صور كتير لأيقونات ثورية..
يتبع..

متصورين جنب سيارات شرطة محترقة بمنتهي الفخر و متصورين و هم بيتفقدوها و رافعين لوحاتها المعدنية بمنتهي السعادة
خد بالك من : سيارات الشرطة المحترقة دي في أحيان كتير احترقت بمن فيها يعني فيها بشر احترقوا أحياء عشان رفضوا يسيبوها بما فيها من سلاح تقع في إيد عصابات و مجهولين
يتبع..

مفيش آلام في الدنيا تفوق آلام الحريق.. النار.. اللي ربنا توعد بيها الخطاة و المذنبين و حط مهابة منها في أعماق كل مخلوق حيّ..
حتى الشياطين نفسهم...
و مع ذلك شفنا ناس بتتصور جوار سيارة و مبني، بعدما أحرقوهم باللي فيهم أحياء بمنتهي الفخر..
يتبع..

جريمة حرق بشري حيّ و مصرعه بعد آلام رهيبة ليس لها مثيل.. بقت مدعاة للفخر.. أما لو إنك كنت موجود و حاولت تنقذ البشري دا.. أو تمنع الجريمة دي بأي شكل.. تبقي مجرم.. و يمكن يحرقوك معاه.. و يتصوروا جنبك بالمرة...!
وفجأة لقينا علم مصر بيتنكس.. و يلقى على الأرض تطأه الأقدام..
يتبع..

و اتحول لمجرد قطعة قماش.. الهدف منها هي فرشها علي الأرصفة.. عشان تجلس عليها بدون ما تتسخ ملابسك.. و في المقابل.. ارتفع علم القاعدة و الإخوان في مصر.. و علم القاعدة و الإنتداب الفرنسي في سوريا.. و علم "الأحواز الإيرانية Ahvaz" في تونس.. و علم "ما قبل الجمهورية" في ليبيا...
يتبع..

و في ظل الكابوس الغير قابل للتصديق دا.. لقينا إن اللي رفع علم الإرهاب و الإحتلال بقي "فصيل وطني".. أما اللي حاول يرفع علم بلاده بقى "فاسد" أو "كافر"...
لو عملت قنبلة مولوتوف.. أو شلت سلاح و انطلقت في الناس تحرقهم وتدبح فيهم.. يبقي اسمك "معارض معتدل"..
يتبع..

أما لو فضلت محترم و قلت رأي مخالف.. ماتبقاش معارض.. تبقي خائن و لجنة و قواد...
رجل الأمن اصبحت سبة.. شفنا كتير على مواقع التواصل و في الإعلام تعليقات من طراز "أيوه ما انت ضابط"..! بتتقال بمنتهي الاحتقار..
يتبع..

و شفنا أشخاص بتتقدم بمنتهي الفخر علي إنها "الأستاذ فلان.. هرب من السجن في يناير".. و "أنا اللي حرقت المجمع العلمي"..
تبقى رجل أمن.. دي حاجة عيب و عار.. تبقى رد سجون دي شيء يدعو للفخر
القاتل اللي رمى الأطفال من فوق الأسطح.. بقى "شهيد" و الأطفال اللي قتلهم بقوا "مجرمين"
يتبع..

التعاون مع الأجهزة الأمنية لكشف الجريمة و منعها قبل وقوعها، عمل بطولي في كل الدنيا.. لكن فجأة صحينا علي إن دا "عار" و "خيانة".. بينما التعاون مع جهات أجنبية مجهولة.. و ترجمة منشورات و معلومات اقتصادية ليها و تلقي تمويل منها..
يتبع..

زي ما قالت أسماء محفوظ في تويتتها الشهيرة "أيوه بناخد تمويل" أصبح عمل وطني.
في كل الثقافات، حتى أكثرها قسوة و غلظة.. رغبات المحتضر لا ترد.. بتتنفذ حتى لو من جيش عدوك..
و لكن في سبتمبر 2013، اقتحمت جحافل الجماعة الإرهابية قسم شرطة كرداسة.. و استقووا بأعدادهم و بسلاحهم
يتبع..

و قتلوا كل من فيه.. من ضمن المحتضرين كان العقيد "عامر عبد المقصود"، اللي تقدمت منه سيدة من ضمن الجموع و هو منهك مصاب.. و سألته عن آخر رغباته قبل الوفاة.. فطلب منها جرعة ماء.. فدفعت إلي فمه بزجاجة حمض كبرتيك مركز.. تسلل إلي جوفه، و لقى حتفه في الحال..
يتبع..

