بالنسبة لموضوع النصب في شراء اي وحدة عقارية وبما ان ده مجال عملي فيه خطوات واجراءات محددة لازم يتم اتباعها عند التعاقد علي اي وحدة عقارية ده بهدف الامان وعدم الوقوع فريسة لعمليات النصب هكتبهم في تويتات يمكن اكون سبب لحفظ حقوق وفلوس حد كان ممكن يكون فريسة لعمليات النصب
1_ لازم المشتري يتاكد من وجود وصحة رخصة البناء للعقار اللي هيشتري فيه الشقة او المحل واللي بيكون فيها رقم وتاريخ الرخصة وبيانات صاحب الترخيص
2_ لو ملكية العقار او الارض او الفيلا او مهما كان اللي هتشتريه اتسلمت من مالك للتاني يجب عليك ان تطلب من المالك الاخير كل العقود المسجلة المتسلسلة حتي الوصول لعقد المالك الاول للعقار
3_ لما توصل لبند كتابة عقد العقار لازم يتكتب اسم البائع والمشتري كامل بالاضافة الي رقم البطاقة والعنوان بالكامل ولازم كل طرف من الاتنين ياخد صورة بطاقة الطرف التاني من ضمن نسخة عقده
4_ لازم العقد يكون موضح بشكل تفصيلي وصف العقار من حيث المساحة والموقع و الدور لو كانت شقة ووصف تفصيلي لتقسيم الشقة من الداخل
5_ لازم يوضع في العقد بيان واضح لسعر الوحدة وكيفية دفعها لو كاش او علي دفعات
6_ يفضل انك متشتريش وحدة لسه ع الورق مش علي ارض الواقع ولو حصل وهتشتري وحدة ميعاد تسليمها بعد كتابة العقد لازم تهتم بوضع تاريخ محدد للتسليم في العقد وتتمسك بشرط الاخلال باتمام التعاقد في التاريخ المحدد عشان تضمن حقك وعدم التلاعب بيك
7_ لازم يتكتب بند يلزم البائع بالمسؤولية في حالة ظهور عيب مادي او قانوني في العقار المباع بعد البيع
8_ بعد اتمام الكشف عن صحة المستندات والملكية واتمام التعاقد تاتي خطوة التسجيل بالشهر العقاري ودي اهم خطوة لاتمام التعاقد
اجراءات التعاقد علي اي عقار سهلة وبسيطة من بداية الاستفسار عن صحة ملكية العقار اللي هتشتريه حتي اتمام التعاقد وتسجيل الوحدة باسم مالكها الجديد كل ده هيكلفك شوية مجهود بسيط والحقيقة يستاهل ماهو عيب عليك لما يكون الطريق واضح وتكسل تمشيه او حتي تسال غيرك تمشيه ازاي.
اهم حاجة تبقوا مصحصحين لنفسكم والحكاية مش محتاجة شطارة هي محتاجة حد يبقي فاهم هيعمل ايه ولو مش فاهم مش عيب انه يسال عشان ميتغفلش ✋?
وتكملة برضوا لموضوع الخطوات اللى لازم يتم اتباعها عند التعاقد فيه حاجة مهمة تانية ناس كتير مبتلتفتش ليها قبل التعاقد وقبل قرار الشراء من عدمه وهى الاستشارة!
استشارة مختص فى مجال العقارات بتوفر عليك مجهود كبير وحاجات كتير ممكن متكونش واخد بالك منها مثلا هتعرف ازاى ان الرقم المطلوب فى الوحدة مناسب للمنطقة اللى بتشترى فيها او لا؟
ولو حضرتك واخد العقار بغرض استثمارى هتعرف من فين مفروض تعمل ايه وتنتظر قد ايه عشان تعمل اعادة بيع للعقار؟
ولو حضرتك واخد العقار بغرض استثمارى هتعرف من فين مفروض تعمل ايه وتنتظر قد ايه عشان تعمل اعادة بيع للعقار؟
لو كل واحد قبل الدخول على اتمام Deal توجه لحد يستشيره ويكون متخصص فى مجال ال real estate وطلب منه رؤيته الشاملة للفكرة من حيث المبدأ اكيد هيكون افضل ليه من انه يدخل على خطوة هو فى الغالب ميعرفش عنها حاجة وهنا دور المستشار العقارى هيفيدك ويوضحلك ابعاد تانية مكنتش واخد بالك منها
مشكلتنا فى اغلب المنطقة العربية هو عشوائية التسعير للوحدات العقارية وعشوائية قرار الشراء او البيع وده لان اغلب الاسواق العقارية ملهاش ميزان يتم الاستناد اليه فى اى قرار وناس كتير غير مختصة دخلت المجال بالفهلوة فقط لا غير
فى النهاية نصيحة لوجه الله عشان محدش يندم ويتكدر بسبب نصب عليه او اخلال ببند من بنود العقد او اكتشاف عدم جدوى اقتصادية من العقار اللى اشتراه بلاش العشوائية فى القرار من البداية اغلب الناس بيكونوا دافعين شقى العمر فى العقار اللى بيشتروه وربنا يوفق الجميع ?
جاري تحميل الاقتراحات...