رتبها

الحقيقة #مصر محدش يتقارن بيها.
المصريين نزلوا ثورتين فى سنتين..
حاكموا رئيسين جمهورية منهم واحد قعد30سنة وواحد سنة.
جابوا رئيس ثالث وقبله رئيس انتقالى.
بنيتهم التحتية كانت خرابة.
دلوقتى بيصدروا غاز وكهرباء.
قضوا على فيروس C المتوطن.
قضوا على العشوائيات.
جيشهم من أقوى جيوش العالم

#مصر بلد كبيرة جدا..ورغم مظهرها المتناغم..إلا انها حادة التباين لمن يعرفها حق المعرفة.
مصر كل حاجة فيها كثيرة.
فيها علم كتير وجهل كتير.
فيها بطالة عالية وعمالة عالية..
فيها ذوق عالى جدا وفيها ذوق منحط جدا.
فيها فن راقى كتير وفيها فن مبتذل كتير..
مصر مستحيل مقارنتها ببلد تانية..

مصر مش من السهل حد يستوعبها ويفهمها كلها على بعضها..حتى من أهلها..مش كلهم يمكن فاهمينها..لكن كلهم بيعبدوا ترابها..
وكلهم بيعشقوها بالفعل أكثر من نفسهم مش كلام أغانى..
وكلهم ساعة الجد والزنقة والضيقة بيكونوا جبل ضخم صلب مالوش أول ولا آخر واقفين يدافعوا عنها بصدورهم العارية...

مصر لا يمكن اختصارها فى شخص ولا فى فئة ولا فى أغلبية ولا أى فى أى كيان أو شىء..
هى كل واحد من أهلها مجتمعين مع بعض.
هى كيميت القديمة..هي المسيحية المسلمة البطلمية الرومانية الإسلامية الخديوية السلطانية الملكية الناصرية الافريقة الاسيوية المتوسطية..
هي كل دول وأكثر اتعجنوا فى بعض.

فياريت من فضلكم أيها الرعاع ماتحاولوش تقارنوا كيانات لا تذكر - أيا كانت - يبلد زى مصر لأنها مقارنة فاسدة وخاسرة..
مستحيل تقارن جبل بذرة رمل أسفل سفحه.
بدل ما تشتموا زى عيال الشوارع.. حاولوا تتعلموا من #مصر وأهلها يمكن تصبحوا شىء يذكر.

عزيزى المواطن المصرى الأصيل:
بلدك #مصر هى البلد الوحيدة على وجه الكرة الأرضية اللى فيه علم كبير جدا اتأسس "بإسمها"..
وله علماءه من كل جنسيات العالم وله مراجعه الضخمة ود ورياته بكل اللغات تقريبا.
"علم المصريات"
"Egyptology"

لما نابليون بونابرت غزا #مصر 1798 جلب معه فريق كبير من العلماء فى كافة التخصصات عشان يدرسوا بلدنا..
واخرجوا للعالم أحد أروع وأهم الموسوعات عن #مصر
كتاب "وصف مصر"
المكون من 20 مجلد..ضخم + صور لكل ما حوته البيئة المصرية فى كل العصور حتى فترة الحملة الفرنسية 1798 - 1801

كتاب وصف مصر ده بيتصنع لحفظه قطعة أساس مخصوص..وبتتباع بالشىء الفلانى على مواقع الإنترنت..
مكتبة مخصوص عشان يتحفظ فيها أكبر كتاب اتكتب عن بلدك يا مصرى..

نابليون بونابرت ما قدرش يغير هوية مصر ولا ثقافتها..والمصريين عملوا عليه ثورتين فى ثلاث سنين لحد ماخرج هو وجيوشه وعلماءه ومارجعوش تانى..رغم محاولات نابيلون الحثيثة للتقرب للمصريين..حتى كاد يعتنق الإسلام..

مصر بيتعمل من وحيها تاريخها وآثارها أثاث فى كل العالم لحد النهاردة..

عزيزى المنبطح الدُون..السباب الخارجى:
انبطاحك وسبك لبلد العالم كله بيفتخر بوجودها على الكرة الأرضية دى مشكلتك الشخصية ومرضك النفسى الخاص..فياريت تعرض نفسك على أخصائى.
#مصر بلد فريدة جدا فى العالم..
وللأسف بتتحارب والاحتلالات تكالبت عليها بسبب كثرة خيراتها مش بسبب فقرها زى مافهموك