امتحانك بكرة وما قريييت؟ عندك تسليم الأسبوع الجاي عدييل؟ وما قادر تبدأ لحدي أسا والنقش ضاربك؟؟ ما عارف ليه بيحصل ليك كدا كل مرة؟ هل ممكن الحل يكون في طماطمة؟🍅 انت ما براك
ِ
#ثريد الليلة حيكون مهم جدا جدا لي أي واحد فيكم. وبتمنى كلكم تقروهو للنهاية وأوعدكم ما حتندموا بإذن الله.
ِ
#ثريد الليلة حيكون مهم جدا جدا لي أي واحد فيكم. وبتمنى كلكم تقروهو للنهاية وأوعدكم ما حتندموا بإذن الله.
لي أي زول بحاول ينجز حاجة او حتى يبدأ شي وما قادر.. حيكون ثريد طويل شوية لكن أوعدكم حتستفيدوا شديد لانه كلام مهم جدا جدا..
حأتكلم الليلة عن التأجيل أو التسويف (Procrastination)... ليه لما نكون مفروض نعمل حاجة مهمة شديد بنلقى روحنا بنتجنبها؟ البيحصل شنو والحلول ممكن تكون شنو؟
حأتكلم الليلة عن التأجيل أو التسويف (Procrastination)... ليه لما نكون مفروض نعمل حاجة مهمة شديد بنلقى روحنا بنتجنبها؟ البيحصل شنو والحلول ممكن تكون شنو؟
كلنا لمن يكون عندنا شي مهم مفروض نعمله (قراية-مشروع) في مخنا في قرد كدا بيقوم بيمسك الدركسون بتاعنا ويودينا نعمل شي تاني بدل "الشي المهم" وبنفضل على الحالة دي لغاية ما يكون فاضل يوم ولا يومين أو حتى كم ساعة من الامتحان او التسليم لحدي ما القرد دا يفك الدركسون ونقدروا نبدا...
طيب ليه بيطلع لينا القرد دا؟ البحصل انه لما يكون قدامنا مهمة غير مريحة او ممتعة كالقراية مثلا, مراكز الالم عندنا بتولع وبتنادي لينا القرد دا يسوقنا بعيد من المهمة البايخة دي ونقوم نمسك التلفون أو غيره عشان يجينا إحساس مؤقت بالراحة.. ولمن نهمل قرايتنا, المشكلة أنه الضمير ما بريحك!
التأجيل او ال(procrastination) دا عادة من العادات الكعبة العند أغلبنا. والعلماء بيقارنوه بي الإدمان في موضوع الrelief والإرتياح المؤقت البيوفرو لينا بعيد عن واقعنا الممل..
بخلينا نطلع بي أعذار سطحيا بنمنطقها في مخنا عشان ما نعمل الحاجة الشايلين همها دي.
بخلينا نطلع بي أعذار سطحيا بنمنطقها في مخنا عشان ما نعمل الحاجة الشايلين همها دي.
زي انك تقول ياخ الوقت لسه بدري, كان بديت أسا حانسى المعلومات قبل الإمتحان.. أو يقنعك انه فنيلة امبارح دي لو ما غسلتها اللحظة دي حتموت.. فالقرد طوالي بفحط بينا ونمشي نقرر فجأة انه عايزين نساعد ناس البيت.. أهم شي الحاجة دييييك لا عليكم الله!!
بعدين بنقنع روحنا انه العادة الكعبة دي حاجة فينا ما بنقدر نغيرها عشان كدا بنستسلم ليها..
شعور طبيعي انه ما يكون نفسنا نقرا او نعمل شي ممل.. لكن كيفية تعاملنا مع الشعور دا هو البيفرق فعلا..
فهل يا ترى في حل؟ وكيف ممكن نعالج المشكلة دي؟
شعور طبيعي انه ما يكون نفسنا نقرا او نعمل شي ممل.. لكن كيفية تعاملنا مع الشعور دا هو البيفرق فعلا..
