تعرف على اضطراب نقص الانتباه مع فرط النشاط للكبار في هالثريد والمعروف ب #Adhd #يوم_الصحة_النفسية_العالمي
اضطراب نقص الانتباه مع فرط النشاط واللي يختصر بال ADHD هو حالة مزمنة، تبدأ في الطفولة و أحيانا تستمر مدى الحياة و طبعا يؤثر الاضطراب على التعليم، والعمل، والعلاقات الشخصية.
طبعا الاضطراب يندرج لنوعين : الأول اضطراب نقص الانتباه مع فرط النشاط (مع سيادة نقص الانتباه) والثاني يكون مع سيادة فرط النشاط والتسرع )
أعراض النوع الأول اللي فيه سيادة نقص الانتباه
أعراض النوع الثاني اللي فيه سيادة فرط النشاط والتسرع
تتميز هذه الحالة بالغفلة، وصعوبة إنجاز العمل، والمماطلة، ومواجهة مشاكل في التنظيم. ويجد البالغ صعوبات في اتباع التوجيهات، وتذكر المعلومات، والتركيز، وتنظيم المهام، وإكمال العمل في وقته المحدد، مما يؤثر على حياته بشكل كبير، مسببا مشاكل عاطفية، واجتماعية، ومهنية، وماليه وغيره
كتجربة شخصية ويمكن غيري مصاب بالمرض حس فيها انه تحس انك مختلف عن غيرك لانه في اماكن نفس المدرسة او الجامعة تحس الإدراك عندك بطيء او معدوم فطول عمرك تحس انه محد فاهمك وانه الناس تشوفك انك مهمل وكسلان .
في بعض الأحيان تراودني افكار مزحومة لدرجة تجنني ومثال على ذلك الشخص العادي يمشي فالسوبر ماركت ومركز على الأغراض لكن اللي عنده ADHD مركز على كل شي في نفس الوقت من أصوات الناس و أصوات العربانات والإضاءة الخ الخ . يعني تخيل الضغط اللي يعيشه المريض في بعض الأحيان . الصورة تبين الفرق
طبعا غير عن انعدام احساسنا بالوقت فتلاقينا حتى لو كنّا عارفين انه عندنا مواعيد راح نتأخر بطريقة ما وغير و تضييعنا لأغراضنا الشخصية لانه لو ركزنا على اي شي ثاني ..نفقد الاحساس كليا على الاشياء الثانية لانه عكس الإنسان الطبيعي نحن نضاعف مجهود التركيز .
واضيف طريقة تسرعنا في وايد اشياء بأن نقول اشياء المفروض ما تنقال ونجرح فيها غيرنا وهذه غير تصرفاتنا الطائشة خصوصا فالسواقة . ومثال اخر اهتماماتنا المتعددة وسهل جدا نمل من اي نشاط بعد فترة من الممارسة وأكبر مثال توجهي لأكثر من شي من فترة لفترة .
فيديو يحاكي معاناة شخص مع الاضطراب :
طيب كيف طريقة العلاج ؟ وهل بإمكاني معالجته ؟ المرض للأسف مزمن وما في حل الا انك تتعايش معاه . وفي اكثر عن طريقة تتضمن الأدوية والرياضة ويفضل انك تتعالج مع أخصائي نفسي عشان يعلمك عن كيفية التعايش مع المرض وغير انه يعلمك طرق التدرب على الاسترخاء و التحكم على الضغوطات .
للعلم الأدوية تساعد على تصحيح الأعراض الفسيولوجية للمرض لكنها ما راح تعالج المرض .
في دولة الإمارات يندرج هذا الإضطراب تحت #أصحاب_الهمم ومن يشخصون الفرد بالإضطراب كان طفل او شخص بالغ يتخذون الإجراءات اللازمة بأنك تعامل في المدرسة ، الجامعة او حتى في مكان عملك بمعاملة خاصة نظرا ان الاضطراب يأثر على شغلك او دراستك بشكل ملحوظ .
بعض المشاهير الي يعانون من هالإضطراب :
شخصيات خيالية شخصت بهالإضطراب ، والحين فهمت ليش امي تناديني دوري 😂💔
خمس اشياء لا تقولها لشخص مصاب بالمرض :
١- كلنا فينا ADHD لو شوي
٢- انت بس تطلع عذر لانك مهمل
٣- انت كسلان
٤- يمكن لو حاولت اكثر تقدر تكون احسن عنا كلنا
٥- ال ADHD كله في راسك
١- كلنا فينا ADHD لو شوي
٢- انت بس تطلع عذر لانك مهمل
٣- انت كسلان
٤- يمكن لو حاولت اكثر تقدر تكون احسن عنا كلنا
٥- ال ADHD كله في راسك
حاول تفهم صديقك او قريبك المصاب اكثر وحط في بالك انه هو قاعد يبذل جهده اكثر عنك ولو انه بعد يغلط مرات وصدقني يوم اقولك كيف نحن وايد نكره نفسنا مرات على اشياء نسويها او غلطات تطلع منا وما نكون قاصدين . فالضغط النفسي وايد شديد على مصابي الإضطراب . وطبيعي تحصل منهم المكتئبين .
وأخيرا بالأخير كوحدة عندها #ADHD انا فخورة بنفسي و بغيري اللي يعاني منه و شاق دربه انه يثبت نفسه . الشي عمره ما بكون سهل لكن فكرة اني يالسة ابذل جهد تعنيلي وايد واحس غيري بعد يحس نفس الشي 💕 Love who you are
I love my #adhd 💕
جاري تحميل الاقتراحات...