القاتلة الحقيرة دي اسمها "سمية شنن" القتلة دي بقت "أم مثالية" و "طنط" و "سجينة رأي" بينما الضابط اللي هي قتلته و هو قاعد في مكتبه اصبح - بشكل مش مفهوم إطلاقا - مجرم قاتل!
خد بقى الكوميديا المطلقة.. لو كنت في أي دولة من دول الربيع العربي.. جيش بلدك بقى اسمه "جيش الاحتلال"
يتبع..

و جيش إسرائيل بقي اسمه "جيش الدفاع" .. و جيش تركيا بقى اسمه "جيش الخلافة".. و جيش أمريكا اللي هو عبارة عن مرتزقة من أوله لآخره بقى اسمه "الجيش الوطني".. و ممكن تقف على منصة و تدعوه في مكبر صوتي انه ييجي يحتل وطنك..!
اللي فوق دا "جزء" من كل.. جزء من مأساة كبيرة عاصرناها و
يتبع..

شفناها بعنينا و لسه بنشوفها لحد النهاردة..
معلش دا حيخلي الثرد يطول شوية و نكمل الحوار لاحقا.. بس تعال نراجع سوا مستشفي الأمراض العقلية اللي فوق دا:
"الجيوش أصبحت ميليشيا.. و المليشيا الإرهابية أصبحت جيش"
"حرق البشر أحياء بقي فروسية و نبل.. و محاولة إنقاذهم جريمة"...
يتبع..

"رفع علم الإرهاب و الإحتلال وطنية.. و رفع علم وطنك خيانة و شوفينية و ضيق أفق"...
"رجل الأمن بقى شتيمة و سباب و عار.. بينما رد السجون الإرهابي بقى شيء يدعو للفخر"...
"حمل السلاح وقتل المعارضين "اعتدال".. بينما الرأي المخالف قوادة و عهر و كفر"...
يتبع...

التعاون مع أجهزة وطنك الأمنية خيانة و التعاون مع أجهزة أمنية أجنبية عمل وطني"
"جيشك الوطني بقي جيش احتلال و جيش العدو بقي جيش الدفاع و الجيش الوطني"
"قاتل الأطفال بطل و الأطفال مجرمين"
"القاتلة أم مثالية و المقتول أصبح قاتل"
إيه دا؟؟إيه اللامنطق و الخبل و الجنون دا؟؟
يتبع..

"حرب الجيل الرابع Fourth-generation warfare" اللي بيدللوها أحيانا "بالاسم 4GW"...
المقدمة دي كانت ضرورية عشان تقف مع نفسك و تشوف إيه الي بيجرى حواليك.. و في لحظة صدق و عقل تتساءل.. إيه اللي بيحصل دا..
إيه حروب الجيل الرابع دي و إيه خصائصها؟
يتبع..

المصطلح دا خرج من الولايات المتحدة سنة 1989.. أول واحد اتكلم عن حروب الجيل الرابع بشكل ممنهج كان "ويليام ليند William S. Lind".. ف كتاب بنفس الاسم.. و دا كان ثمرة بحثه مع فريق من العسكريين و رجال المخابرات و الباحثين الاستراتييجين و ربط بينها و بين التكنولوجيا الحديثة و
يتبع..

حروب العصابات و "الحروب الغير متماثلة Asymmetric warfare".. يعني الحروب اللي فيها مجموعة أو فرق مختلفة بتحارب دولة تفوقها تسليحا و قوة و قدرة
حرب الجيل الرابع بتهدف لتفكيك المجتمع و تحويله لقبائل و فصائل متناحرة عدوك لما بيبدأ عليك حرب من النوع دا هو بيخليك تحارب نفسك
يتبع..

بمعنى أدق: بيخليك "تلتهم نفسك حتى الموت".. "تنتحر قومياً".. و أحيانا من غير ما يطلق هو عليك رصاصة واحدة..
إزاي بتبتدي حرب الجيل الرابع؟ و إزاي تعرفها و تقاومها و إيه الأمثلة عليها و إيه دور الحرب النفسية فيها؟
دا نتكلم عنه لاحقا بإذن الله..
و لحديثنا بقية✋

ودلوقتي هات فنجان قهوة أو كوباية شاي و تعال نكمل كلام عن حرب الجيل الرابع
- في دايما خط رفيع بين الحرص و البخل
بين الشجاعة و التهور
بين التدين و التطرف
بين التعقل و الجبن
بين عزة النفس و الغرور
بين الكرم و السفه
بين حق النقد و السباب الحاقد
بين الحرية و الفوضى...
يتبع..

