المستشفيات السودانيه :
ثريد ..
ثريد ..
"١" البيئة
اسوء بيئة ممكن تتعالج فيها هي عندنا في السودان سوى كان على مستوى العنابر او كان على مستوى الثييتر " غرفه العمليات" وأكبر دليل على الحاجه دي شوف اي زول قريبك عمل عمليه نسبة انه يكون حصل ليو التهاب بعد العمليه بتتراوح ما بين ٧٠ لي ٨٥٪ وباختصار الالتهاب سببه " و س خ "
اسوء بيئة ممكن تتعالج فيها هي عندنا في السودان سوى كان على مستوى العنابر او كان على مستوى الثييتر " غرفه العمليات" وأكبر دليل على الحاجه دي شوف اي زول قريبك عمل عمليه نسبة انه يكون حصل ليو التهاب بعد العمليه بتتراوح ما بين ٧٠ لي ٨٥٪ وباختصار الالتهاب سببه " و س خ "
اي عديل كده سوى كان التيم العمل العمليه او مكان العمليه زاتو ما مهيأ وغالباً السببين ، بالنسبه لي التيم العمل العمليه لانه اغلب الملابس الببتعمل بيها العمليات بتتغسل في المستشفى نفسه والغسيل براو ما كفايه لازم يكون في تعقيم والحاجة دي عندنا ماشه بالنيه والله لانه مافي تعقيم
ولا شتين ، بالنسبه لي مكان العمليه نفسه مافي احترام لي انه الحته دي ح يتفتح فيها جسم بني ادم عادي جوه غرفة العمليات تلقى ليك كديسه حايمه بي اولادها ، البحيّرك في الموضوع ده انه الدكاتره نفسهم يجو يقرونا سوى اكان ونحن جوه العمليه او في المحاضرات في الجامعه بحسسوك انه
غرفه العمليات دي زي المكان المقدّس بس هم نفسهم ما بطبقوا الحاجة دي ومع الزمن حتى لو انت عارف انه الحاجه دي غلط بتلقى نفسك غرقان مع الغرقانين وبتمارس الغلط ولا حتى كانه غلط وح ترجع تعلّم الاصغر منك بي نفس الطريقه دي ..
٢" اقتصاديه :
كمية القروش الداخله المستشفيات دي كفيله بي انها تخلي المستشفى فندق ٥ نجوم والله والقروش دي بتحصّلو عليها بي عدة طرق :
-عندك اول حاجة الجبايات المفروضه على الناس البتجي تزور العيّان بتدفعها في باب المستشفى ودي بتتراوح ما بين ال ١٠ج الى ٢٠ ج
كمية القروش الداخله المستشفيات دي كفيله بي انها تخلي المستشفى فندق ٥ نجوم والله والقروش دي بتحصّلو عليها بي عدة طرق :
-عندك اول حاجة الجبايات المفروضه على الناس البتجي تزور العيّان بتدفعها في باب المستشفى ودي بتتراوح ما بين ال ١٠ج الى ٢٠ ج
-العنابر والغرف الخاصه الفعلياً سعرها اغلى من اسعار الفنادق وانا بعرف مستشفى حكومي في السودان ، عنده الغرفه مقسمه لي تلاته اقسام : عنابر عاديه بي ١٧٠٠ج ، عنابر خاصه بي ٣٧٠٠ج ، عنابر vip ما متأكد من سعرها لكن حاجة درعه كان وين المنطق في انه اقعد لي في غرفه في مستشفى حكومي بي
٥٠ دولار او اكتر في حين انه الخدمه المقدمه لي اقسسسم بالله دولار ما بتساوي تحنّس الممرضين عشان يجو يشتغلو شغلهم لي المريض بتاعك والدكاتره بجو في مواعيد ما مواعيدهم واحتمال ما يجو من الاساس ..
-الفحوصات والعلاجات : تقريباً سعرها اقل شويه من المعامل الخارجيه والصيدليات الخارجيه لكن برضو ما السعر الممكن اي مواطن يقدر يتوفق ويجيب قروشها ..
-العمليات : طبعاً دي أكتر حاجه ماكلين فيها الشعب العمليه الممكن تعملها في السودان هنا بي عفنه وقرفه ووسخه والما ح تطلع منها سليم لو طقيت راسك بي السما ، لانه زي ما قلنا نسبة إنه يجيك التهاب بعد العمليه عاليه شديد ، والحاجة دي مقرفة شديد والله لما تعرف انه الالتهاب سببه فعلياً
عدم اهتمام ومع ذلك اسعار عملياتنا في السما ليه وعشان شنو وانا احتمال اموت ما بي سبب العمليه بي سبب عدم الاهتمام ده ..
