تحت هذه التغريدة راح أشرح اقوى بيف وهوشة حصلت في تاريخ الراب السعودي بين كلاش وصقر ( عيال الغربية ) واليونق وراندر ( القيادات العليا ) الثريد للكبار فقط +١٨ لما يحتويه من الفاظ خادشة ..
قبل أبدا أحب أنبه ان الثريد عنيف جداً والفاظ خادشه كثير، بشرح البيف كامل من بداية الهوشة بينهم وكيف بدأت، لذلك الثريد شوي طويل ..وايضاً لاتنسى تلبس السماعه لان الثريد ملغم بمقاطع خادشة ..
البداية احب اعرف بالقروبين عشان الكل يفهم ..
قروب عيال الغربية ( كلاش وصقر )
قروب القيادات العليا ( اليونق وراندر )
قروب عيال الغربية ( كلاش وصقر )
قروب القيادات العليا ( اليونق وراندر )
القروبين كانت تجمعهم صداقة قديمة وقوية وعملوا مع بعض في تراكات كثير اشهرها ( ايش اللي صاير) لكلاش وراندر ..
لكن كل شي ممكن ينقلب في ليلة وضحاها ، من قوة العلاقة بين القروبين كان يوجد اتفاق بين القروبين انهم يهجموا مع بعض على شيبوبه قروب ( العشيرة) لكن للاسف كلاش خانهم حسب أحد الروايات وراح سوا هدنه مع العشيرة وانا ذكرتها في الثريد الماضي ولين يومكم كلاش مابرر هذا الموقف لأحد ..
القيادات زعلوا من حركة كلاش واعتبروها ( خيانة ) من هنا بدات النغزات لمن قروب القيادات نغزوا كلاش أكثر من مرة وواحد منها كان في تراك اسمه ( نزال مكسيكي)
بعدها بفترة نزل التراك الشهير لكلاش اللي اسمه ( ١٠٠ بار ) وجلد الجميع والجلد شمل القيادات العليا بنغزات واضحه لهم ووصفهم انهم عارضات ازياء مو مغنين راب ..
حتى الان كانت كلها نغزات ومافي شي صريح ومافي اي مواجهه حتى نزلوا القيادات تراك حزين انهم تعرضوا للخيانه وان ماكان ودهم كذا الأمور تروح لذا الاتجاه ..( بتهديد مو واضح ان القادم بيكون سيئ لكلاش)
وبالفعل كان القادم سيئ لكلاش بعدها بفترة قليلة جداً نزل اول تراك شبه رسمي من القيادات ضد كلاش وصقر وكان اسمه ( دق صهيوني ) واصفين كلاش انه خوان مثل الصهاينه ..وللامانه التراك كان رهيييب
الرد بعدها جا مباشرة من صقر نيابة عن كلاش في تراك (القنص في المنصة) ووصفهم انهم حفر بمافي معناه انهم "يلقموه" ..
من هنا البيف ولع وأصبح كل شي واضح وصريح ومعد في نغزات او ضرب من تحت الحزام كلها دسات (راندر واليونق في مواجهة كلاش وصقر )
القيادات بعدها مباشرة نزلوا تراك ( رد اعتبار ) ليس فقط تمت اهانة كلاش ووصفوه انه حرمه بل اتحدوه تحدي مباشر لو هوا راجل يجي الحي عندهم ( السبيل )
ايش تتوقع فعل كلاش ؟ راح لنص حيهم وبدق خشوم صور وقذفهم وأنهم شواذ ووصف اليونق بالحفرة وأن الجميع يشقوه ..وكان التراك اسمه ( كسرة عين ) وبالفعل كسر عينهم
من ذي النقطة تغير الوضع تماماً حتى بالنسبة لليونق يُقال تأذى من وصف كلاش له بالحفرة حتى في حياته الواقعية وأصبحت العدواة شخصية وتحولت الدسات التاليه لقذف وشتم اكثر من أي شي ثاني لذلك ارجوكم السماعات ..
المهم وكرد اعتبار على دخول كلاش لحيهم ، القيادات العليا اقتحمت حي كلاش ( الرحاب ) ولعبوا مزمار فيه وكان اسم التراك ( القفلة دبل ) من قوة هذا التراك تصدر ترند اليوتيوب لاسبوع كامل وفي فئة تقول انه اقوى دس في البيف ..
الجزء الخاص براندر :
من قوة الدس اختفى كلاش ثلاث اشهر ، كثير قالوا كلاش هرب من المواجهة لكن رجع بعدها بواحد من اقوى دسات التاريخ السعودي ( الفتحة دبل ) وكان كذلك أول الترند في اليوتيوب لاسبوع كامل ..
لم ينتهي الأمر عادت القيادات برد قوي جداً بعد أسبوعين فقط ب ( صايمة) وكان كذلك ترند اسبوع في اليوتيوب ..
آخر دس من كلاش زاد الوضع عن حده غير القذف الكثير كلاش للاسف أدخل أهالي القيادات في الدس ، وللامانه ماقدرت اسمع الدس اكثر من مره ..
بعد دس كلاش تدخلت الحكومة وكلبشتهم وأجبرتهم يحذفوا دساتهم من قنواتهم الرسمية والاعتذار مع أخذ تعهدات صارمة منهم بعدم التكرار ، انتهى كل شي عند هذا الحد و كلنا اعتقدنا ان البيف انتهى لكن ..
القيادات رجعوا بعدها بشهور ينغزوا كلاش اكثر من مره وواحد منها كان في تراك ( البزر والفقي )
اخيراً وبعد سنه ونص تقريباً من الركود رجع كلاش قبل اسبوع ينغز القيادات مره ثانية في تراك ( عبيلة ) ورجع يذكر الناس انهم فتحات ..
عند هذا الحد انا انتهيت ، شخصياً اعتقد ان البيف بيرجع مع الوقت وبترجع النغزات على الأقل في الايام الجاية ، كل القروبين كان مستواهم عالي في البيف وصعب تحكم مين كسب ، انت وبحياد مين تعتقد كسب ؟
جاري تحميل الاقتراحات...