هلا والله
مع طفرة الترفيه بدت تكثر مرة ثانية طلبات الشريك التقني عندي فراح اتكلم بواقعية عن الموضوع و اعطي البديل المناسب و الصحيح في حال ما حصلت "شريك تقني" ، الثرد موجه بشكل اكبر لغير المبرمجين و الناس اللي عندهم افكار يبون يطبقونها
مع طفرة الترفيه بدت تكثر مرة ثانية طلبات الشريك التقني عندي فراح اتكلم بواقعية عن الموضوع و اعطي البديل المناسب و الصحيح في حال ما حصلت "شريك تقني" ، الثرد موجه بشكل اكبر لغير المبرمجين و الناس اللي عندهم افكار يبون يطبقونها
اول نقطة و تكلمت عنها كثير هي "الشريك التقني" : يا جماعة حط نفسك مكان المبرمج و كل يوم يجيك واحد يقول عندي فكرة بتكسر الدنيا ابي شريك تقني ، المشكلة ان المبرمج ما يعرفك فبالتالي شي شبه مستحيل انه يدخل معك ، يعني لو جاني شخص عنده مشاريع ناجحة و يبي يطبق فكرة اوكي ما عندي مشكلة
انا ادري انك فاهم وش تسوي و ادري ان عندك فلوس تدعم الفكرة و اعرفك فاقدر اثق في انك بتسوي اللي تقدر عليه عشان تنجح الفكرة بس اذا ما اعرفك مستحيل الا في حال كنت مستعد تدفع لي حق شغلي و اذا اشتغلت الفكرة و بدت تدخل فلوس او بديت اشوف انها ناجحة هنا اعرض علي فكرة الشراكة اما قبل لا
في اي مكان تروح و تشوف واحد يتكلم عن التطبيقات اول نصيحة بيقولها لك هي انك تشوف لك شريك تقني وكلامه منطقي في بداية المشروع اهم شي تسويه تقلل نفقاتك ، بس هل هذا الشي سهل ؟ جداً صعب الا اذا تعرف شخص و تقدر تقنعه غيرها صعب خصوصاً ان العرض حقك يجي للمبرمج مليون مرة في الشهر
طيب ما حصلنا شريك تقني وش الحل ؟ طبعاً الحل هو انك تشوف لك مبرمج و تدفع له او شركة و تدفع لها ، بس قبل كذا حط في بالك نقطة الموضوع ابداً مو وردي لا تتوقع انك بتقول ابي تطبيق فكرته كذا و يجيك بالضبط نفس اللي في بالك و لا تتوقع انك بتقدر تكتب ال reequirements بنفسك
هنا كثير يغلطون ، يسوي ملف بنظره ان الملف مفصل و هو ما غطى ولا 10% من ال requirements ، و بعض الناس يقرا له كلمتين في الانترنت و يسأل له كم واحد و يحفظ كم كلمة و يقولها للمبرمج عشان يوريه انه فاهم و يخاف يلعب عليه ، فعلياً وانت تسوي الشي هذا انت مثل الهندي اللي يتكلم بدوي
ما اقول لك لا تبحث ولا تستشير بالعكس ابحث و اقرا و استشر قد ما تقدر بس حط في بالك انك كل ما دخلت technical اكثر واللي قدامك فاهم بيقدر يخليك ترتاح له و اذا كان ما يخاف الله بيدبل عليك السعر وانت تضحك و ما تدري و تتوقع انك خذت منه اللي تبي بسعر كويس
افضل حل من وجهة نظري هي انك توظف شخص يكتب لك المتطلبات ، يجلس معك كم جلسة و يجمع لك كل اللي تحتاجه سواءً في التطبيق او لوحة التحكم او غيره ، و حط في بالك انه ما فيه شي اسمه المنطق انه موجود و ما يحتاج اقوله ، كون عندك نظام مستخدمين موب معناه بالضرورة فيه استعادة كلمة مرور!
