اشتراكات قروبات حمية في الواتساب ولا غيره جايبين العييييد.. طبعا هو واحد من اثنين
الجزء الاول و الغالبة العظمى اللي متاكد ١٠٠٠٪ انه مو عارفين ايش بيعملوا في الناس المشتركين
الجزء الثاني اللي عارف انه نصاب و هذي الطامة الكبرى..
راح اقولكم فين المشكلة معاهم..

يعتمدوا على حميات جاهزة سعراتها تكاد تصل الى ١٢٠٠ و هذا الشي حيسبب نزول سريع في الوزن .. (لا تستعجل)
١- المشترك يتحمس من هذا النزول
٢- يستمر الشهر هذا و اللي بعده
٣- ينصدم فجاة وزنه وقف
٤- يترك الاشتراك
٥- يتفاجئ ان وزنه بدأ يرجع بالتدريج
٦- يتفاجئ ان وزنه زاد عن قبل
يتبع..

٨- و بعدها يقول يبدأ يستخدم اعشاب و مكملات و ابر يدبرها من اصدقاء مسافرين
٩- يخبص الحرق عنده و هرموناته
١٠- يروح الطبيب و تطلع تحاليله كلها سليمة
١١- يدخل تويتر و يكتب العين حق و يبدأ يستخدم مكملات فيتامين د عشان يعتقد هي سبب زيادة وزنه
و للاسف تبدأ رحلة الاكتئاب..
يتبع..

الحميات منخفضة السعرات صحيح مفعولها جميل و يحمسك مرة في البداية لكن على المدى البعيد نتائجه عكسية..
انخفاض السعرات لهذا الحد ينبه الجسم و يخليه يعتقد انه في حالة مجاعة و نقص شديد و هذا يخلي الجسم
- يبطئ من الحرق
- يزيد الجوع و الشره
- يزيد قابلية تخزين الدهون
ردة فعل طبيعية..

اذا كنت من الاشخاص اللي دائما تتبع هذي القروبات او بدون قروبات انت تمشي عليها من نفسك..
تحاليل الدم ما حتفيدك ولا تظهر لك شي
الا لو عندك مشكلة عضوية و خلل هرموني و هذا موضوع اخر..
الحل:
تغيير اسلوب الحياة .. (بطيئة، دائمة)
و ليس اتباع حمية.. ( سريعة، مؤقته)