حرب الجيل الرابع، عن طريق الميديا؛ بتجيب ممحاة، و تمسح لك الخطوط دي و تزيلها و تخفيها...
ميبقاش في أي فرق بين حق النقد و بين السفالة...و لا في أي فرق بين الحرية و بين الفوضى المدمرة..
بتدخل بيك في منطقة رمادية مشوشة مضطربة.. و بتضيع لك الحد الفاصل اللي بيخليك تقف علي
يتبع..

حقيقة الأمور.. و بتقذف بك في دوامة ترتبك فيها المصطلحات و تختلط فيها التعاريف.. و تتوه الحقيقة و تتشوه...
- النقاط اللي بتركز حروب الجيل الرابع على تشويهها و إزالة حدودها الفاصلة مع بعضها هي "السياسة" "الحرب" "الدين" "التعريفات العامة وطن و مدني و عسكري" كل دا بيتشوه
يتبع..

و تعال ناخد سوا مثال على دا من الواقع...
- تخيلوا معي إن أحد أعضاء "داعش".. مسلح بقنابل يدوية.. وصل إلي مدرسة أطفال.. و بعدين استل مدفع رشاش.. و قتل رجال الأمن.. و بعدين قصف مدرسة الأطفال دي بالقنابل.. قبل ما تلقى السلطات القبض عليه
اللي احنا بنتكلم عنه دا إرهابي مدرب.
يتبع..

جه نفذ كذا عمليات اغتيال و كذا عملية ارهابية
وقت محاكمته حاتسمع الجملة اللي سمعناها كلنا"لا محاكمات عسكرية للمدنيين"
"مدنيين" "مدني"
إتشال الحد الفاصل بين"المدني" و "المقاتل" و بقى "المقاتل" الإرهابي المدرب دا "مدني"
سمعتها قبل كده علي مقاتل إرهابي اتمسك في سيناء صح؟
يتبع..

تعالوا ناخد مثال آخر..
في جميع الأنظمة في الدنيا عبر التاريخ.. الدولة بتحتكر أمور معينة الدولة بتحتكر القانون و تطبيقه و بتحتكر استعمال القوة في تطبيق القانون إذا لزم الأمر
و لكن كلنا شفنا الدكتور البرادعي، لما وصف صد قوات المسلحة لعدوان إرهابي بأنه "عنف متبادل" لأ معلش
يتبع..

"استعمال القوة" المفروض بيكون من حق الدولة فقط، عن طريق سلطاتها الرسمية.. إزاي تحط القاتل و رجل الأمن في سلة واحدة و بتزيل الحد الفاصل بينهم؟
الدول "بتحتكر حق تكوين القوات المسلحة monopoly on combat forces".. دا في كل الدنيا.. و اللي بيرفع عليها السلاح بيعتبر مجرم...
يتبع..

لكن مع إزالة الخطوط دي شفنا عصابة مسلحة مسمية نفسها "الجيش الحر" وواقفة لدولة ندا بند و كل اللي بينفذوا عليك حروب الجيل الرابع ماشاء الله مسميينها "معارضة مسلحة معتدلة"..
اقف مع نفسك و اسألها بصدق.. أمريكا تقبل تسليح المعارضة عندها؟ تركيا؟ قطر؟ و حايسموها برضه "معتدلة"؟؟
يتبع..

ناخد مثال تالت.. الدولة ممكن تتعاون استخباراتياً مع دولة أخرى.. و يتبادلوا معلومات استخباراتية لصد عدوان محتمل مشترك.. بينما مفيش حد في التاريخ بيدي الحق دا لأفراد بيبقي اسمه "جريمة تخابر".
و لكن كلنا سمعنا بعد الثورة، لو تفتكروا.. لما اتكلمنا عن "قضية التمويل الأجنبي"
يتبع..

