هى الخناقة مش خناقة مين تركى ومين شركسى ومين مصرى، سليم الاول تركى وطومان باى شركسى محدش فيهم مصرى، الفرق - بغض النظر عن المكون الحضارى - بين ان مصر بتبقى قلب الخلافة ولا بتبقى مجرد تابع لمركز الخلافة، بتبقى اصل ولا فرع ..
لذلك دولة المماليك - البرجية والبحرية والدولة الفاطمية هما اعظم دولتين، لانهم جعلوا مصر سواء بقصد او بدون هى مركز. قلب الخلافة الإسلامية، واسهاماتهم على الاقل فنياً ومعمارياً واضحة وموجودة حتى الآن ويكفى للدولة الفاطمية ربط مصر بمحيطها العربى مع انى عارف ان الكلام ده مش هيعجب
وتأثير الفاطميين الموجود حتى الآن فى الوجدان المصرى من موالد واحتفالات وغيره، ده انت حتى تقدر تعرف الفرق ولو مكونتش خبير بين المعمار المملوكى والتركى لانهم كانوا همج بمآذانهم اللى شبه الخوازيق لانهم مكانوش يعرفوا شئ عن الفنون الا لما اخدوا المصريين للأستانة
الاحتلال العثمانى مش بس أثر على مصر الاحتلال العثمانى جمد المنطقة العربية بالكامل لمدة ٦٠٠ سنة وعزلوها عن العالم تماماً، مفلتش منها اخر ١٠٠ سنة الا مصر بسبب محمد على باشا وده اللى كان مخليها متقدمين نسبياً عن كل اللى حوالينا
وطبعاً اللى هييجى يقولنا الكلمتين بتوع الحفاظ على الإسلام وكانوا عاملين رعب لأوروبا، غرناطة اخر معاقل المسلمين فى الاندلس كانت بتنهار والعثمانيين بيهاجموا اوروبا الشرقية وبيحتلوا مصر ومفكروش يروحوا يدافعوا عن الاسلام هناك
اللى عاوز اقوله بعيداً عن مسلسلات قيامة ارطغرل وعثمان قامت قيامتكم يارب ومسلسل الممالك الجديد انه مش دفاع عن طومان باى قدر ما هو دفاع عن دولة كانت مركز للخلافة وبقت مجرد تابع ذليل للأستانة ولمجموعة من الهمج لا تركوا اثر ثقافى ولا علمى ولا معمارى ولا اى اثر ايجابى
واعتماد على المصدر كتاب بدائع الزهور لابن اياس لانه حضر الفترة دى وكتب فى نفس الكتاب عن مساوئ الحكم المملوكى لمصر وشاهد على الفظائع اللى ارتكبها جيش سليم لما دخلوا مصر فى اول ٣ ايام والل عملوه فى المصريين
ويكفى قصيدته اللى قال فيها :
نوحوا على مصر لأمر قد جرى
من حادث عمت مصيبته الورى
زالت عساكرها من الأتراك في
غمض العيون كأنها سنة الكرى
الله أكبر إنها لمصـيبـة
وقعت بمصر ما لها مثل يُرى
لهفي على عيش بمصر قد خلت
أيامه كالحلم ولى مدبرا
نوحوا على مصر لأمر قد جرى
من حادث عمت مصيبته الورى
زالت عساكرها من الأتراك في
غمض العيون كأنها سنة الكرى
الله أكبر إنها لمصـيبـة
وقعت بمصر ما لها مثل يُرى
لهفي على عيش بمصر قد خلت
أيامه كالحلم ولى مدبرا
جاري تحميل الاقتراحات...