Thread عشوائي ، راح أتكلم فيه عن كل حاجة و أي حاجة
——
الثريد يعبر عن أرائي و قناعاتي الشخصية فقط!!
——
الثريد يعبر عن أرائي و قناعاتي الشخصية فقط!!
- قبل أي حاجة ، الكلام اللي في الثريد ممكن مايعجب أحد ، لكن لو ماعجبك و حاب تناقش أو تعترض أو تنتقد الكلام بكل أدب و إحترام علي راسي ، بتسب و تقل أدبك بيجيك بلوك ، اتمني نكون متحضرين في المناقشات!
- Ladies first .. في فئة معينة من البنات [ ما أعمم ] انتشرت ف الفترة الاخيرة خصوصاً علي السوشل ميديا ، يهتمون بجمالهم الخارجي فقط أو بمعني أخر يحاولون يظهروا جمالهم و يتاجرون فيه ، و هذي حاجة سهلة جداً بدون ما يفكرون في كارير أو في شخصية ، هم يهتمون بالمظاهر فقط!
- من فترة كنت أتناقش انا و أصحابي مين أكثر شخص محظوظ في العالم ، واحد منهم قال [ البنت الجميلة الغبية ] ، طبعاً الرزق بيد الله سبحانه ، لكن هذي الحقيقة ، لأننا بنهتم بالمظاهر ، فجمال البنت يتم التجارة فيه و هذا أقصى مراحل الغباء ، لكن لو ذكية على الاقل تفكر شوية في قرارتها!
- و بصراحة فعلاً الجمال ممكن يعطي للشخص مكانه هو مايستحقها ابدآ ، الجمال يكون معيار أكبر من الكفاءة أحياناً ، أبسط دليل إنك تحصل مذيعات ماعندهم ربع كفاءة و كل مؤهلاتها شكلها الجميل و ماحذه مكان واحد أكفأ منها مليون مرة لكن مش علي نفس درجة الجمال!
- البنات في السعودية ، في الفتره الأخيره ينادون بالمساواة بين الولد والبنت ، و ماعندي مشكلة مع هالشي إطلاقاً بالعكس أدعمه بقوه ، لكن اللي مش طبيعي هو انهم يطالبون بالمساواة و مع أول موقف يتعرضون فيه للمساواة تلاقيهم يشتكون ويطلعون أمام الملأ بأني انا البنت الضعيفه!
- لكن مع أول موقف يتعرضون للمساواة يتهمون الشباب بإنهم ماعندهم نخوة ! ، طيب كيف شلون؟ طالما بغيتوا مساواه خذوها كاملة مو على مزاجككم!
ندخل على الشباب ..
- الرجل السعودي عنده كمية رهيبة من إزدواجية المعايير ، ف تحصله يخاوي بنات ، لكن لما اخته تكلم شخص يرفض ! ، طيب يا ابن الحلال اللي تكلمها هذي بنت ناس برضو وعندها اخ واهل، لكن الرجل السعودي يشوف الحاجة حلال طالما بعيدة عن أهل بيته!
- الحقيقة إن هالحاجات كلنا كا شباب تربينا عليها ، ثقافة إن انا رجال اسوي كل اللي انا ابيه ومحد له كلمة علي ، ثقافة إن البنت يعيبها وسمعتها تخرب وتأثر عليها لكن أنا رجال ومافي حاجة تعيبني مهما سويت ولا تأثر علي ، أعتقد حان الوقت لنسف الثقافة هذي!
- الشباب ممكن يشهرون إي بنت حلوة ، علي تويتر مثلاً لو بنت حلوة حطت صورتها تحصل اغلب التفاعل من الشباب ، في الأخر هذي غريزة الرجل إنه ينجذب للجمال ، لكنها غريزه حيوانية طالما مندفع ورا شهوته بدون ما يتحكم فيها و يسيطر عليها!!
- حالياً فيه عدد كبير من أشباه الرجال ، اللي يوعد بنات الناس و يكلمهم من ورا أهلهم و يخلف وعده و يكسر و يلعب بمشاعر غيره ، هذا مايمنع برضو إن أغلب البنات صارت سهلة و ماتقدر قيمة مشاعرها و بتعطيها لأي شخص وينضحك عليها!
- مع كامل احترامي لكن البنت اللي بتاجر بجمالها مع الرجال اللي شهوته وتفكيره تغلبه، فالإثنين = حيوانات ، لأن كل واحد منهم يستخدم غريزته و شهوته بدون أدني تفكير او تحكم فيها!