سمعنا "ماهي مصر بتاخد معونات و قروض من دول أجنبية"
اتشال الحد الفاصل بين الدولة و الفرد.. و الدولة بتعمل يبقي "نعمل زيها".. الدولة بتسجن أفراد معينين سجن مؤبد.. عشان ارتكبوا جرائم معينة خلاص احنا كمان نجيب ناس شايفينهم مجرمين و نسجنهم في قبو.. الدولة بتطبق عقوبة الإعدام؟ و ماله

نعدم ناس إحنا كمان زيها...
الدولة بتستورد مخدر، عشان تستعمله في صناعة الأدوية.. إحنا كمان نتاجر في المخدرات...!
بلبلة و تشتت و ارتباك...
حرية الرأي بقت هي الإيحاءات الجنسية و الشتيمة و السفالة.. و طبعا كلنا عارفين "البرنامج" و صاحب البرنامج.. اللي رسخ للمبدأ دا..
يتبع..

إطلاق الأكاذيب و الشائعات، اللي بتعمل بلبلة و تسبب كوارث
- تعرف إنك ممكن تقتل واحد بشائعة؟
في شهر 7 من العام 2015 حصل هجوم مباغت إرهابي في سيناء اللي حصل وقتها إن القوات المسلحة صدت الهجوم و تصدت له و كبدت الإرهابيين خسائر فادحة و قتلت من قتلت و ألقت القبض علي من ألقت
يتبع..

و لكن الإعلام - أحد أهم أدوات حروب الجيل الرابع - بدأ يقول لنا إن داعش هزمت فرق القوات المسلحة.. و استولت علي أباتشي و عدة مدرعات و دبابتين.. و احتلت العريش بالكامل و تقدمت ووصلت للسويس
تخيل إن في أمهات و آباء أولادهم أفراد في القوات المسلحة أو أطباء في مستشفي العريش أو
يتبع..

بيشتغلوا في السويس.. كان ممكن يموتوا حقيقة بأزمة قلبية من "إشاعة" زي دي..؟
يعني بإشاعة ممكن تقتل شخص...
بالمناسبة اللي بدأ جوقة الإعلام دي ساعتها كان السي إن إن.. و تبعتها ابنتها المدللة.. الجزيرة..
يتبع..

- دور السي إن إن في الحروب اللي قادتها الولايات المتحدة و إسرائيل منذ نشأتها، فعال للغاية و حيوي، كأداة حرب نفسية.. لدرجة إن الدكتور المرحوم "بطرس بطرس غالي" الأمين العام الأسبق للأمم المتحدة قال علي الملأ:
"إن السي إن إن هي العضو السادس عشر في مجلس الأمن
يتبع..

دور CNN في الحروب النفسية مروع و ثابت ومعروف لدرجة إن في نظرية لوحدها في "العلوم السياسية Political science" عن تأثير قناة السي إن إن في الحروب اسمها نظرية "تأثير السي إن إن The CNN effect"و إزاي ببثها لأخبار معينة و شائعات معينة بتغير مسار حروب كاملة و توجهات دول كاملة
يتبع..

دا يفكرك باللي قلناه عن "الديلي ميل The Daily mail" اللي مؤسسها هو لورد "ألفريد هارمسوورث Alfred Charles William Harmsworth".. أول واحد أقنع إنجلترا تستعمل الحرب النفسية في الحروب
- ربنا سبحانه و تعالى في كتابه العزيز في سورة النصر قال للنبي ﷺ قبل فتح مكة:
يتبع..

"إذا جاء نصر الله و الفتح".. يعني سمى سبحانه و تعالى عودة النبي لوطنه بـ"نصر الله و الفتح".. و نزل فيه آيات مخصوص.. لأن ربنا عارف إن الأوطان عزيزة.. و عارف إن مكة عزيزة علي نبيه ﷺ...
و مع ذلك.. اتزال الحد الفاصل بين الوطن و الدين و تاهت التعريفات و اتشوهت الحقيقة..
يتبع..

فبقينا نشوف شاب عاقل رزين بيتكلم باسم الله و رسوله وبيقولك: "أنا ماليش وطن.. وطني هو ديني"
ما شاء الله حضرتك بتعدل على الله نفسه.. و بتحط مباديء جديدة في نفس الوقت مقتنع إنك متدين، و حامي حمى الدين زي "سيد قطب" لما عدّل برضه علي رب العالمين و سمى الوطن "حفنة تراب عفن"
يتبع..

