رتبها

تحت هذه التغريدة وخلال هذا الثريد حأتكلم عن رجل عظيم المفروض يعرفوه كل السودانيين
اتولد سوداني ومات لاجئ في السودان
#بنجامين_شكوان

#بنجامين_شكوان من قبيلة الشلك ولد في ملكال درس الابتدائية فى عطار والعالي رمبيك والخرطوم القديمة تخرج من جامعة السودان 1971

وتم تعيينه فى وزارة الثقافة والاعلام وابتعث الى جامعة تكساس فى امريكا ودرس دبلوم الصحافة ودرس الدراسات العليا في لندن

سبب التغريدة انو احد الاخوة الكرام ارسل لي رابط لفيلم انتاج الجزيرة يتحدث عن مأساة الاشرطة التاريخية النادرة والرائعة والموجودة بين الغبار

اتخصص #بنجامين_شكوان فى تحريك الصورة وكتابة السيناريو حيث ادهش ابناء اوربا بسيناريو عن جبل مره وحظيرة الدندر وبورتسودان وغيرها

#بنجامين_شكوان كان بيشتغل مونتاج في الزمن الجميل عارفين كيف؟ بيقطع الشريط ويلصقو باللصاق العادي عشان تطلع لقطة جميلة نشوفا في ثواني بس

#بنجامين_شكوان كان موجود في مركز افلام السودان في التلفزيون لما الرئيس الازهري افتتحو وكان بيفتخر باللقطة البيظهر فيها كموظف انيق لشئ عظيم

ابتعث بنجامين لبيروت لدراسة افلام كوداك (فى ان اف) وافتتحت وحدة خاصة للافلام التلفزيونية حتى وصلت عربة البث الخارجى للبث المباشر من المانيا

اكتشف وهو فى بريطانيا شرائط اخذها الانجليز معهم فخاف أن يستخدمونها كوثائق للتجسس فخاطب وكيل الوزارة د.فيصل محمود الذى امر باعادتها للبلاد

كان بيتحدث بفخر عن تاريخ السودان حيث قسم المكتبة الى شرائط قبل الاستقلال وايام الديمقراطية وحكومتى عبود ونميرى

المؤسف انو انسان بالخبرة دي والعلم والغيرة الوطنية دي لما انفصل الجنوب بين يوم وليلة يكون ما سوداني ويصنف كلاجئ اجنبي طيب منو يستحق الجنسية؟

بنجامين ما رجع الجنوب لانو دا وطنو ومافي ورقة تقدر تحدد جنسية انسان اتولد في مكان وعاش فيهو حياتو كله وقدم الكتير مافي ورقة تغير انتماءو

في بلدنا يتم اعطاء الجنسية للاعبين عشان دوري ويتم تكريمهم لو جاب ليهو هدفين من باب اولى انو الجنسية تكون لبنجامين وامثالو الفعلا سودانيين

طيب اذا اعتبرنا انو الجنسية امر سياسي اتفرض علينا ونتقبله كل السنين القبل الانفصال رجل زي بنجامين يسكن في بيت بدون كهرباء وموية؟

#بنجامين_شكوان مات ..ايوة مات في حادث حركة خلال ايام تصوير الفيلم الوثائقي والمؤسف انو اتأخر اسعافو عشان الاطباء كانوا في اضراب ومات حلمو

مافي زول سمع بموت بنجامين بالرغم من انو شخص مهم انجز بهدوء ومات بهدوء فتشت عن زول عامل نعي مالقيت خبر في جريدة الممر شهر ابريل الفات دة

والمؤلم اكتر خبر من صحيفة الاحداث قال مات في لندن ليه طيب ؟
هل انو ما اتأكدتو من الخبر
هل مفروض نفهم انو خبيرنا كان في رحلة سياحية بلندن؟

في ختام الثريد اتمنى ان يعطى كل ذي حق حقه لانو دي من اولى مظاهر تقدم الشعوب
انتهى الثريد ?
ودا رابط الفيلم كامل ?
youtu.be