رتبها

د ايمّن القطَّان

11 تغريدة 33 قراءة Feb 18, 2020

#معلومه_فلسطينيه اليوم حاحكي عن سفربرلك و هادا الموضوع يخصني لانه كان له تأثير على حياة ستي ام سليم الكلحه و اختها ام موسى عواد اللي انولدوا ببيت يافاوي اصيل و يا عليها يافا لوالدين من يافا. الأب كان يكدح و يتعب طول يومه حتى جاء اعلان سفربرلك المشؤوم. بدّي اياكم تنظروا لإعلان ??

اللي شايفينه و اصدر من الدوله العثمانيه العليا و كان هذا في عام ١٩١٤م يوم بداية الحرب العالميه الاولى اللي خلالها العثملي عملي حالوا نمر و تحالف مع الألمان في حربهم على الإنكليز الفرنسيين و الروس. كان الإعلان عباره عن نفير عام انه كل الرجال من عمر ١٥-٤٥ عاما لازم يحضروا حالهم

حالهم للجهاد و الدفاع عن الاسلام. كان العثملي بهديك الفتره يروح على القرى و المدن و يلم كل الشباب اَي واحد قادر يحمل سلاح لموه. طبعا هذا غير أخذهم مؤونة الناس من الغلال و الماشيه. يعني مش بس ما رحموا و كمان ما خلو رحمة ربنا تنزل. الحاصله لموا الشباب من فلسطين للشام للعراق و كمان

المدينه المنورة. في شباب خافو ستي ام سليم كانت تحكيلنا انه في رجال قطعوا أيديهم و ارجلهم و في ناس عمو عيونهم عشان ما يروحوا بس على مين يابا، العثملي عرف و صار يلمهم اعمى اطرش اعرج طالما فيك روح انت رايح تدافع عن الخلافه و هاي بدها الله اكبر بس على الظالم. طبعا وين بعتوا شمعاتنا

ودوهم الله لا يباركلهم للقفقاس. استخدموا يومها سكة الحديد اللي بنوها يعني حجه بحاجه. الشباب راحوا يحاربوا الروس و يا حبة عيني. طبعا بدك تودي جنود لازم مأكل ملبس سلاح حبايبنا العثمليين ما اعطوهم المؤونة اللازمه. فشمعاتنا كان باختصار مشاريع انتحاريين و يا وجع قلبي على شبابنا

اللي يا ماتوا من جوع او عطش او انقتلوا و لم يكن لديهم القدره ان يدافعوا عن انفسهم. تخيل لما خلال تلات اشهر معظم رجال المنطقه يختفوا و اللي اختفى معظمه ما رجع شو تاثير هذا على اقتصاد المنطقه او العيل. ستي و اختها آتيتموهن من عمر صغير بس الله لطف فيهم. و كان من احد نتائج سياسة

العثملي اللي يومتها كان محكوم بسياسة الاتحاد و الترقي تحت صعود نجم مصطفى اتاتورك ظهور النزعة القوميه اللي تبناها الشريف حسين رحمه الله و انطلاق الثوره العربيه لمواجهة الأتراك و سياساتهم الاستعلائيه المقيتة. @LinaJululian @live4ever23 @Baaaabbaaa @salah5wq @EHadaddin @AssiOroq