فيه نقطه لازم الناس تفهمها كويس ، فرق بين #مبارك و #السيسي .
مبارك كان بيخاف يستلف ، بالعكس بيحاول يسدد الي عليه ، زي معظم الآباء المصريين . وماشي علي قد دخله .
#السيسي قلبه ميت ، بيستلف جامد ويعمل مشاريع غاليه ، بيلعب علي ان المشاريع دي هتقوم الاقتصاد والفلوس تيجي. ويسدد او

يمشي بيهم بس الاقتصاد لما يكبر ، نسبة مديونيتك بتقل .
مثال:استلفت مليون جنيه واشتريت ارض بيهم.أنت في خطر لان ديونك ١٠٠٪ من ممتلكاتك.
استلفت مليون تاني وبنيت الأرض مول في سنتين وأجرت لكارفور ولبراندات مشهوره.
المول بقي يساوي ١٠ مليون.
وأنت عليك اصل الدين + الفوايد = ٣ م

ديونك = ٣٠٪ من ممتلكاتك. أنت في وضع ممتاز .
يعني محطات كهرباء سيمنز ، ايه الإنجاز الي فيها ؟ انك تدفع فلوس لشركة اجنبيه تعملك محطة ؟ اي حاكم مدينه يعمل كده .
إنجاز السيسي،قلبه الميت،استلف وعمل محطات بزيادة،اكبر من حاجته،عشان رؤيته انه هيكبر الاقتصاد،فنخلص من البند ده ٢٠ سنه قدام

الأمور ماشيه معاه كويس لان الاقتصاد بيكبر،ف بيقدر يستلف اكتر ويكمل تنميه.
العيب انه معتمد علي الجيش والحكومة في التنميه والكلام ده علي المدي البعيد فشل في كل الدنيا.
القصة دي قناعات ، يعني معتقدش انه بكره الصبح هيشجع القطاع الخاص .
عموما القطاع الخاص برضو بيعافر انه ينافس ويشتغل.