سيدنا الخضر اول مره سمعت عنه كان في جبل الحسين على حيط جارنا عمي ابو جورج سالته الله يرحمه مين هاد قال لي انه بطل و قديس. أعجبت كتير بجمال الصوره خاصه انه كنت صغير و تنين بطل و كمان فلسطيني عجبتني كتير القصه. سالت والدي ابو ايمن عن قصته و هي كالتالي اسمعوا معي هادا البطل انولد
لرجل روماني كان متزوج سيده لداويه و خلفوا هذا البطل والده توفى و هو صغير و اللي رباه أمه اللداويه (ما تحكو عني لداوي متحيز بليز ?) على كلن هاي العيله كانت مسيحيه و انتماءهم للسيد المسيح و ربنا. على عمر ١٧ سنه هذا الفلسطيني دخل الجيش و زادت صلاحياته حتى اصبح قائد يشد به الظهر.
و عرف عنه انه بحب يساعد الضعفاء و الكل كان يحبه (يا عمي لداوي بنحب) الاسطوره تقول انه في كان تنين هادا اخينا كان يروع الناس فعشان بسكتوه كانوا يبعتوا كل يوم خروف حتى يأكله و يسكت. الناس بطل عندهم خرفان فبعتوله أميره جميله حتى يأكلها اخينا و يسكت. مين عرف بالموضوع البطل مار جرجس
و الله ما كذب خبر اخينا راح و قتل التنين و انقذ الاميره اللي اتجوزته. شوف الجمال. اللدادوه رجال و اخر شي بحكولي ليش بحبهم ??. اتزكروا انه التنين يمثل محور الشر بام عينه و بطلنا مار جرجس بمثل الخير و الاميره تمثل الشعب و حقوقهم و كيف كانت حتستباح لو ما كان هذا البطل هو المنقذ
الحاصله كان بطلنا الهمام المغوار تحت إمرة اللي ما يتسماش الإمبراطور ديقدليانوس. هذا الواطي ما كان بحب شي اسمه مسيحيين و كان أعدادهم بتزايد. حكى لمار جرجس يا بكفر بالمسيحية و يسوم اهله سوء العذاب او حيقتله. احزروا شو عمل هذا البطل رضى بالحكم و قتله الواطي و قطع رأسه. بطلنا دفن في
في اللد و اعتبر الشهيد الأكبر و بني على قصصه الكثير من الأساطير اللي خلدته في الكنائس الشرقية و الغربيه على حد سواء. و هو بطل شعبي. بني في نهاية القرن التاسع عشر ابان الحكم العثملي كنيسه على قبره تتبع طائفة الارثودكسيه و بجانبه بني مسجد. شوف الرابط قبر البطل اللي فنى حياته ليدافع
عن المظلومين شوف تفاصيل الكنيسه من الداخل تعطيك راحه والدي يحكيلي ان ستي ام عطيه كانت لما تندر ندر تروح للكنيسه و تتبرع فيها هناك و كان هذا عاده لأهل فلسطين من المسيحيين و المسلمين على حد سواء و تزكره انه تاريخنا بجمعنا و لا يفرقنا. دايما لازم نزكر بعض احنا اهل و دم واحد
هاي قصة جميله بالغرب بتغنوا فيها. و هادا ابنا و من دمنا احنا اولى فيه مو غيرنا و هذا دافع الثريد. بدّي اشكر من قلبي كل واحد و واحده شرفوني بالمرور تاريخنا جميل و انا استمتع بقصه على من احب يعني إنتوا سلمتوا بحبكم على الصبح @riad_ghanma @akzureikat @LinaJululian @live4ever23
@Rattibha ممكن ترتبوها اشكركم
جاري تحميل الاقتراحات...