عجبتنى جدا.....👌👌👇
زي النهاردة من سنة...
كنت قررت اني ادخل جامعة في السعودية ومقدمش في تنسيق مصر، وربنا شاء اني متقبلش في الجامعة وان كان يمكن اقعد سنة في البيت وتضيع سنة من عمري
الفترة اللي قعدتها دي كانت هي اللي غيرت حياتي كلها، اتعلمت البرمجة الويب من البيت (تعليم ذاتي)

، والجامعة اللي رفضتني.. طلبتني عشان اقدم فيها دورة html ولما الحمدلله حققت نجاح طلبو اقدم دورة كمان جافاسكربت ونزلو صوري في موقع الجامعة.. وينتهي الموضوع انهم يقبلوني الفصل الدراسي التاني بفضل الله سبحانه وتعالى
فبدل ما كنت هبقا طالب جامعي عايز يخش هندسة زي نص الشعب لو مش الشعب

كلو�.. بقيت الحمدلله مبرمج مبتدئ ومقدم دورات وطالب في نفس الوقت كلية علوم حاسب..
من الصفر وكنت اخد قوالب جاهزة واعدل عليها وبعدها قوالب اجنبية واعربها.. لحد ما وقفت ع رجلي

وبدأت الحمدلله اصمم المواقع بنفسي من اولها لأخرها.. وبعدها اتعلمت لغة برمجة عشان اوفر لوحات ادارية ويبقا الموقع ديناميك مش ستاتيك واربط بيها الداتابيز.. الخ
وفي خلال السنة دي، كنت اتعلمت html, css, php, sql, bootstrap, والجافاسكربت ع خفيف

نصيحة مني دايما خليك واثق في ربنا، انو شايلك الأفضل والأحسن.. واجتهد وخد بالأسباب واتوكل على الله
واوعى مهما ضاقت بيك الدنيا.. انك تقنط من رحمة الله عز وجل
واعرف انك لو بتتمنى شئ وبتتعب عشان توصلو، ف ربنا هيوصلك ليه بس بالطريقة المناسبة والوقت المناسب