امي ...
قصة حزينه : قبل مايقارب ١٨ سنه أمي كانت صاحبة اجمل ضحكه وروحها انخلقت من الورد ودوده كثيرة المزاح صاحبة اكثر روح مرحه وفي ليله من الليالي السيئه جداً كانت أمي معزومه ل كتب كتاب احد الاقارب وتمزح وتضحك وانقال لها ي الله ما كأنكك متزوجه ومخلفه كأنكك باقي بنت وماعندك هموم بضحكه..
ورجعت من ذا العشاء تعبانه وتصيح اخذو الاثر ووضوء نص القبيله ولكن العين ماراحت لازالت امي بتعبها ومن مرض ل مرض اول مرض الذئبه الحمراء ، بعدها فشل كلوي ، هشاشة بالعظام وكم سنه وشاء الله وفقدت امي سمعها تعبت بالبدايه ماتفهمنا ولانعرف نوصل لها الي نبيه وبعدين تأقلمت او تعايشت مع
الوضع المفروض عليها تخلو عن امي اقرب الناس لها بحكم انها شخص مايسمع وصارو يتئفئفون يالله ماتسمع يوووه شفيك ماتسمعين وصارت امي من شخص اجتماعي مزوح لشخص منطوي على نفسه العزله فرضت نفسها على امي يا الله الوضع يهلك النفس والروح وزياده فقد العافيه الاألم المستمر والمعاناه مع المرض
بعدها ٣ جلطات فقدان بالذاكره كم سنه وانكسر ٣ فقرات بظهر امي وبعدها كسر بالرجل ولازال عند أمي امل تتشافى الأمل بالله كبير ولازلنا نصلي وندعي ل أمي الشفاء بعده حزام ناري بالبطن وكل سنه مرض جديد وبعده تسدد الشرايين تجلط بالدم اصابع أمي تقرحات وألم ماينوم ...
أمي تنام تبكي تصحى تبكي وروحي جداً حزينه من تعب أمي وحزن أمي الظاهر على ملامحها وملامح أهلي والزعل الأكبر مابيدنا حيله ولاشيء ومزعلني اني مو قادره اعطي امي جزء من عافيتي الا عافيتي كلها فدا والله فدا ولكن ماتنعطى جربنا نروح لشيوخ لكن العين قويه جدا حسبي الله ونعم الوكيل
حاولنا نتبرع ل امي ب الكلى محد طابق هالكلام قبل ١٢ سنه محد طابق رسلنا تقاريرها ل امريكا والصين واستراليا ولا حصلنا متبرع انا ماكانت بالسن المناسب ل التبرع
انتظرت لين كبرت وقلت بتبرع حللت طابقت الفرحه الي حسيتها مو طبيعيه اخيراً امي معاد تغسل اخيراً قدرت اعطي امي جزء مني اخيراً رحت الرياض وروحي مبسوطه جداً وخلاص تم كل شيء
لما وصلنا حللو ل أمي طلع معاها جلطه وخلاص جسم أمي مايتحمل اي عمليه يعني تظل تغسل الى ان يشاء الله ويحيي كلاها صرنا نجرب وصفات من صمغ ل تين اشياء كثير مافقدنا الأمل ولا راح افقده بيوم ولا فاد لازالت امي تعبانه لازلت اسمع صياح امي اشياء كثير تمر بالليل مايعلم فيها الا الله..
شعوري ثقيل جداً حزني عميق جداً من انولدت طفولتي مرت بالمستشفيات وعلى يدين المربيات والشغالات أبوي و اخواني لاهين ب أمي وانا طفله كبرت ع المستشفيات اصوات المغذيات صياح المرضى واحس ... يالله همي كبير وجع قلبي عميق لو في أمنيه بتكون عافية امي ولاغير ذا شيء يارب عجز الاطباء
وعجزت العلاجات وعجز الشيوخ يالله الأمر كله بيدك وحدك يارب ي رحيم ي شافي يامجيب الدعاء ياخالق المعجزات يارب اشفي أمي من العين يارب يا من شفيت أيوب وكشفت ضر يعقوب اشفي أمي وبث في جسدها الصحه والعافية
يا شافي يامن تعيد للمريض صحته ويامن تستجيب الدعاء اللهم اشفيها ورد لها صحتها و عافيتها عاجلاً غير اجلاً يارب الأمر كله بيدك ومد بعمرها ياكريم اللهم اني استودعتك امي وقلب امي وعافية امي وانت خير الحافظين يارب احرسها بعينك اللتي لا تنام .
سويت هالثريد ب أمل شخص منكم يكون اقرب لله مني ومن اهلي ويدعي لعل وعسى تستجاب الدعوه 😔😔💙
@imthpapa يارب الله يسمع منك الله يتقبل دعاك ويسعدك:(!!
جاري تحميل الاقتراحات...