فهل يا ترى في حل؟ وكيف ممكن نعالج المشكلة دي؟
أول شي لازم اوضح ليكم انو في عنصرين في معادلة المهمات الصعبة المفروض نعملها..
في حاجة إسمها المنهج (Process) وهي الزمن البيمشي اثناء ما أنا بعمل في الحاجة.
وحاجة اسمها المنتج (Product) وهو الحاجة العايز أنجزها زي القراية ولا المشروع ولا essay ولا أي شي.
في حاجة إسمها المنهج (Process) وهي الزمن البيمشي اثناء ما أنا بعمل في الحاجة.
وحاجة اسمها المنتج (Product) وهو الحاجة العايز أنجزها زي القراية ولا المشروع ولا essay ولا أي شي.
الفكرة انه احنا نركز في المنهج فقط. ونقسم المنتج لي مناهج نركز عليها ونغش بيها على مخنا عشان ما يطلع لينا القرد.. طيب كيف؟
يعني بدل ما أقول انا عايز أقرا الليلة خمسة شباتر (فصول) ودي حاجة مخيفة لمراكز الالم لانو ما عارفين ديل حيخلصو في كم؟
يعني بدل ما أقول انا عايز أقرا الليلة خمسة شباتر (فصول) ودي حاجة مخيفة لمراكز الالم لانو ما عارفين ديل حيخلصو في كم؟
حنقعد نقرا لي متين ووروروووك ونخاف والقرد يجي يسوق...
نقوم نقول احنا حنقرا لمدة 25 دقيقة بعدين حناخد بريك.. ونبدا نقرا ونركز في الوقت دا وناخد بعدين البريك.. الفكرة انه نخلي مخنا يستمتع بال(منهج) لانها 25 دقيقة بس وفي بعدها بريك والزمن بجري سريع..
نقوم نقول احنا حنقرا لمدة 25 دقيقة بعدين حناخد بريك.. ونبدا نقرا ونركز في الوقت دا وناخد بعدين البريك.. الفكرة انه نخلي مخنا يستمتع بال(منهج) لانها 25 دقيقة بس وفي بعدها بريك والزمن بجري سريع..
بعد البريك نعمل تاني 25 دقيقة وناخد بريك.. بنعمل في المهمة الصعبة ديك لكن.. لسبب ما الموضوع ماشي كويس. ليه؟؟ لانو تركيزنا ما على قدامنا كم صفحة ونخلص ولسه كم شابتر! لا تركيزنا انو نتم ال25 دقيقة بس..
ودا بيرجعنا لي موضوع الطماطماية..
ودا بيرجعنا لي موضوع الطماطماية..
في نهاية الثمانييات في إيطالي إسمه فرانشسكو سيريلي اخترع طريقة لإدارة الوقت اسمها (Pomodoro technique) بومودورو يعني طماطمة بالايطالي.. وفكرتها انه إستخدم المؤقت بتاع المطبخ وزبطو على 25 دقيقة وبدا شغل علي أي شي داير يركز فيهو.. قراية, واجب, شغل الخ..
في خلال الوقت دا تركز بي كل حواسك على المهمة القدامك وتخلي تلفونك بعييييد وتقعد في مكان هاديء المهم 25 دقيقة تديها حقها بالتمام والكمال ودي حاجة بسيطة لانو مخنا ما بيقدر يركز فترات طويلة لكن 25 دقيقة مقدور عليها جدا.
وبعدها تاخد بريك 5 دقايق اتمشى,فيو شوف تلفونك اعمل اي شي مريح..
وبعدها تاخد بريك 5 دقايق اتمشى,فيو شوف تلفونك اعمل اي شي مريح..
ونعمل الحاجة دي 4 مرات وناخد بريك طويل ساعة مثلا ناكل فيها نمشي الجيم تلعب قيم فيفا أي شي انت بتحبو ودي باعتبارها الجايزة بتاعتك.. مخك حيكون متكيف ومبسوط والقرد محبوس لانها 25 دقيقة بس يا صاحبي بسيطة..
