إزاي نتعامل مع التراكمات و الضغوطات النفسية .. ؟
شوف الـ Thread ...
شوف الـ Thread ...
- أحياناً بيجي علينا و يحصلنا موقف يستفزنا ، و نلاقي رد فعلنا كان أعنف من اللي الموقف ده يستحقه ، العامل الأساسي في رد الفعل ده هو التراكمات اللي جوانا نتيجة مشاكل و أزمات سابقة ، التراكمات دي اللي بتخلينا كل يوم في صراع عشان نقدر نكون متوازنين نفسياً بالرغم من كل اللي حوالينا
- التراكمات دي عبارة عن بركان خامل من المشاعر و الأفكار السلبية ، بتتكون جوانا مع مرور الزمن بسبب عدم تعاملنا معاها ، فـ بتبقي حية جوانا ، لحد ما يحصل سبب معين يستفزها ، فيثور البركان اللي جواك
- و من أبرز أسباب وجود التراكمات دي جوانا هي فترة الطفولة ، لأن الطفولة عبارة عن أرض خصبة لأي فعل ، و بالتالي نتيجة المشاكل و طريقة التعامل الغلط من الأهل مع ولادهم بيسببلهم مشاكل و أزمات نفسية بتظهر مع مرور الوقت
- من أهم أسباب التراكمات و الضغط العصبي ، هي الكتمان و كبت المشاعر ، و دي للأسف ثقافة غلط في الوطن العربي إتربينا عليها ، إتعلمنا ان عيب الراجل يعيط ! و إنك لازم تبان قوي حتي لو كانت القوة دي مجرد تمثيل ، الطبيعي بعد ده كله يظهر التراكمات الكبيرة اللي جوانا في سننا الصغير
- الأسوء إن التراكمات دي بتدور في حلقة مفرغة مش بتخلص ، فتلاقي ناس كتير بتطلع التراكمات اللي جواها دي و تأذي بيها ناس تانية ، فيتكون عندهم تراكمات يطلعوها علي ناس غيرهم ، المشكلة انهم بيفرغوا اللي جواهم من غير ما يعرفوا إنهم بيأذوا غيرهم
- الناس نوعين في تحملهم للضغط العصبي :
—
١- بيتحمل الضغط العصبي و تتراكم جواه المشاعر السلبية علي هيئة مشاكل نفسية زي العصبية
٢- مبيقدرش يتحمل الضغط و تتراكم المشاعر جواه و تظهر علي هيئة مرض عضوي ، تشنجات ، إغماءات ..
—
١- بيتحمل الضغط العصبي و تتراكم جواه المشاعر السلبية علي هيئة مشاكل نفسية زي العصبية
٢- مبيقدرش يتحمل الضغط و تتراكم المشاعر جواه و تظهر علي هيئة مرض عضوي ، تشنجات ، إغماءات ..
- ردود الفعل المبالغ فيها الناتجة عن التراكمات هي بتحصل بسبب إن عقلك الباطن هو اللي بيتحكم فيك ، بمعني إن لما يحصل موقف يستفز التراكمات اللي جواك بتظهر علي رد فعل مبالغ عن الموقف اللي تستحقه ، هنا عقلك الباطن هو اللي بياخد رد الفعل ده بدون ما تكون واعي له
- الحقيقة إن أغلب الناس بتهرب من مواجهة الضغط اللي جواها ، و بتختلف من شخص للتاني ، منهم اللي بيهرب بالنوم و منهم اللي بيهرب بالأكل و منهم اللي بالموسيقي أو القراءة ، لكنها في الأخر كلها وسائل للهروب مش بتعمل حاجة غير إنها بتريحك لحظياً ، لكنها بتزود التراكمات علي المدي البعيد
- إزاي نتعامل مع الضغط ؟
——
١- لو كان الضغط اللي جواك بسبب إنك بتكتم مشاعرك ، فاتعلم تعبر عنها و تخرجها ، احتضن مشاعرك و فكك من جو القوة المزيفة ، التعبير عن مشاعرك طريقة صحية جداً
—
الفيديو في السويد كل يوم بليل الناس بتطلع تصرخ عشان تخرج الضغط اللي جواها
——
١- لو كان الضغط اللي جواك بسبب إنك بتكتم مشاعرك ، فاتعلم تعبر عنها و تخرجها ، احتضن مشاعرك و فكك من جو القوة المزيفة ، التعبير عن مشاعرك طريقة صحية جداً
—
الفيديو في السويد كل يوم بليل الناس بتطلع تصرخ عشان تخرج الضغط اللي جواها
٢- حاول تعرف سبب المشاكل اللي مسببالك الضغط ده ، لأن الضغوطات زي ما قولنا هي نتيجة مشاكل اتسابت بدون حل ، عموماً إنك تعرف سبب المشكلة هو ٨٠٪ من الحل ، لأن أغلب الناس مش قادرة تحدد سبب مشاكلها ، فالحل ده هياخد منك وقت و مجهود ذهني
٣- حاول تلعب رياضة ، الرياضة و المجهود البدني من أفضل الطرق اللي بتخرج المشاعر السلبية و الكبت اللي جواك ، بسبب إن النشاط الرياضي بيساعد علي إفراز هرمون الدوبامين الخاص بالسعادة
٤- الصلاة ، تجارب كتير إتعملت عن تأثير الصلاة علي مخ الإنسان و إثبتت إنها بتغير نشاط الدماغ و تساعد علي صفاء الذهن و راحة البال ، عشان كدا هتقدر تفهم قول الرسول ﷺ [ أرِحنا بها يا بلال ] ، فالصلاة علاج لمشاكل الحياة
٥- يكون عندك الوعي اللازم إنك تقدر تتحكم في رد فعلك اللي هتسببه الضغوطات ، عشان علي الأقل متأذيش غيرك نتيجة أفعالك اللي بتولد عندهم ضغوطات بدون ما تحس بده ، حاول تدرب عقلك الباطن علي إنك تسيطر علي نفسك
- الصراع الحقيقي اللي بنواجهه كل يوم حالياً ان الواحد يستميت للدفاع عن توازنه النفسي .. فـ انك تكون متزن نفسياً الأيام دي ده في حد ذاته انجاز عظيم في عالم غير سوي
- متنساش تعمل لايك لـ بيدج الفيسبوك : facebook.com
- لو عندك أي Feedback إبعته هنا : curiouscat.me
- - - -
⭕️ تقييمك للـ Thread ؟ ⭕️
- لو عندك أي Feedback إبعته هنا : curiouscat.me
- - - -
⭕️ تقييمك للـ Thread ؟ ⭕️
جاري تحميل الاقتراحات...