بعد ما انتشرت السعودة عندنا وفرص الوظائف للشباب صارت سهلة عكس جيل طلاب الجامعة 2012 وحولها ،، صار الطالب يشتغل من ٤ العصر إلى 11 بالليل مقابل راتب ٣٠٠٠ ريال ويهمل دراسته ومعدله اللي يبني عليها مستقبل ٥٠ سنة قدّام !
هالمعادلة لازم ننتبه لها وتؤخذ بالإعتبار

طبيعي الشركة تستنزفك وهذا حقها وعشان مصلحتها وبمقابل مادي شهري منقطع، لكن انتبه إن هالمقابل اللي تاخذه بشكل شهري يأثر على وظيفتك المستقبلية بعد التخرج اللي أنت تبني عليها مستقبل حياة كاملة .

لا تحاول تقنع نفسك بتنظيم وقتك مهما كنت منظم، إذا بتدرس بالكلية من ٨ إلى ٢ وبتداوم من ٤ إلى ١١ لا تتوقع بتاخذ معدل وبتتفوق بشهادة توظفك بشيء محترم ومناسب

نصيحة : إذا أنت منت مجبر على الوظيفة وأقصد فيها إنك ملزوم بصرف على عائلة أو ديون أو ظروف قاهرة لا تفكر تتوظف عشان بس راتب تستمتع فيه دامه بيأثر عليك مستقبلاً،
مكافأة بتمشيك فترة الدراسة وبعد ماتتخرج بتستمتع طول عمرك