رتبها

#ثريد الليلة بعنوان :
جونينيو و سحر ال free kick ?
*ريتويت بقي يا شباب تعبت في جدا شغل ٣ ساعات تقريباً..
⬇️⬇️

جونينيو، بيعتبره كتير من مشجعين الكورة أفضل منفذ للضربات الحرة في تاريخ الكورة، وأنا واحد منهم بالمناسبة..جونينيو غّير الفِكر في العالم عن الضربات الحرة المباشرة و طريقة تسديدها بالشكل اللي هشرحوا بعد مراجعة اكتر من ٧٠ فاول لجونينيو..

خلينا نحط مقدمة بسيطة كده عن نظرة جونينيو للضربات الحرة عشان ندخل الناس في الموود ونفهم فلسفته فيها. جونينيو كان مصدر إلهامه في الكور الثابتة هو مارسلينهو لاعب كورينثيانز، وزي ما كان جونينيو بيوصف كان بيخلي الكورة ترقص في الهواء مش مجرد بيلعبها..

بيرلو اكتشف السر دا و هو في الحمام و وصف التكنيك ده بطريقة بسيطة،كل الموضوع إنك تضرب الكورة من تحت محيطها بأول 3 أصابع في جانب القدم وتكون بشكل مستقيم موازي للكورة، مش بجانب القدم كلها، طيب لو هي بالبساطة دي ليه محدش نجح بيها بالشكل ده غيره؟ لأن كل تعقيدها في البساطة دي ليس أكثر

خلينا نتكلم بتفاصيل أكتر، فكرة جونينيو الحالمة عن الرقص وراها كمية كبيرة من الشغل على مستوي الفيزياء علشان نفسر الطريقة، جونينيو في البوزيشنينج قبل اللعبة بيسيب مسافة صغيرة بينه وبين الكورة، إلا لو المسافة عن الجول بعيدة، وبالظبط بيتحرك ناحية الكورة في أربع خطوات سواء قصيرة...

وبالظبط بيتحرك ناحية الكورة في أربع خطوات سواء قصيرة وسريعة لو المسافة قريبة أو واسعة لو المسافة بعيدة، بيضرب الكرة بقوة بحافة جانب القدم علشان تروح في الزاوية اللي اختارها، ده الجزء البسيط من النظرية لكن بالنظر بشكل أعمق..

عشان أفهم الطريقة أكتر لاحظت انها شبه ال Topspin Swing المعروفة في التنس مع اختلاف آلية التنفيذ بس الفكرة الأساسية واحدة، إيه هي ال Topspin؟ الفكرة الأساسية فيها إنك بتحط أكبر قدر ممكن من القوة في الكورة بضربها بطريقة معينة في اتجاه معين،

بس مع شرط ان القوة دي متخليهاش تفقد توازنها وتروح في اتجاه مختلف عن اللي خططت ليه، عشان كده في تكنيك جونينيو مش مهم المسافة وبعد الكورة عن الجول، لأن كده كده في قوة كافية انها توصل، بالعكس ده كل ما بعد عن الجول كان أفضل لأن فيه زوايا مفتوحة أكتر وأوسع للرؤية والتسديد...

جونينيو بعد ما يضرب الكورة بيريح رجله مباشرة بمعني انه مش بيبعدها عن الكرة في أسرع وقت وبحركة خاطفة، بيعملها بهدوء وبطريقة بسيطة كأنه وقف رجله في الهواء عشان ميخلقش مقاومة للكرة وبالتالي تروح في الهواء بكل قوتها...

الطريقة اللي بيضرب بيها جونينيو بتخلي الكورة تعمل دوران حوالين محورها، بس على عكس ديفيد بيكهام اللي كان بيستغل الدوران ده عشان يخليها تنحني بصورة كبيرة، جونينيو كان بيستغل الدوران ده عشان يدي قوة أكبر للكورة، ازاي؟..

عن طريق قوانين الفيزياء، سرعة دوران الكورة بتخلي ضغط الهواء يتجمع فوقها ويزقها لتحت، وبكده بعد ما تكون بدأت تفقد سرعتها وتبدأ تنزل وتتباطئ تدريجيًا، الضغط ده بيخليها تنزل بسرعة أكبر خصوصًا لما يتجمع مع الجاذبية بتنزل بسرعة أكبر عشان الجاذبية،

الموضوع صعب التنفيذ وصعب التخيل وصعب التحليل، محتاج كمية كبيرة من الملاحظة والفرجة لأن معظم الكلام ده مش هيبان في طريقة لعبة للكورة هو مش أكتر من بيبص ويشوط،الإعجاز كله في العملية اللي بتحصل في النص عشان كده نرجع ونقول حتى لو التكنيك معروف، انت مستحيل تنفذها زي جونينيو.

أتمني في النهاية يكون الثريد عجب أي شخص هيقراه ..و ان شاء الله هيبقي في ثريد تاني قريب بشكل متطور اكتر و احسن من كدا بكتير...?⚘
* شباب هبقي ممتن جداً لكل شخص عمل لايك و ريتويت والله?❤
بقلم حازم محمود..✍

التصنيفات

المزيد من هذا الكاتب

مواضيع ذات صلة

الأكثر اعجابا

التصنيفات

المزيد من هذا الكاتب

مواضيع ذات صلة

الأكثر اعجابا

فك الثريد