رتبها

صراع العقل و القلب ..
شوف الـ Thread

- الصراع الأزلي بين العقل و القلب ، هو أكبر حرب بيعيش الإنسان جواها ، و عشان يخرج منها بغض النظر عن المنتصر ، فلازم تخرج منها بخساير إما تكون علي حساب مبادئنا و أفكارنا و وقتها المنتصر هو القلب ، أو نفقد سعادتنا و عاطفتنا و وقتها العقل هو المنتصر

- المشكلة في الصراع ده إنه للأسف بيجي علي حساب حاجات كتير جوانا ، خصوصاً لو الحرب طولت ، هتخسر جزء كبير من روحك و شغفك و تفكيرك ، الحرب دي وقت ما بتحصل بتخسرك حاجات كتير ، لكنها بتخليك ناضج

- الحرب دي غالباً ما بتقوم بسبب الحب ، قلبك عايز و عقلك بيقولك لا ، الحب نوعين .. حب عقلي و ده اللي بتحب الحاجة عشان مصلحتك فيها ، و حب عاطفة : و ده اللي بتحب الحاجة بدون سبب عشان عاطفتك رايحالها

- الصراع بين العقل و القلب بيأثر علي حاجات كتير جواك ، أبرزها العقل الواعي و العقل اللاواعي ، ممكن نشبهم بجنود و الطبيعي هيتأثروا في الصراع ده ، و عشان نتغلب علي ده لازم نوازن بين عقولنا و قلوبنا ، لأن لو عقولنا هي المتحكمة هنكون جامدين و لو قلوبنا المتحكمة هنضيع

مين المُتحكم ؟
—
قبل ٢٠٠ سنة كان الشائع إن القلب عبارة عن مضخة للدم و بس ، لكن مؤخراً في دراسات كتير أثبتت إن القلب عبارة عن عقل صغير ، بيضخ إشارات و هرمونات بتأثر علي المشاعر ، ده غير الفص الأيمن من الدماغ المسئول عن المشاعر و العاطفة

- القلب هو أقوى مولد للطاقة الكهرومغناطيسية في جسم الإنسان ، وينتج أكبر مجال كهرومغناطيسي لكل عضو من أعضاء الجسم ، و يزيد المجال الكهربائي للقلب بحوالي 60 مرة عن السعة التي يولدها النشاط الكهربائي بواسطة الدماغ ، وبالتالي قدرة القلب علي التحكم أكبر من العقل

- لو عايز تلاحظ ده كويس ، هتلاقي إن القلب هو موطن الشهوات و هو اللي بيخليك تحب و تكره ، هو اللي بيبدأ مش عقلك هو اللي بيتعلق و هو موطن الإرادة ، و بعد ما قلبك يتعلق يبدأ عقلك يتدخل عشان يحاول يسيطر علي المجنون ابن المجانين، و غالبا عقلك مش هينجح إلي بعد محاولات كتير جداً

- عشان كدا ربنا قال [ أَفَلَمْ يَسِيرُوا فِي الْأَرْضِ فَتَكُونَ لَهُمْ قُلُوبٌ يَعْقِلُونَ بِهَا ] ، قلوب جت مع يعقلون مش يشعرون ، ده معناه إن القلب هو المتحكم و إن القلوب هي موطن البصيرة و هي اللي بتدفعك تعمل اللي هتعمله

- وقتها هتفهم حديث النبي ﷺ [ أَلَا وَإِنَّ فِي الْجَسَدِ مُضْغَةً إِذَا صَلَحَتْ صَلَحَ الْجَسَدُ كُلُّهُ، وَإِذَا فَسَدَتْ فَسَدَ الْجَسَدُ كُلُّهُ، أَلَا وَهِيَ الْقَلْبُ ] .. القلوب زي ما عرفنا إنها موطن الإرادة ، فلو صلحت القلوب مش هيكون فيها غير ارادة الله فقط

- ابن القيم وصف العلاقة بين العقل و القلب و قال [ الصواب إن العقل مبدأه و منشأه من القلب و فروعه و ثمرته في الرأس ]
- إينشتاين قال [ القلب هديه قدسيه وما العقل الا خادم مطيع له ، و قد خلقنا مجتمعات تكرم الخادم و نسينا الهدية ]

- عشان كدا ربنا كرم الانسان عن باقي المخلوقات بالعقل ، عشان يوزن الأمور مع القلب ، القلب هو موطن الشهوات و التعلق و هو اللي بيحرك باقي المخلوقات ، فربنا خلقلك العقل عشان توزن الأمور تعرف ايه الصح و الغلط ، لكن أصل العقل هو ما بداخل قلبك أصلاً

- عشان نفهم ، ربنا في القرآن شدد علي التدبر في خلقه و حث أصحاب العقول علي ده ، لكن هنلاقي ياما أصحاب عقول خرافية و مبدعه و عندهم ذكاء رهيب ، لكنهم غير مؤمنين بالله أصلاً ، و ده إن دل علي شئ يدل إنه العقل فعلاً منبعه القلب

- طب المفروض نعمل إيه ؟
——
١- مستحيل مستحيل مستحيل تقدر تسيطر علي قلبك و تخليه يحب إيه و يكره إيه ، العواطف لا قانون لها ، لكن تقدر إنك تسيطر علي مشاعرك و ده بيحصل انك تدرب عقلك الباطن علي ده

٢- الإيمان ، كمسلمين الصلاة بخشوع هي أكتر شئ يهذب القلب و ينقيه ، دي تجربه عملها أحمد الشقيري علي تأثير الصلاة علي المخ ، و إزاي بتأثر راحة و صفاء الإنسان

- من الحاجات اللي بتموت القلب هي خيانتك لنفسك ، إنك تقول و تعمل عكس مبادئك و عكس اللي مقتنع بيه و تكتم الحق جواك ، عشان مصلحة ، الحاجات دي بتموت القلوب و بتخليها سوداء ، أعظم خيانة هي خيانتك لذاتك

قلبك :
ياعم ادخل اعترفلها بكل حاجة وخدلك بلوك وفضيحتين على تويتر ماهي مش اول مرة ومش حوار يعني