بعدما ربنا قال في وصف الارض دي بالذات: "إنك بالواد المقدس طوى"
في كل الأمثلة دي.. الشاب العاقل الرزين دا.. اللي المفروض هو وقود التطور و النجاح و شعلة حماس و عنده قابلية للتعلم و الإبتكار و التفوق العقلي و الرياضي و الفني و العلمي.. للأسف... تاه.. تاه و فقد بوصلته
يتبع..

لما زالت الخطوط الفاصلة.. بين التعريفات الأساسية البديهية في عقله..
دي حرب الجيل الرابع .. بيشنها عليك عدوك عن طريق الإعلام.. إعلام مرئي.. مكتوب.. سوشيال ميديا.. تويتر.. و فيسبوك و أي وسيلة إعلامية ممكنة..
يمكن محدش خد باله من الصورة الموجودة في اول الثرد
يتبع..

صورة المدفع الرشاش اللي جنبه "لابتوب".. اللابتوب ووصلة الإنترنت النهاردة بقوا من عتاد الإرهابيين.. في أي مكان في العالم.. زيهم زي السلاح الناري بالضبط...
طيب إزاي بيقدر يوصلك إعلاميا و يغير المفاهيم في عقلك للدرجة دي؟
يتبع...

بيكتب إزاي؟ بيقول إيه؟ إزاي تحمي نفسك؟
و طالما في "تأثير السي إن إن CNN effect".. في يا ترى في العلوم السياسية حاجة اسمها "تأثير الجزيرة Aljazeera effect" ؟
كل دا نتكلم عنه لاحقا بإذن الله.. و للحديث بقية✋

اتكلمنا فوق عن"حرب الجيل الرابع 4GW" و شفنا ازاي بتمسح الخطوط الفاصلة بين الفضائل و النواقض.. و تخلط التعريفات، بحيث مايعرفش المرء الفرق بين الوطن و الدين، و لا المدني و المقاتل، و لا الحقيقة و الشائعة.. و إزاي الحرب النفسية عن طريق الإعلام هي الركيزة الأساسية فيها
يتبع..

بنسبة تكاد تصل لـ80%.. بينما حرب العصابات بتمثل الباقي..
- حروب الجيل الرابع ليها عدة خصائص من ضمنها إنها:
1 - مرهقة و طويلة المدى لأي دولة..
2 - بتستعمل تكتيك الإرهاب (خد بالك الإرهاب تكتيك مش فكر)
3 - المقاتلين اللي بيحاربوا الدول فيها مالهمش قيادة و ماتعرفش مين تبع إيه
يتبع..

زي ما شفنا في سوريا و ليبيا كمثال.. خمسين لواء و خمسين فصيل إرهابي و ماتعرفش مين تبع التاني..
4 - بتستعمل الميديا بقوة..
5 - بتهاجم مدنيين مالهمش علاقة بالأطراف المتحاربة.. زي ما بنشوف انهم ساعات بيزرعوا قنبلة في قطار أو طائرة.. خد بالك دا مش وسائل نقل عسكرية دي وسائل
يتبع..

بيركبها كل الناس حتى المؤيدين ليهم..
عشان كده الإرهابي عنصر قوي مهم في حرب الجيل الرابع لأنه مبيعملش وزن لحياة أي حد.. حتى مؤيديه بعكس الدولة اللي بتسعى للحفاظ علي أرواح الأبرياء طوال الوقت...
أما الأهم و الأخطر فهي إنها: 6 - بتهاجم ثقافة المجتمع بشكل مباشر...
يتبع..

- إزاي بتهاجم ثقافة المجتمع مباشرة؟ تعال نشوف مع بعض.. و نقارن.. و انت تعرف لوحدك و حتلاقي أمثلة بتيجي في راسك لوحدها.
سنة 750 ميلادية تقريبا رجل الدين و العالم الجليل "الخليل بن أحمد الفراهيدي Al-Khalil ibn Ahmad" اللي أعرب القرآن الكريم ووضع علم العروض و اتتلمذ "سيبويه"
يتبع..

علي إيديه، دخل في مناظرة مع أستاذه "عمرو بن العلاء".. مناظرة في علم النحو و قواعد اللغة..
المناظرة كانت قوية للغاية.. حامية و الحماس متملك الجميع.. المتناظرين و الحضور..
و بعدين وصلوا سوا لآخر سؤال في المناظرة.. سأله أستاذه عن مسألة نحوية
يتبع..

