رتبها

تحت هذه التغريدة راح أشرح كامل البيف والهوشه بين كلاش وشيبوبه الثريد للكبار فقط +١٨ لما يحتويه من الفاظ خادشة ..

قبل أبدا أحب أنبه ان الثريد عنيف جداً والفاظ خادشه كثير، بشرح البيف كامل من بداية الهوشة بينهم وكيف بدأت، لذلك الثريد شوي طويل ..وايضاً لاتنسى تلبس السماعه لان الثريد ملغم بمقاطع خادشة ..

البداية كانت قبل ٩ سنوات، كان شيبوبه ذو شعبيه ضعيفه جداً وشهرته شبه معدومه وزي أي مغني راب عشان يزيد شهرته يحاول يحتك او يهاوش كلاش عشان تجيه مشاهدات الخ، من هنا بدأت المشكله لمن قرر شيبوبه ينغز كلاش في (تراك اسمه : قوة الفكر) ..

شيبوبه شاف ان المشاهدات عنده ارتفعت بسبب النغزه لكلاش لذلك نزل تراك ثاني بعده مباشره وفي دقيقة كاملة عنف فيها كلاش تعنيف +١٨ ..

شيبوبه كان ينتظر رد من كلاش عشان الدنيا تولع ومنها يكسب شهرة، لكن كلاش أعطاه واحد صفر وسحب عليه وماعبره حتى ، وكلاش وقتها نزل تراك اسمه : سوريا الاحرار وكان جميل جداً ..

شيبوبه حقد وزي اللي يقول انا وراك وراك لين ترد او بجلس اهينك لذلك نزل نغزه على تراك كلاش حق سوريا ..

كلاش كان مايرد لسبب انه بعد خروجه من السجن وعد الناس ولأمه تحديداً انه معد يرجع للدسات وبينزل فقط راب هادف هذا الكلام قاله بعد ماخرج من السجن ..ونستذكر هنا اغنيته لامه اللي أبدع فيها ومازالت في الاذهان ..

بعد سنه ونص تقريباً في ٢٠١٥ تغيرت اللعبة كثير و ارتفع المستوى ورجع شيبوبه بنغزه جديدة لكلاش رداً على تصريح كلاش اللي قال فيه انه ضد اللفظ العنيف والسب وانه مستحيل يرجع لذاك الطريق اللي بسببه انسجن في قضية العنف اللفظي (التراك كان اسمه :تحديد الكل) مو بس نغز كلاش هايط كذلك عليه..

كلاش استحمل شيبوبه بمافيه الكفاية وقرر اخيراً يرد على كل نغزاته في (تراك اسمه : كبار مجال) الدس كان قوي وكان رجعة كلاش لساحة الدسات بعد انقطاع لفترة طويلة ووصف شيبوبه في الدس انه متسلق يبغى الشهره منه وهوا مايشوفه الا صعلوك واستخدم لفظ عنصري " مملوك"

المفاجاة بعد الدس حق كلاش وبعد ١١ يوم صارت هدنه بين القروبين لكن واحد من الشروط اللي وضعها شيبوبه ان كلاش ينزل مقطع يعتذر على كلمة "مملوك والالفاظ العنصريه" ويقول انه ماكان يقصد شيبوبه ..
"صورة للهدنه تجمع القروبين 👇"

لكن كلاش اعتبرها زي المثال الشهير ( شين وقوي عين ) هوا من الأساس اللي بدأ يتحرش بكلاش والان يطلب منه اعتذار ؟؟ لذلك كلاش سحب على الاتفاقية، وهذا زعل شيبوبه وتفركشت الهدنه ونزل دس على كلاش وكان التراك اسمه : طاح الخشب ..

في ذيك الفترة كان الجميع كل القروبات يدسوا كلاش وهو مستحملهم وساكت لحتى انفجر في يوم ومسحهم كلهم في واحد من أشهر الدسات في عالم الراب السعودي وكان التراك اسمه : داعس، وبالفعل دعس الجميع ..

تفكر شيبوبه سكت ؟ لا ، رد بعدها بفترة بأحد افخم الدسات ابدع شيبوبه في القوافي وقدر يحجر لكلاش وصغره ..وكان (التراك اسمه : اصب اسفلت) وبالفعل صب اسفلت على ظهر كلاش ..

كلاش رجع مره ثانية بسرعه ليسحق الجميع وكل المتطاولين عليه في واحد من اشهر الدسات (وكان اسمه : ١٠٠ بار) كان تحديد كُل للجميع وخص فيهم شيبوبه وللامانة تجاوز الحدود كلاش بالعنصرية ...

البيف كان هنا مولع للأخير لذلك رد شيبوبه بعد ٣ اشهر بالدس الشهير ( الوزن الثقيل ) وانا شخصياً اشوفه احد أفضل ٥ دسات في تاريخ الراب السعودي ..استخدام شيبوبه للمفردات كان مرعب وفريد من نوعه ومستواه فرق وقتها عن الجميع..

كلاش هنا وقتها كان منشغل في حربه الثانية مع القيادات العليا وكلنا نتذكر البيف بينهم وانا كتبت عنه ثريد كامل ، وسحب لفترة سنتين تقريباً على شيبوبه والناس كلها كانت تقول شيبوبه كسب البيف وبعض الناس كانت تقول ان كلاش خايف من شيبوبه لكن ..

المفاجأة كانت ان كلاش قبل يومين رد على شيبوبه بعد سنتين في دس فخم فخم جداً واسمه : عبله والدس كان عبارة سب وتهكم واضح للون بشرة شيبوبه ( عنصرية) ..

كلاش لشيبوبه في الدس : ياعىد، يا آغه ( العىد المخصي )، ياعبله ، ياخال
برضوا كمان كلاش هههههه :

كلاش ماكتفى بشيبوبه في الدس بل نغز قروب القيادات كذلك وهذا يعني اننا بنشوف البيف بينهم غالباً بيرجع ،وايضاً الان بننتظر رد شيبوبه لان حسب اللي سمعت ان الرد بيكون خلال فترة قريبة جداً ..

عند هذا الحد انا انتهيت اعتقد اني شرحت القصة كاملة مع تسلسل الدسات ، بحيادية مين برأيك كسب البيف حتى الان ؟ مين كان الافضل ؟ كلاش او شيبوبه؟

بسبب ان الثريد انضرب بسبب الكوبي رايت ( غالباً ) مو متاكد بحط الثلاث تغريدات المهمه اللي انحذفت على شكل صور
التراكات اللي انحذفت :
سوريا الاحرار
امي
داعس
الجميل ان الحذف ماخرب الثريد ومازال مفهوم جداً