بعد ما تجلس مع المبرمج اللي وظفته ياخذ منك المتطلبات بالتفصيل ، يفترض انه ع نهاية الخدمة اللي اخذتها منه يسلمك ملف فيه المتطلبات بالتفصيل الممل ، مع توضيح كل نظام كيف اجزاء النظام تتداخل مع بعض ، مع sketch لمشروعك فيه كل الواجهات (مو لازم تكون مصممة تصميم واو بس توضيح للفكرة)
الملف هذا تقدر تعطيه الجهات اللي تروح لهم و تطلب منهم تسعيرة نهائية لانه محلل و جاهز ، و يفضل انك تتفق مع المبرمج انه يحضر معك اول اجتماعين عشان في حال كان عند اللي راح ينفذ اي سؤال يرد عليه مباشرة.
المبرمج في الغالب ما راح ياخذ منك اكثر من ١٠٠٠-٢٠٠٠ ريال عشان موضوع التحليل
المبرمج في الغالب ما راح ياخذ منك اكثر من ١٠٠٠-٢٠٠٠ ريال عشان موضوع التحليل
هل ال 2000 مبلغ يستاهل اني ادفعه ع كم صفحة بيكتبها ؟ صدقني ايه لانها راح تحفظ لك اضعاف المبلغ هذا ، النقطة الثانية الجهة او الشخص اللي راح ينفذ لك المشروع اتفق معه على تسليمك المشروع على شكل دفعات ، مثلاً بعد ٣ اسابيع تكون المزايا الفلانية جاهزة و يعرضونها عليك و تعطيهم ملاحظاتك
و بعدها كل اسبوعين يسلمونك اصلاحات المشاكل ان وجدت مع المزايا الجديدة وكذا ، المزايا تكون مجدولة طبعاً و الهدف هو انك تكون معهم اول باول و في حال كان عندهم اي فهم خاطئ لاي ميزة تقدر تتدارك الموضوع بدري. و في نفس الوقت تشوف ال progress للشغل. هذا شي بيخليك نشيط و متابع معهم.
لا تكون نشبة و يومياً تتصل تشوف وش صار خلك على مواعيد الاجتماعات و شف التقدم بنفسك. اعرف وش لك و وش عليك ، يعني وش الاشياء اللي من حقك تطلبها والاشياء اللي اذا طلبتها من حقهم ياخذون عليها فلوس هذا شي لازم يكون واضح بينكم و مسجل في العقد .
احرص انه تكون فيه فترة صيانة و تكون مسجلة في العقد و توضح فيها الاشياء الداخلة في عقد الصيانة و حقوقك و حقوقهم و الدعم الفني و طرق التواصل معهم و ساعات التواصل. لا تكون ناشف مرة في التعامل و تتوقع منهم المرونة و الكل يخطي فلازم تتوقع شوي تأخير احياناً و ردة فعلك في المواقف مهمة
مثلاً لما تكون جداً حازم في حال صار تأخير بسيط او خطأ بسيط ما سبب اثر كبير عليك و تقوم قيامة لا تتوقع انك لو طلبت خدمة بسيطة (يفترض انك تدفع عليها لكنها بسيطة و ما تاخذ وقت) انهم راح يعطونك اياها ببلاش او حتى يخفضون لك مستقبلاً بالعكس الامتيازات اللي كانوا مستعدين يقدمونها بتروح
نقطة اخيرة ، التطبيقات مجال كويس و فيه مكاسب جداً كويسة بس لا تتوقع ان الافكار كلها تنجح او حتى اغلبها و لا تتوقع انك ما راح تدفع مبالغ كبيرة سواءً على التشغيل بشكل عام او على التطوير و السيرفرات ... الخ ، نصيحة حاول دايم تبدا صغير و طور تطبيق بناءً على رغبة المستخدمين
لا تصير ناشف و تبي تسوي اللي في راسك بالضبط شف الحاجة و تكيف معها و هذي ميزة التطبيقات انها تتكيف بسرعة في البداية و ارجع و اقول الموضوع مو سحري بتدفع عليه مبالغ مو بسيطة و التطبيقات في الغالب تفشل في التشغيل مو في البرمجة.
و بس والله خلصت سواليفي ?
صاير اسولف واجد اليومين هذي ?
صاير اسولف واجد اليومين هذي ?
جاري تحميل الاقتراحات...