كان قتلها بحثا مع تلاميذه قبلها بيوم و عارف إجابتها كويس أوي.. لو "الخليل بن أحمد" جاوب السؤال دا.. يفوز علي أستاذه...
و لدهشة الحضور، ووسط ذهولهم.. رد الخليل بإنه مش عارف الإجابة..
ربح "عمرو بن العلاء" المناظرة، و خرج الخليل مهزوم..
يتبع..

فلما سألوه الناس ليه مجاوبش علي السؤال و فازت بالمناظرة.. كان رد الخليل إن "عمرو بن العلاء" أستاذه، علمه و علم الناس فوق الستين سنة.. و في الآخر و هو بيناظره فاق من الحماس.. و أدرك إنه لو فاز عليه حايضيع حرمته و يهز صورته أمام الجميع.. ففضل إنه يخسر...
يتبع..

الحقيقة إن هي دي ثقافة مجتماعتنا بالضبط.. احترام الكبير و توقيره.. و في الحديث الشريف "ليس منا من لم يوقر كبيرنا".. اتربينا علي ده طول عمرنا...
قارن التفكير دا باللي بيحصل النهاردة، بشاب اختلطت في ذهنه المفاهيم.. و انقلبت عنده الحقائق و اتبدلت ثقافته.. لدرجة إنه بيقول
يتبع..

علي أبوه "جيل عرّة فاشل" و بيشهر بيه في كل وقت، لمجرد إنه مختلف معاه سياسيا أو مش متوافقين علي مرشح معين
قارن التفكير دا بواحد ناشر صورة أمه و هي واقفة في طوابير لجان الإنتخابات و بيتمنى لها الموت عشان شايف إن موتها هو السبيل لأنه هو يعيش
قارنت؟ شفت حرب الجيل الرابع✋
يتبع..

ممكن تعمل إيه؟ ممكن تعمل كتير جدا ممكن تفكك المجتمع حتى علي مستوى الأسرة و تحولك لحيوان متعطش للدم مابتفكرش غير في الدم و الموت و الخراب و شفنا بعنينا اللي بيقتل أمه و يدبح أبوه من أجل الخلافة الأمريكية
بتسمع دا و تشوفه كل يوم بالفعل..
يتبع..

بتلاقي الشاب المحترم ابن الناس بيقولك بالحرف: "بكرة تقوم ثورة جياع و تعرفوا إن كلامي صح"
يعني هو بيتمنى يشوف أبوه و أمه و أخته و عمته و جدته بيموتوا من المجاعة و بيتقاتلوا علي الرغيف و بيتحولوا لهياكل عظمية غائرة العيون من فرط المسغبة عشان "نعرف إن رأيه صح"
يتبع..

تعال ناخد أمثلة تانية علي الهجوم الضاري علي ثقافة المجتمع المرة دي انا حسألك و أنت مش حتلاقي إجابة منطقية
"ليه رُفع علم القاعدة و الإخوان في مصر؛ و الأحواز في تونس؛ و الإنتداب الفرنسي في سوريا؛ و علم (ما قبل الجمهورية) في ليبيا؟"
ايه علاقة دا بالثورة علي النظام الحاكم؟
يتبع..

في خلل برضه و خلط بين كلمات زي "دولة" "نظام" "حكومة" "وطن" و "رئيس" التعاريف دي اختلطت و بقت كلها واحد لدرجة إن شاب ثائر يروح يأيد و ينضم لدولة تانية في حربها علي وطنه، لمجرد إنه مش عاجبه رئيس الدولة...
ليه اتغير العلم؟ العلم ايه علاقته؟
مفيش إجابة.. صح؟
يتبع..

الحقيقة مفيش أي علاقة بين تغيير النظام.. و استبدال علم البلد اللي موجود بقاله عشرات السنين و بتتعاقب عليه الأنظمة و الحكومات.. بس هدف تبديل العلم في الحقيقة هو "تغيير كل شيء على الأرض و في بنية المجتمع..."
يعني مش بس علي مستوى القيادات، اللي بسوء إدارتها اتسببت في خلل في
يتبع..

العدالة الإجتماعية أو تفشي للفساد أو الإهمال أو تقييد الحريات.. لا.. "على مستوى المجتمع"..
الشباب النضيف اللي نزل في يناير متصور إنه بيدفع بلده للأمام و رفع علم مصر.. دا لازم ينتهي و ينقرض.. لازم "يكره الوطن" و يحرق العلم.. لازم تفكيره يتغير...
يتبع..

