رتبها

تشامب +

11 تغريدة 1,359 قراءة Oct 19, 2019

كثير مننا يعاني من نقص مساحة جهاز البلايستيشن وخصوصًا مع احجام الالعاب الضخمة مؤخرًا واللي صارت تاخذ مساحات كبيرة.
الحل بسيط وسهل وراح اتكلم لكم بالتفاصيل عن طريقة زيادة مساحة البلايستيشن تحت هذي التغريدة ??.

فيه طريقتين لزيادة مساحة تخزين جهاز البلايستيشن:
١- عن طريق جهاز تخزين خارجي ( هارديسك خارجي )
٢- عن طريق استبدال جهاز التخزين الداخلي للبلايستيشن ( هارديسك داخلي )
شخصيًا أفضل الطريقة الأولى لسهولتها وما فيها تعقيد وفك للجهاز ونسخ أحتياطي وغيره وهي اللي راح أشرحها ??.

* زيادة المساحة عن طريق جهاز تخزين خارجي :
- ما هي المتطلبات ؟
١- بلايستيشن محدث ٤.٥ أو أحدث
٢- هارديسك خارجي ( جهاز تخزين خارجي ) يدعم تقنية الUSB 3.0 وبعلمكم كيف تعرفون هل الهارديسك يدعم أو لا!
٣- الهارديسك الخارجي لازم ما يقل عن ٢٥٠ قيقا ولا يزيد عن ٨ تيرا !

٤- بأمكانك أستخدام هارديسك خارجي واحد لكل جهاز
٥- لازم الهارديسك يكون مشبوك بالجهاز طول الوقت بمعنى راح ياخذ منفذ من منافذ USB طول الوقت.
* ما هي المحتويات التي يمكن تخزينها ؟
- الألعاب بالطبع وأضافاتها
- تخزينات الألعاب
*** الهارديسك ما راح يحفظ المقاطع والصور والثيمات

* كيف تعرف اذا الهارديسك يدعم تقنية USB 3.0 أو لا؟
- غالب أجهزة الهارديسك الخارجية المتوفرة بالسوق تدعم هذي التقنية لكن عشان تتاكد أكثر ممكن تلقاه مكتوب على الكرتون أو اذا بتشتريه من جرير روح للمواصفات وبتلقاه مكتوب مثل الصورة.

* طيب انا شريت الهارديسك المناسب ، وش الخطوة الثانية ؟
١- تشبك الهارديسك الخارجي بالبلايستيشن وتعمل له "فورمات" عشان يصير جاهز للأستخدام
الطريقة سهلة وتسويها من الإعدادات وموجوده بالفيديو.

٢- اذا صار الهارديسك جاهز للاستخدام ، الحين لازم تخليه هو مصدر التخزين الرئيسي بمعنى أن أي لعبة تحملها راح يحفظها الجهاز على الهارديسك الخارجي مباشرة ، والطريقة كالتالي :
الإعدادات > مساحة التخزين > اضغط زر “option" على "التخزين الموسع" >> مكان تثبيت التطبيق

٣- طيب ابغى أنقل الالعاب الموجودة عندي واخليها على الهارديسك الخارجي وافضي مساحة التخزين الداخلية حقتي ، كيف أسويها ؟
الطريقة سهلة ومشروحة بالفيديو تحت ?