#ثريد_الmindpalace عايز اتكلم ليكم الليلة عن حاجة اسمها Mind Palace او Method of Loci ودي من افضل الطرق الممكن تحفظو بيها أي شي بالزات القوائم يعني في القراية ولا ان شاء الله حاجات السوبر ماركت. ودي البستخدموها ابطال مسابقات الذاكرة. وجسدها سير آرثر دويل في شخصيات شيرلوك هولمز.
يقال انه كان في شاعر يوناني قديم اسمه سيمونايدز كان بقدم شعر في قصر وطلع برة يعمل حاجة واثناء ماهو برة القصر اتهدم على الناس واتطحنو طحن. قِدر سيمونايديز انه يتذكر كل زول كان قاعد وين عشان اهل الضحايا ما قدرو يتعرفوا عليهم لكن هو اتذكر كل زول كان قاعد وين وبالتالي حدد ليهم ناسهم.
المهم الطريقة بتعتمد انك يكون عندك مكان مألوف حافظو كويس (بيتكم) يلا تخش البيت دا اوضة اوضة تقيف في الباب وتحدد ٥ حاجات في كل غرفة او اقل. وترتبهم بي اتجاه عقارب الساعة. مثلاً ١) طربيزة ٢) سرير الخ. وتحفظ الترقيم دا كويسسسس واذا مشيت غرفة تانية وانت كاتب سرير هناك ما تكرره تاني.
فكرة الطريقة انها بتعتمد على الspatial memory حقتنا.. زمان الأنسان البدائي كان اهم شي عنده يعرف مكان الاكل وين، مكان الوحوش وين، مكان العدو وين الخ. فدي الذاكرة المكانية وبتكون اقوى من الذاكرة العادية وساهل بالنسبة لينا اننا نوصل ليها وتتذكر الطريق لي مكان او شكل مكان مشيناهو.
نرجع للغرف، بعد ما نكتبهم نحفظ الترتيب كويس لحدي ما نقدر لو زول قاللينا رقم ١ شنو تقول ليو السرير.. رقم ٥ شنو طوالي تعرف. بعدها نجي للجزء المشوق، مثلا حنتخيل انه انا عندي قائمة صعبة للمثال taxonomic rank بتاع المخلوقات الي هو فصيلة مملكة جنس الخ.
حنجي نتخيل صور مرتبطة بي كل كلمة من ديل ونربط الحاجة دي في الحتات الانا حافظها مثلا order اتخيل صورة أكل جايبو ديليفري و family نتخيل ناس البيت kingdom حنقول ملك مثل king ونقوم نربط الصور دي بالحاجات في خيالنا.. بالترتيب يعني اول شي في الحاجات الحاحفظها مع اول شي في الغرفة
لو حنختار غرفة النوم حنتخيل انو مثلاً الملك راقد في السرير والعائلة قاعدة في الكنبة والبيتزا (اوردر) قاعدة في الطربيزة.. ولو جينا للصالون ممكن نكمل باقي الحاجات مثلا كدا life, phylum , domain
الموضوع عايز شوية خيال وعايز حبة تدريب بعدها حتلقى روحك اتخيلت الكلام كلو في دقايق ووزعتو على المكان وحفظتو..
جربوها وانتو ماشين السوبر ماركت لو قلنا عايزين نجيب لبن، بيض ، بطاطس احفظو غرفة واتخيلو الحاجات هناك.. وحاولو تعملوها مضحكة يعني لبن مدفوق في السرير، جدادة بتبيض وكدا
جربوها وانتو ماشين السوبر ماركت لو قلنا عايزين نجيب لبن، بيض ، بطاطس احفظو غرفة واتخيلو الحاجات هناك.. وحاولو تعملوها مضحكة يعني لبن مدفوق في السرير، جدادة بتبيض وكدا
كل ما كانت الصورة غريبة كل ما كانت ساهلة تتحفظ..
ممكن تقروا كتاب حلو اسمه اتكلم عن الذاكرة وكيف نقويها وكيف زول عادي قدر يفوز في بطولة العالم للذاكرة.
Moon walking with Einstien
وفي يوتيوب في فيديوهات كتيرة بتشرح الكلام لو لسه ما وقعت. اتمنى انكم استفدتو والسلام عليكم ورحمة الله!
ممكن تقروا كتاب حلو اسمه اتكلم عن الذاكرة وكيف نقويها وكيف زول عادي قدر يفوز في بطولة العالم للذاكرة.
Moon walking with Einstien
وفي يوتيوب في فيديوهات كتيرة بتشرح الكلام لو لسه ما وقعت. اتمنى انكم استفدتو والسلام عليكم ورحمة الله!
rattibha.com التغريدة هنا مرتبة وسهلة القرائة لمن يحب وممكن تنزلوها pdf وتشاركوها في قروبات الواتساب والجامعة ولكل من يمكن ان يستفيد!
لايك هنا لو فهمت life شبهتها بي شنو?
جاري تحميل الاقتراحات...