تبغى المستثمر الفرد يستثمر في مشروعك في مراحله الأولية والمبكرة جداً؟
الفكرة بسيطة، غالباً يكون الاستثمار في هذي المراحل في المؤسس "أو المؤسسين" + حجم السوق اللي تشتغل فيه. لأن الفكرة نفسها ممكن تتغير وتتعدل وتتطور ولكن اذا كان المؤسس نفسه قادر على الشي هذا

أتفهم عدم وجود خبرة عند أغلب أصحاب المشاريع الناشئة في المراحل الأولية لكن من غير المنطقي ان صاحب المشروع ما يحط كم ساعة من وقته الثمين في البحث في قوقل عن طريقة عرض مشروعه على المستثمرين، ويطلب من المستثمرين انهم يخسرون وقتهم عشان يجلسون معاه وفوق هذا يعطونه استثمار!!!!

والله العظيم ان الفكرة ليست أهم شي في مشروعك الناشئ لأنها زي ما ذكرت ممكن تتغير في الطريق ولكن أغلب المستثمرين الأفراد يستثمرون في الأشخاص نفسهم، ف طور نفسك في نقاط ضعفك وافهم السوق اللي تشتغل فيه عشان يشوف المستثمر الفرصة الكبيرة اللي قدامك ويدعمك

نصائح:
- ما يهم عدد الشهادات اللي أخذتها في جميع سنواتك الجامعية بقدر خبرتك العملية والتطبيق
- ما يهم اذا عندك ١٠٠ براءة اختراع لمشروعك التقني بقدر ما يهم تقبل الناس له وسهولة استخدامه

- أكاد أجزم ان كل ما زادت عدد الجوائز اللي فاز فيها مشروعك الأسطوري والخُنفشاري والذي لا مثيل له "في اول سنتين" كل ما زادت فرصة فشلك، لأن الجوائز ماتهم. اذا تبي تفوز فعلاً؟ ارفع عدد المستخدمين والمبيعات
- مو لازم يفشل منافسك عشان تنجح. ممكن أنت ومنافسك تنجحون والسوق كبير 😉