(ملابسات الاعتداء علي من قبل أفراد بالشرطة العسكرية)
طيب مدام الشغلة بقى فيها جرجرة و مماطلة أنا ح أحكي الحصل كلو يوم الخميس الفات و بكل التفاصيل.
الخميس الفات الموافق يوم 2019/09/26م كنت شغال صباح في مستشفى علياء التخصصي/ود مدني (8ص _ 2ظ) خلصت ورديتي و قعدت في المستشفى شوية
طيب مدام الشغلة بقى فيها جرجرة و مماطلة أنا ح أحكي الحصل كلو يوم الخميس الفات و بكل التفاصيل.
الخميس الفات الموافق يوم 2019/09/26م كنت شغال صباح في مستشفى علياء التخصصي/ود مدني (8ص _ 2ظ) خلصت ورديتي و قعدت في المستشفى شوية
، بعدين صبت مطرة خلتني أطلع لي 4 و حاجة أو 5 إلا، المهم مشيت الموقف، المواصلات كان صعبة شوية مع المطرة، في حافلة كانت واقفة و فرد من الشرطة العسكرية واقف قريب من السواق و أنا يشهد الله ما شايفو أصلاً و لا منتبه معاه، أنا جيت على السواق داير أسألو ماشي وين، المهم شكلي لكزتو
و لا شنو ما عارف، اتخيلو ي جماعة لزة و لا لكزة حاجة خفيفة كدا، لكن العسكري بالكاكي بتاعو كيف تهبشو، دي حاجة كبيرة و خطيرة شديد، قمة الاستفزاز دا، فقام العسكري اتلفت علي قال لي (انت لزيتني) قلت ليهو (ما شايفك)
المهم شايفني ما شايفك، قام مسكني من قميصي فوق، قريب لللياقة و القميص
المهم شايفني ما شايفك، قام مسكني من قميصي فوق، قريب لللياقة و القميص
اتشرط طبعاً، أنا في اللحظة ديك جريت ليهو يدو و دفرتو، الناس اتلمو حجزونا، قلت ليه بالعبارة دي (مش بقت دولة قانون و الحركة دي زعلتك أرح القانون يفصل بيناتنا) قام قال لي (أنا زاتي دايرك قدام) أثناء ما ماشين في مشى ع أفراد تبعو كدا زي 3 و لا 4، اتلموا فيني كلهم، وراهم بالحاصل
فدوروا فيني (كيف تلز عسكري) في اللحظة ديك واحد فيهم ضربني كف، قمت أنا طوالي رجعتو ليهو، فجأة لقيت نفسي في الواطة ضرب بالشلوت و واحد دايس علي بالبوت، الكلام دا هم 4 أشخاص تقريبي، قاموا أدوني كلبشات و جابوني على (قيادة الفرقة الأولى مشاة) هنا اتلموا عليهم نفرين واحد منهم
الحكمدار المسؤول منهم زاتو، دخلوني غرفة و اتلموا علي ال6 و ضرب بي بساطين و خراطيش ما يقارب ال5 دقائق، من هناك ودوني قسم الأوسط، طول الطريق طبعاً نبز بأقذع الألفاظ، و تهديد و كلام فارغ كتير، واحد فيهم قال لي (أنا لو كان شايل السلاح دا كان أديتك طلقة)
و التاني قال لي (ممكن نقتلك و نمشي القانون) المهم وصلتنا القسم كدا في واحد ضربني في راسي بالسوط لما حسيت بي زنة، و الورم 3 يوم ما اختفى، ضابط البوليس استجوبنا و قال ليهم الزول دا معوق (في اصبعي و باقي جسمي) إلا أورنيك 8
، جابوني مستشفى الحوادث مدني، الدكتور قام بمعاينتي و ملأ الأورونيك، رجعوني القسم و فتحو فيني بلاغ مشاجرة، الوقت داك ناس المستشفى عرفو، و بما إني مجند خدمة في علياء و اللهي تابعة وزارة الدفاع الموضوع بقى عسكري، فقاموا أطلقوا سراحي من القسم و جابوني قيادة الفرقة الأولى مشاة
على أساس أتحبس في حتة كدا بقولوا عليها (الكركون) جيت القيادة و دخلوني على رائد بقولو عليه الضابط العظيم، بعد عرف و الرواية الصح مني قال لي ليك الحق تتخذ كل الاجراءات القانونية ضدهم، و الموضوع دا بقى عسكري، و خارقين بي موجب القانون العسكري مادتين
و مفروض أقابل المستشار القانوني للبت في القضية، من يوم الخميس للآن أنا ما قابلت المستشار القانوني، و ما عارف مصير حقي شنو ؟!
فدا كلام فارغ و بعملو فيه العساكر ظلم و استهبال على الناس، العسكري لازم يعرف إنو الكاكي اللابسو دا ما بدي حق يعتدي على زول و يعرف إنو في قانون بسري ع الكل
فدا كلام فارغ و بعملو فيه العساكر ظلم و استهبال على الناس، العسكري لازم يعرف إنو الكاكي اللابسو دا ما بدي حق يعتدي على زول و يعرف إنو في قانون بسري ع الكل
دا إذا دايرنها مدنية و دولة قانون، و المؤسسة العسكرية لازم يتم تطهيرها من الفاقد التربوي و الأخلاقى الحانق على المجتمع دا، و بحاول يكمل نقصو بي إهانة الغير، أنا الموضوع دا ما ح أسكت عليه و ح آخد حقي منهم.
من هنا بناشد أي محامي شريف حابي يترافع عني و يتابع قضيتي دي يتفضل
و بناشد اللجنة المركزية للمختبرات الطبية تسلط الضوء على الحصل لي دا
و بدعو كل طبيب مختبر شريف يضم صوتو لي صوتي
عشان المهزلة دي تقيف
اللجنة المركزية للمختبرات الطبية
و بناشد اللجنة المركزية للمختبرات الطبية تسلط الضوء على الحصل لي دا
و بدعو كل طبيب مختبر شريف يضم صوتو لي صوتي
عشان المهزلة دي تقيف
اللجنة المركزية للمختبرات الطبية
تحديث بالحالة
أمس الضهر تقريباً قابلت المستشار القانوني (ضابط عسكري) و حكيت ليه الحاصل كلو، سألني إذا بعرف أساميهم، ذكرت ليه اسم مبتدئ المشكلة الأساسي و ختم محادثته بدون إفادة واضحة، أو بما معناه حنشوف حنعمل شنو.
للأحد و نشوف البحصل
#وقف_انتهاكات_و_تعدي_العسكر_على_المدنيين
أمس الضهر تقريباً قابلت المستشار القانوني (ضابط عسكري) و حكيت ليه الحاصل كلو، سألني إذا بعرف أساميهم، ذكرت ليه اسم مبتدئ المشكلة الأساسي و ختم محادثته بدون إفادة واضحة، أو بما معناه حنشوف حنعمل شنو.
للأحد و نشوف البحصل
#وقف_انتهاكات_و_تعدي_العسكر_على_المدنيين
جاري تحميل الاقتراحات...