لمن نركز على (المنهج) بدلا عن (المنتج) بندي روحنا فرصة انه ما نحكم على روحنا..
لمن نركز على (المنهج) بدلا عن (المنتج) بندي روحنا فرصة انه ما نحكم على روحنا..
يا ربي باقي لي كتير؟ المادة دي ليه طويلة كدا ياخي؟ والتعذيب الذهني البخوفنا كلو مافي. 25 دقيقة يا معلم!
طيب لمن نسرح (واكيد حنسرح) نعمل شنو؟ خلو جمبكم ورقة فاضية أكتبو فيها السرحةدي. مثلا جاتكم خارجية يا ربي روبرتو كارلوس طوله كم؟بدل ما تبقى خفيف وتوش تمشي تفتش. اكتبها في الورقة
طيب لمن نسرح (واكيد حنسرح) نعمل شنو؟ خلو جمبكم ورقة فاضية أكتبو فيها السرحةدي. مثلا جاتكم خارجية يا ربي روبرتو كارلوس طوله كم؟بدل ما تبقى خفيف وتوش تمشي تفتش. اكتبها في الورقة
وفي البريك اعمل الخارجيات الجاتك كلها لانو لو ماكتبتها حتفضل سارحة بيك.. لمن تكتبها ومخك عارفك حتشوفها بعدين بسكت منك.. وحاولو تقللوا الإلهائات!! في برامج للكمبيوتر بتوقفك من انك تتصفح النت وقت الشغل ونفس الشي للموبايل (في حالة بتقرا منهم).
مع الوقت العب في الزمن يعني اقرا 45 دقيقة وريح ربع ساعة.. 50 دقيقة وريح 20 دقيقة لحدي ما تلقى زمن مناسب معاك ما بتزهج فيو وبتنجز فيو اكتر شغل..
ومع الوقت بكون هدفك مثلا الليلة تعمل اربعة دورات Pomodoro قبل ما تنوم وكدا نسينا اصلا الحاجة البتخوفنا من البداية وبتخلينا نماطل..
ومع الوقت بكون هدفك مثلا الليلة تعمل اربعة دورات Pomodoro قبل ما تنوم وكدا نسينا اصلا الحاجة البتخوفنا من البداية وبتخلينا نماطل..
مراكز الالم ساكتة والقرد اتقاعد خلاص..
الدورة بتاعت Pomdodor بتكون 4 قعدات بتاعت 25 دقيقة و5 دقايق بريك..
في نهاية الدورة حتاخدو بريك طويل وبعدين ممكن تبدوا تاني.. انا جربت الحاجة دي واتغيرت حياتي بالكامل والله وبقيت بنجز حاجات كتييرة كنت مؤجلها.
اسا الثريد دا عملتو في جلستين..
الدورة بتاعت Pomdodor بتكون 4 قعدات بتاعت 25 دقيقة و5 دقايق بريك..
في نهاية الدورة حتاخدو بريك طويل وبعدين ممكن تبدوا تاني.. انا جربت الحاجة دي واتغيرت حياتي بالكامل والله وبقيت بنجز حاجات كتييرة كنت مؤجلها.
اسا الثريد دا عملتو في جلستين..
عارف انه الثريد طويل لكن بدل ما اديكم الحل واسكت لما تفهموا القصة كلها الموضوع بيرسخ اكتر وبتمى التوفيق لي كل زول ممتحن او مزنوق في مشروع..
You Can Do It!!
والسلام عليكم ورحمة الله وبركاته..
You Can Do It!!
والسلام عليكم ورحمة الله وبركاته..
@Rattibha رتب
rattibha.com
هنا بتلقو الثريد مرتب بي طريقة ساهلة تتقري وممكن تشاركوهو مع اي زول!!😘💜
هنا بتلقو الثريد مرتب بي طريقة ساهلة تتقري وممكن تشاركوهو مع اي زول!!😘💜
@BkreyReem ان شاء الله
جاري تحميل الاقتراحات...