المستهدف مش النظام ماهي الدول اللي بتدعم التغيير و الثورات و الديموقراطية عاشت مع الأنظمة دي سنين طويلة اكتشفوا فجأة يعني مفيش ديموقراطية؟
المطلوب هو ضرب كافة عوامل صمود المجتمع و تلاحمه و انتاج مجتمع جديد متقسم و متفرق قايم علي الفتنة و المذهبية و الطائفية كشريعة و قانون
يتبع..

المستهدف هو تدمير كيان الدولة القائمة بكامله و اعادة انتاجه بصيغة تتوافق مع مصلحة اللي مسلط عليك حرب الجيل الرابع.. فقط.. راجع تدمير الآثار و التراث في العراق و سوريا.. و أتأكد بنفسك من صحة كلامي.. أنت سايب الثورة و الخلافة و رايح تكسر تماثيل طوب؟ يا ترى ليه؟
يتبع..

تدمير ثقافي شامل.. تجريف.. بيغير ثقافتك عشان يهيأك تتقبل اللي هو عايزه.
يعني لو من مصلحة اللي بيحاربك إنه يشيل ديكتاتور.. و يجيبلك ديكتاتور بدقن.. حيغيرلك بنية المجتمع بالكامل عشان تتأهب لتقبل الفكرة دي.. و يبقي المجتمع كله متطرف متشدد.. و يبدأ ينشر لك الأفكار التكفيرية
يتبع..

و تفاجأ علي الشاشات العالمية للبي بي سي و السي إن إن بـ"القرضاوي".. و "العريفي" و غيرهم.. و هم بيبثوالك فكر متطرف..
الفكر دا هدفه يهيأك لتقبل فكرة إن تحكمك جماعة إرهابية متطرفة، ماهو خلاص بقى.. فكركم بقى واحد..
الخطة دي نجحت في أفغانستان بالفعل..
يتبع..

لما أمريكا عملتها في روسيا هناك.. و اعتلى الإرهابيين المنابر.. و افتتحوا آلاف المدارس اللي بتدرس فكرهم المتطرف.. فطلع أجيال كاملة زيهم.. متقبلين فكرة وجودهم و بيسمعوا كلامهم...
و اتغيرت ثقافة المجتمع...
و انهار...
الموت و الدم و الإرهاب و الكآبة و الكراهية تبقى ثقافة..
يتبع..

و ساعتها تتقبل تماما منظر طفل صغير متفخخ زي الصورة دي و هو المطلوب...
يبقي قتلة الأطفال "مجاهدين" و اللي بيحاربهم "قاتل و سفاح"
أفغانستان نموذج لدولة نجحت فيها حرب الجيل الرابع "تغيير ثقافة المجتمع + حرب العصابات" زي ما قلنا قبل كده.. حروب الجيل الرابع قديمة مش حديثة
يتبع..

بس اللي اتكلم عنها بشكل ممنهج لأول مرة كان الأمريكي "ويليام ليند" سنة 1989.
من التجريف الثقافي اللي عملوه عندنا إن معظم الناس النهاردة مش حابة تقرا.. القراءة بقت "شيء منفر"
يعني الناس بقت عايزة الدعابة و الكوميك الخفيفة و معلومات من طراز "هل تعلم إن السحلية لها ذيل"?
يتبع..

و بكده يتصور إنه بقى مثقف..
عشان أنت لو قريت و تعمقت.. حتوصل لحاجات كتير ترفع مستوى ثقافتك و حياتك و تخليك قادر علي التصدي له.. و بالتالي خطته تفشل..
بالمناسبة صفحات الكوميكس الخفيفة، نموذج إعلامي مباشر لحروب الجيل الرابع.. لاحظ إنه نادرا لو قالك نكتة عادية..
يتبع..

زي النكت اللي بنتبادلها يوميا.. لأ نكته كلها سياسية.. بتسخر من المجتمع نفسه و فكرة الدولة و السلطات و الحكومات..
ممكن صفحة الكوميكس تسخر من الرئيس السيسي.. بس تسخر من "حازم أبو إسماعيل" لأ..
يتبع..

ممكن تسخر من عالم زي الدكتور "محمد العريان".. بس تسخر من فضيحة "مصطفي النجار" الشهيرة في المكالمة المسربة مع "ابن القرضاوي" لأ..
و خد دي بقى.. ممكن تسخر من "دونالد ترامب".. بس الست العفيفة "هيلاري كلينتون".. "لأ"...
خدت بالك من دي؟
يتبع..