كسره صغيره :
طبعاً كلكم عارفين اذا ما كان عندك حق العمليه او حق العلاج تموت عادي ما مشكلة
طبعاً كلكم عارفين اذا ما كان عندك حق العمليه او حق العلاج تموت عادي ما مشكلة
"٣" العاملين :طبعاً ديل اسوء ناس في الحياة سوى كان : دكاتره ، الصيادله ، فنيي المختبر ، الممرضين ، العاملين المسؤلين من النضافه ومن الأبواب
ياخي في البدايه داير اقوليك حاجة شغل انت ما قادر تنجزو صاح ما تخشو شغل ما مغطي احتياجك المادي ما تخشو
ياخي في البدايه داير اقوليك حاجة شغل انت ما قادر تنجزو صاح ما تخشو شغل ما مغطي احتياجك المادي ما تخشو
" ما تقول لي الطب والحاجات دي مهنه انسانيه ، الطب مهنه انسانيه واي حاجة لكن ما بيعني انك تلعب بي ارواح الناس ولا بيعني انك تكون زي النحله من مستشفى لي مستشفى "
اي كلّنا عارفين انه اضعف مرتبات بتاعت دكاتره او موظفين بي صوره عامه هي في السودان لكن ده ما بيديك الصلاحيه انك تتقاعس في شغلك - زي ما قلنا فوق ما مغطي احتياجك ما تشتغلو - لكن اوريكم انتو مشكلتكم الاساسيه
ما انه ما مهتمين او كده مشكلتكم انكم شايفين الغلط قدامكم وبتعلموا فيو وساكتين عليو + طبعاً في زول اسنه المدير الطبي ده اخرا شخصية في المستشفى وما شغال بي الناس دي كلها في كم مدير طبي داخلين في قضايا فساد وطبعاً ده زول قاعد طرطور ساي ما منه اي فايده ،
لو هدّدت طبيب او ممرض انه ح تشتكيو لي المدير الطبي بتلقى الممرض او الطبيب بوصّف ليك في مكان مكتب المدير الطبي لانه واثق انه زول عولاق وطرطور ما منه اي فايده ..
٤" التنظيم :
فعلياً رياض الاطفال منظمه اكتر من الحاجة المسمنّها مستشفى دي ما هو ما ممكن في كل طابق في مكتب بتاع تمريض مسؤول بس من الطابق ده وما عنده اي شغله بي اي طابق تاني ولا اي مريض في اي محل غير الطابق الهم فيو ده
فعلياً رياض الاطفال منظمه اكتر من الحاجة المسمنّها مستشفى دي ما هو ما ممكن في كل طابق في مكتب بتاع تمريض مسؤول بس من الطابق ده وما عنده اي شغله بي اي طابق تاني ولا اي مريض في اي محل غير الطابق الهم فيو ده
وتكون انت المرافق بتاع المريض البتمشي تنبُّهم لي مواعيد العلاجات واوقات النضافه حقت جرح العمليه لو العيان كان عندو عمليه ، انتو بهايم ولا ناس عندكم فايلات مكتوب فيها كل حاجة بتخص العيّان وبي صوره مفصّله كمان لكن الفايلات دي بفتحوها "لا لا لا "
طيب انتو شغلكم شنو والله شغلنا نجي نتونس ونقطع في التيم الشغال معانا دكتور فلان مجكس دكتوره فلانه ودكتوره فلانه خطبها فلان ويا هنايه وشك بقى مبالغه عديل عملتي ليو شنو ؟! هي ما كلمتك عملت كريم اسمه ما عارف شنو !!!! انتو بهايم ما هو لو انتو بهايم كلمونا عشان نعذركم
لا وفوق كده لو جيت اتكلّمت معاها عشان تنبها بي انه مواعيد الجرعه او الغيار حات تلقاها بتاعين ليك من فوق لي تحت شويه كده وبتقوليك قبل ما تتكلم مع اله العلاج مفروض تاخد موعد !!!!!!
حتى التنظيم بالنسبة لي الدكاتره زي الزفت ، يعني مثلاً عيّان مفروض تتعلم ليو عمليه في يوم محدد - طبعاً قروش العمليه ما بتشمل اي حاجة غير العمليه نفسها اي فحوصات مطلوبه حقها براو - اذا في اثناء العمليه شكو انه العيّان عنده حاجة تانيه ما تخصصهم
مفروض يجي دكتور متخصص في الحاجه دي عشان يشوف الزول ده بعد العمليه ، مثلاً لو شكّيت انه العيان عنده سكّري مفروض تجيب اخصائي بتاع غدد يتابع العيّان ده بعد العمليه عشان يحدد هل فعلاً المريض ده عنده سكّري ولا لأ ، عشان ما اكون ظالم الحاجة دي بتحصل
وفعلاً بكلموا اخصائي يجي يتابع الحاله لكن طبعاً قروش الاخضائي براو ولمن تدفعها احتمال كبير يجيك يعد اربعه يوم واذا جا في نفس الوقت متابعة الدكتور بتكون تعبانه لمن بهناك بالرغم من انه بياخد حقه على كل دقيقه بقعدها مع العيّان ، طبعاً الاخصائيين عندهم قلة ادب شديده في الموضوع
ده احتمال كبير يجيك المره الاولى وبعداك يشوف ريجسترار من عنده يكمّل معاك ٫ دي كلّها ما مشكلة المشكلة الاساسيه انه يا جماعه الناس بتقطع لحمها عشان تعمل العمليه - طبعاً تكلفة العملية قد تكون مئات الملايين - بس برضو ما شامله اي حاجة غير العمليه
كسره : انا عندي سؤال واحد في موضوع الاخصائيين ده !! انت عارف انك بالتعملو ده بتأكل اولادك في حرام ولا ما عارف ؟!!!!!!!!!!
