التسلسل الهرمي والقوة في غرف الملابس في برشلونة هو اللي بيتحكم في اساسية اللاعب من عدمها، منهم يستاهلوا المكانة ومنهم الحديث عن وجودهم في النادي ضحك اساسا
عشان واحد يفقد مكانته الاساسية لازم ييجي واحد من برا يكون قادر يفوقه درجة في مستواه الهرمي او يساويه عالاقل فـ نحكم بالمستوى

يعني راكيتيتش عشان يقعد جه بداله واحد يفوقه مرتبة و مستوى و هو دي يونج ، عشان بيكيه يقعد لازم نفس الشيئ ، البا بوسكيتس سواريز الخ ..
جريزمان جه مكان كوتينيو ، سواريز يقدر يلاقي مكان اساسي عادي لو نيمار كان جه مع جريزمان كنا ممكن نبدأ نتكلم في دكة سواريز

روبيرتو و سيميدو بيبدلوا في مركزهم، واحد موعود بالاساسية عشان ميخرجش في الصيف وواحد من كباتن الفريق، طيب عشان ميزعلوش؟ اي فرصة انهم يشاركو مع بعض هتحصل
اشترينا باك شمال بديل لألبا ، البا غايب ، البديهي مين يلعب ؟ بديله ، بس كدة روبيرتو بقاله فترة دكة وفوق فيربو في التسلسل الهرمي

يبقى روبيرتو و سيميدو يلعبوا مع بعض ، راكيتيتش ملوش مكان في الفريق ، بياخد دقايق لا هتفيده ولا هتفيدنا بحاجة ، فيه لاعب شاب اولى منه بيها ، بس الراجل قاعد دكة ولازم نراضيه ، يبقى كل ماتش نديله دقايق عادي

نادي الاصدقاء و المراضية و كل حاجة ماشية بالحب ، وظيفة المدرب انه يبسطهم و يخليهم ميشتكوش من حاجة ولا يكونو متضايقين نظير انهم يحافظوا على مكانه كمدرب للفريق ..
اساسية غير مستحقة : حاضر
اجازات كل شوية من التدريبات : حاضر
نقعد دكة او نتبدل او نريح في الوقت اللي احنا نحبه : حاضر