هل تعرف الحلم الميت الموجود بالخزانه؟
انا عندي حلم ميت بالخزانه لمّا جيت ارتب بعض الاغراض القديمه وانظف الغبار لقيت حلمي الميت ، حلم مات قبل مايطلع للدنيا
حلم جميل كنت يومياً افكر فيه واتخيله بسعاده وشغوفه اني اوصل له
سنه ورا سنه والحلم يكبر معاي واجتهدت وواثقه بنفسي اني بوصل له وكل كل اللي حولي اكلمهم عنه اني بوصل له لدرجه صارو ينادوني بحلمي
واثقه اني بقدر اوصل له وبحققه افكر واتخيل واتكلم عنه وصارو الناس يزهقون مني من كثر الكلام عنه
سنوات وانا احفز نفسي بنفسي واجتهد واسهر وتعبت ومريت بأصعب واسوأ الاوقات في حياتي ((نفسياً))وجسدياً عشان اوصل له
ولما انضغط كنت اتخيل اني وصلت للنهايه وكيف بتكون مشاعري وقتهاا وحياتي كيف بتكون باللروعه اللي في بالي
مرو اشخاص بحياتي ساعدوني ودعموني بألطف الكلمات والافعال ممكن كانو يشوفونها كلام بسيط بس كان يعطيني دافع اكبر اجتهد ناس روحهم خفيفه كلماتهم جميله ماراح انساهم
الضغط اللي مريت فيه دخلني في دوامه اثرت علي جسدياً ونزل وزني بشكل كبير وصحتي صارت سيئه ما اتغذى ماقدر اتوازن و اثر على نفسيتي مافي اي تفاعل مع اللي حولي ماشوف اي شغف او سبب يخليني اضحك يتكلمون وما افهم عليهم والتركيز منعدم عندي
سهرت ايام ما اكل ما انام ما اشوف بشر و صباح وليل اركض لحلمي كنت محددته هدف حياتي ولازم اوصل له مهما يصير ولو على حساب صحتي
حلمي اللي كنت البسه دايم لسنوات واتجول فيه واتمنى اوصل له
ابي اصير دكتوره !! عشت سنوات حياتي عشان احققه ! اعشق كل شي متعلق بالطب والصحه والمستشفى و انك تنقذين حياة انسان وروعه شعوور الفخر الكبير بهالمكانه العاليه
وجا يوم قبول الجامعات والكل متحمس وصارت صدمه حياتي ومانقبلت بتخصص اللي اجهدت سنيني عشانه? كانت صدمه قويهه علي تركت ندبه فيني للان
نزلت الدفعه الثانيه والثالثه للقبول وللحين انتظر ومتأمل ان اسمي يكون موجود? ومالقيته ومات اخر خيط من حلمي
اكتئبت تحطمت وتأزمت بعد ماكنت فرحانه وواثقه اني بوصل ، اللي حولي واهلي اللي ماينادوني الا الدكتوره ويعرفون ايش كان الطب بالنسبه لي توقعو اني انهار بس تماسكت وبقوهه وما بان علي
ماكان احد يحس باللي كنت امر فيه داخلياً تكسرت من داخل وحزنت من شدة حبي لحلمي كنت اتظاهر بالقوه والصلابه واني متقبله اللي صار وانا ابكي داخلي ومهمومه
طبعاً ولله الحمد انقبلت بكليه غير ولكن الشغف والطموح عندي صفر داومت بدون نفس بدون حماس بدون اي دافع ماكنت اعرف عن الكليه شي ولا ابغى اعرف
صرت اداوم بس شكلياً وتلاشى شغفي للدراسه لأن ببساطه هدفي وحلمي اختفو
الحين تعافيت بشكل كبير من الصدمه ولكن للحين في اثار فيني اذا تذكرت الماضي والاوضاع المريعه اللي مريت فيها عشان اوصل يجيني حزن حزن شديد
اليوم فتحت الخزانه ولقيت اللاب كوت(البالطو)اللي شريته بكل عنايه وانتقاء من اول ثانوي عشاني مخططه اني بلبسه لما اتخصص بالجامعه،دايم البسه بنص يومي وأتأمل نفسي بالمرايا وابتسم ، واتخيل كيف بدخل طب واتخرج وبكون طبيبه في المستقبل وكيف حياتي بتكون رهيبه ومثاليه?
بعدكل هذا الخيره فيمااختاره الله ولله الحمد الان مقتنعه باللي اختاره لي ربي واشكره واحمده على هالنعمه❤️بعدكل هذا حابه اقول مو اذا اجتهدتي ووصلتي اقصى تعبك عشان توصلين لشي وماقدرتي لاتستسلمين كامل من الحياةاستمري واعرفي ان الله ما ابعد عنك هذا الشي الا بحكمه?
جاري تحميل الاقتراحات...