هذي الثلاث نقاط راح تختصر ليك خلاصة تجربتي في تطوير "الاكسنت" بشكل جددا قوي بدون معاهد او سفرات ???
اول شئ خلينا نعرف ليش الاكسنت مهم؟ ??
اول شئ خلينا نعرف ليش الاكسنت مهم؟ ??
الاكسنت حيفرق في حياتك بشكل غير طبيعي لما تقابل ناس في حياتك المهنية او دراستك خصوصا في الاجتماعات و البريزنتشن.. انت بتترك اثر جدا قوي على الشخص لما يكون الاكسنت عندك قوي لانه الناس تحكم على قوة لغتك من خلال طريقة نطقك للكلمات ??
ملاحظة: الاكسنت مهو من معايير تقيمك في اختبار المحادثة ( ما راح تأثر في درجتك ) لكن هي راح تفيدك في الحياة بشكل كبير عشان كدا بقولكم ?
1️⃣ الاستماع: كان له اثر غير طبيعي في تطوير لهجتي بطريقة صحيحة ابني عادة يومية انه تسمع لمدة ٣٠ دقيقة الى ساعة للبرامج الصوتية و انت رايح للدوام او الجامعة
و هذي البرامج الصوتية اللي المفروض تسمعها
هذا برنامج صوتي رهيب باللهجة الامريكية ??
allearsenglish.com
هذا برنامج صوتي رهيب باللهجة الامريكية ??
allearsenglish.com
2️⃣ خليك جرئ: اصعب نقطة في تطوير اللهجة هي المحيط المحطم حولك.. البداية صعبة لكن ياريت تستمر .. لا توقف او تتاثر من كلام الناس السلبي
3️⃣ الممارسة: واكيد الممارسة جزء لا يتجزأ في تطوير الاكسنت و انا بنفسي اصنف طرق الممارسة لثلاث اقسام
١- الفرص اليومية: معظمنا يتعرض لمواقف يمدينا نستخدم فيها اللغة زي و انت في المطعم ما تستسهل و تتكلم عربي.. ابدأ اطلب اللي تبغاه بالانجلش صح في البداية راح ترتبك و تتلخبط بس اكيد افضل كثير انه تتلخبط قدام موظف المطعم و ما تتلخبط في المستقبل قدام مديرك ?
٢- مكان عملك او دراستك: اذا انت تدرس استغل مدرسك و زملائك الاجانب و اتكلم معهم انجلش.. خذ هذي الامور كأنها تجربة تعلم راح تساعدك بشكل جدا كبير ?
٣- تدرب مع نفسك: هذي الطريقة هي اللي ساعدتني اطور لغتي بشكل كبير لانه راح يمديك تتكلم كثير و كمان تصحح اخطائك لنفسك بدون احراج.. اتكلم و فكر بالانجلش عن يومك كيف كان، او خطط ليومك ايش راح تسوي بالضبط او اختار اي موضوع زي الرياضة و اتكلم عنه زي كأنه تجاوب سؤال ✔️
صدقني الموضوع في البداية ممكن يكون صعب و تمشي ببطء.. بس بمجرد ما يصير الاستماع و ممارسة اللغة عادة عندك راح تشوف تطورك و يصير حافز ليك تستمر بشكل اقوى ?
جاري تحميل الاقتراحات...