عرفت مين بيشغل الناس دي كأداة إعلامية في حروب الجيل الرابع؟
حتلاقي "باسم يوسف" و هو بيقول في فيديو إنه "مايصحش السخرية من أردوغان طالما بيتضايق و مش مفروض أردوغان يرد علي اللي بيسخروا منه"
"باسم" اللي صدر السخرية علي إنها حق مشروع من أي حد و مش من حقك تتضايق و دي حرية
يتبع..

خايف علي مشاعر "أردوغان" و شايف إنه معذور و من حقه يتضايق دا نموذج للمفاهيم لما تختلط و الحقائق لما تتقلب
اتكلمنا في الثرد فوق عن دور السي إن إن في التلاعب بالعقول.. و نظرية "تأثير السي إن إن CNN effect".. الجزيرة في العلوم السياسية مصنفة زيها بالضبط..
يتبع..

و علماء السياسة و الإقتصاد مصنفينها على إنها بتعمل بالتوازي مع السي إن إن؛ لخلط الحقائق و بث الشائعات و التأثير علي العقول و المجتمعات بالكذب.. و أطلقوا علي دورها دا.. "تأثير الجزيرة Al Jazeera effect"..
يتبع..

بالمناسبة أول من روج لداعش و شهرها و قدمها للعالم.. كانت قناة الجزيرة في 9 إبريل سنة 2013، في رسالة صوتية بثها التنظيم نفسه علي القناة ...
من أهم الأدوار اللي بتمارسها الجزيرة و سي إن إن و باقي جوقة حرب الجيل الرابع.. هي إنها "بتركز لك جدا علي السلبيات"..
يتبع..

بتجيب من عندك الفساد أو الرشوة أو الإهمال أو غيرهم.. و تسلط عليهم الضوء و تكبرهم.. و توهمك إنك الوحيد الي بتعاني من دا.. مش كل العالم بيعاني منه..
الدكتور "جورج فريدمان Dr. George Friedman" في كتابه "ما وراء حرب الجيل الرابع Beyond Fourth Generation Warfare" بيقول لنا
يتبع..

إنه في سبيل تحقيق دا.. لازم عدوك يهاجم أي إنجاز أو محاولة للتطور و التقدم بتعملها و لازم يسفه من مشاريعك القومية باستمرار بالإضافة إلي إنه يوهمك إنها بتخسر أو مالهاش أي جدوي
دا اللي عملوه بالضبط مع كل مشروع قومي الدولة عملته من أول قناة السويس الجديدة، اللي بيسفهوا منها
يتبع..

طول الوقت و بعدين يقنعك إنها بلا جدوي و بتخسر زي مشروع مساكن العشوائيات اللي ملقاش حاجة يقولها عنه فقالك إن الملاعب قريبة جدا من المباني
المهم الإنجاز يتسفه و خلاص و تحس طول الوقت إنك فاشل سيء ضعيف تحس بالضغط و العجز و الفشل فتبدأ تتجه لحد بيوعدك بالجنة و الحور و النعيم
يتبع..

تسمع له في رحلة البحث عن ذاتك اللي سرقوها منك و تنضم له..
دا الهدف...
أنت لو بقيت متفائل متحمس و اشتغلت.. تبقى فشلت الحرب.. و هو مش عايز دا مطلقا.. عايز يستمر و يكمل معاك.. لحد ما تنهار و تقع و تبقى طائفي.. كاره لوطنك و لنفسك و للحياة...
يتبع..

"الشيطان يعدكم الفقر".. كلمة قالها ربنا
سبحانه و تعالى عن شياطين الإنس و الجن.. اللي بيعدوا الناس بالفقر و الضياع و "ثورة الجياع" و للأسف في بيعد الناس بالفقر.. و هو متصور - بسبب خلط المفاهيم في ذهنه - إنه بيدافع عن الدين✋
#انتهي واسف على الاطاله?
#مصر_محفوظه_من_عند_الله ✋

التصنيفات

المزيد من هذا الكاتب

مواضيع ذات صلة

الأكثر اعجابا

التصنيفات

المزيد من هذا الكاتب

مواضيع ذات صلة

الأكثر اعجابا

فك الثريد