- من وجهة نظري سن الخطوبة ، معياره لشباب هو لما يكون مستقل مادياً تحت إي سن ، لأن علي الأقل يتعلم يشيل مسؤولية ، هذا مايمنع إن طبعاً لازم مساعدات من الأهل و إلا ماراح تتزوج الا بعد الـ ٣٠ ، أما بالنسبة للبنت ف مافي معيار محدد بالنسبه لي لسن الخطوبة
- من الأسباب المهمة لتغير الرجل في فترة الخطوبة ، هو كمية الضغط العصبي و النفسي اللي عليه ، خصوصاً لو مش معتمد علي أهله في تجهيزات الزواج ، لأن الرجل وقتها يحارب في مليون إتجاه سواء ضغط الشغل ، ضغط الأهل ، ضغط تجهيزات و طلبات الزواج ، ضغط خطيبته ، مستحيل أحد يتحمل الضغوط هذي!
- المصيبه إن البنات مايفهمون هالشي ، وتشوف إن خطيبها تغير عليها و ماصار يهتم فيها زي اول ، لكن هو يكون طالعه عينه و مستنزف داخلياً بسبب الحاجات اللي وراه و اللي مطالب فيها ، و في بنات بدال ما توقف جمبه تزعل عليه وممكن تتركه!! ، الرجل في الفترة هذي يكون محتاج اهتمام ومسانده!
- الحب ماهو سبب كافي للزواج و إن العلاقة تكمل ، العشرة والإحترام هم أساس كل شي حتي لو مافيه حب ، ياما ناس كانوا يحبون بعض وقصص حب خرافية والحين منفصلين أو في المحاكم كمان ، الحب مو كل حاجة ، أهم حاجة الإحترام و الشخص اللي تكمل معه باقي حياتك يستاهل او لا !؟
- المشكلة إن أغلب الناس كل همهم إنهم يحبون، ماشي بمبدأ أنا ابي أحب ، وطول ما انت تبي تحب بتكون مندفع و ماراح تنتبه في حاجات كثير في اللي بتحبه ممكن تكون ماتنفع لك أصلاً ، و بعدين تبدأ الحاجات هذي تبان مع الوقت والعلاقه ، لحد ما تستهلك مشاعرك ، و كل ذا بسبب رغبتك بالحب !
- الغريب ان ناس كثير بعد علاقات الحب هذي يكتشفون إنهم ما كانو يحبون و إن ذا كان مجرد إعجاب أو تعلق ، الحب رزق يجيك في وقته ماواح يجيك عشان انت تبي ، بلاش رغبتك في الحب تعميك عن حاجات كثير ممكن تجي علي حساب روحك ووقت وعملك!
- و قلناها مليون مرة قبل إن ماينفع علاقة [ ارتباط / صداقة ] بين الولد والبنت قبل الزواج ، لأنها علاقات غير سوية ، واللي يدافع عنها هو عارف كويس إنها غلط ، لكنه يكابر و الناس هذي تضايقني، لأنه عارف إنه غلط لكنه يكابر ويبي يمشي يومه!
-من وجهة نظري الحمل بعد الزواج تكون من ٢-٣ سنين ، طبعاً هذا رزق و يجي في وقته ، لكن في أسباب تمنع الحمل لازم تاخذ فيها لأن أول السنين في الزواج يوضح الزوجين علي حقيقتهم بعد فترة الخطوبة اللي يتصنعون فيها حتى لو كانو مرتبطتين ٢٠سنة قبل الزواج لان صراحة المحاكم امتلت بطلبات الطلاق!
- فلما تحصل مشاكل و تكتشفون انكم مش قادرين تكملوا مع بعض ، ممكن تنفصلون بسهولة ، ف ماراح يكون في طفل يتبهذل بسبب أخطأ امه وابوه، أو لو قررتوا تكملوا مع المشاكل عشان الطفل ، يخرج الطفل غير سوي نفسياً بسبب المشاكل و الخلافات اللي بينكم!
- يا جماعة الله يحفظكم لو أنتم مش قادرين على تربية طفل وتوفير معيشة أدمية له لا تفكرون بالحمل، لا تخرجون شهوتكم و ينتج عنها طفل ينظلم و يتبهذل في الحياة ، لأنك كذا بتظلمه ، طبعا الرزق بيد الله سبحانه ، لكن أتكلم عن الأسباب اللي المفروض ناخذ بها !
- أتمني ان البنات تقدر تشيل مسؤولية الزواج ، و تفهم إنها مسؤولية كبيرة خصوصاً في السعودية ، الرجال يطلع عينه وعين أهله عشان يوفرون مصاريف الزواج ، و البنت ممكن تطلب الطلاق بسبب حاجات تافهة و تهد البيت و تاخذ العفش كله وكن مافي شي صار ؟
كذا انتهينا من الثريد واسف على الإطاله واسف برضو اني صرت تركي السدحان كل شوي داخل وطالع في موضوع اخر لكن شي في قلبي وحبيت اتكلم فيه ❤️
جاري تحميل الاقتراحات...