مرقنا عن موضوع التنظيم لانه الحاجه الحكيتها دي ماغساني شديد والله ، عدم التنظيم في انه انا زول مفروض اني شغال ٢٤ ساعه بي مرتب لا يتجاوز ال ٣ الف ج سوداني بتشغلوني يومين وتلاته ليه ؟! ياخي مكنه انا ما بني ادم ، حتى الجدول المعمول عشان الناس تكون مرتبه وده يوم فلان وده يوم علّان
ليه ياخي بتعاملوني كاني مكنه ما هو ما ممكن الموضوع ده ومهما كنت بني ادم صامد مستحيل تشتغل بي كفاءه الفتره دي كلها وده كلو بوريك انه المدير الطبي ده اكبر طرطور في اي مستشفى !!!!
٥ " السرقه :
اييي السرقه الواحده دي طبعاً اغلب المستشفيات بتكون متعاقده مع شركة بتاعت نضافه بي مبلغ كبيييير شديد في حين انه أغلب المستشفيات من المدخل بتاعها بس ما بتقدر تكمل لي جوه بي سبب " ريحة الحمامات " اي الحاجة دي حاصله وانا ما داير اذكر اسامي مستشفيات بي عينها
اييي السرقه الواحده دي طبعاً اغلب المستشفيات بتكون متعاقده مع شركة بتاعت نضافه بي مبلغ كبيييير شديد في حين انه أغلب المستشفيات من المدخل بتاعها بس ما بتقدر تكمل لي جوه بي سبب " ريحة الحمامات " اي الحاجة دي حاصله وانا ما داير اذكر اسامي مستشفيات بي عينها
بس بتكونوا لاحظتو الحاجة دي ، اللّهم ما علينا شركات النظافه دي بتاخد مبالغ ضخمه في حين انه مرتبات العمال البنضفو ديل زي الزفت ، وحتى مستوى النضافه اخييير عدمها والله العظيم ، طيّب المبالغ الطائله البياخدوها الشركات دي بتمشي وين ؟!
اوريك انا بتمشي وين غالباً الشركات دي بتكون تابعه لي زول كاسر مبلغ محترم لي الزول المسؤول عن انه يحدّد منو يمسك من الشركات المقدمه عروض ودي اكبر سرقه في المستشفى الزول القبل شركة النضافه المستواها دي الطين دي بكون ماخد ليو كسره سمحه
عشان يوافق ليو على الحاجة المقدمها دي في المقابل ؛ شغلهم زي الخرا وفوق ده ماكلين حق الموظفين بتاعنهم ..
" ٦ " المشاكل الواقعين فيها في المستشفيات دي كتيييييره شديد والله وانا ما بقدر اقولها كلها
"١ " بس الحاجة الداير الناس تفتش عنها اي مستشفى في السودان ده بدّخل كمية بتاعت قروش اقسسسسم بالله بتحيّر القروش دي بتمشي وين ؟!
" ٢" هل اذا انا ما عندي قروش اموت ؟!
"١ " بس الحاجة الداير الناس تفتش عنها اي مستشفى في السودان ده بدّخل كمية بتاعت قروش اقسسسسم بالله بتحيّر القروش دي بتمشي وين ؟!
" ٢" هل اذا انا ما عندي قروش اموت ؟!
" ٣ " لي متين ضميرنا ح يكون ماخد اجازه ؟!
#باختصار :
المستشفيات السودانيه والعاملين فيها طالما راضيين بي العفن ده الى اوسخ حته في التاريخ وانا بقترح انها تتقفل كلها والناس تمشي تتعالج بره بي نفس القروش الح يدفعوها هنا لو ما كان أقل .
المستشفيات السودانيه والعاملين فيها طالما راضيين بي العفن ده الى اوسخ حته في التاريخ وانا بقترح انها تتقفل كلها والناس تمشي تتعالج بره بي نفس القروش الح يدفعوها هنا لو ما كان أقل .
جاري تحميل الاقتراحات...