عايز اقول كلمتين عن مهرجان الجونة، بعد تلات دورات اقدر اقول انه مهرجان يخطو بامتياز نحو انه يكون مهرجان طبقي، فالمهرجان لا يهتم بالتوسع ناحية الجمهور بقدر اهتمامه بتسويق مدينة الجونة فعلا، المهرجان بالفعل بيجيب
افلام عالمية ومهمة بس الاهم بعد متابعتكم لسياسة المهرجان في التسويق هل عرفتوا ايه هي الافلام دي والا اللي عرفتوه اكتر هو لبس الفنانين والفنانات ومتابعة مين صمم فستان مين وكده؟
طيب مهرجانات السينما في الاساس موجهه للجمهور، فهل ضيوف المهرجان محتاجين فعلا المهرجان عشان يشوفوا
طيب مهرجانات السينما في الاساس موجهه للجمهور، فهل ضيوف المهرجان محتاجين فعلا المهرجان عشان يشوفوا
الافلام دي ؟ والا اللي محتاجين يشوفوا الافلام دي الجمهور العادي او حتى شباب السينمائين (اللي اكيد مش هيقدروا يروحوا الجونة) طيب هل ساويرس اهتم بالموضوع دا يعني مثلا توفير مكان او ظروف إقامة تناسب محبي السينما و الجمهور والا الاختلاط دا هيضايق النجوم
خلاص بلاش اختلاط خلينا نتكلم في فكرة تانية ليه ساويرس بإمكانياته الرهيبة مياخدوش قاعة في القاهرة و قاعة في الاسكندريه مثلا ويعرض فيها افلام المهرجان؟ مادام مهرجان كومباوند الجونة مقصور فقط على الفئة أ من المجتمع، لو حللنا الموضوع ببساطة هنكتشف ان المهرجان حتى لو لم يقصد
بيساعد عن انفصال فن السينما عن المجمتع ودا اكيد خطر لا يرحب به اي حد شغال في الفن دا، الناس فعلا بتابع المهرجان من منطلق شوفوا العالم التانية دي بتعمل ايه؟ ودا ممكن يكون سببه فقط سياسة التسويق الخاطئة مش اكتر، عشان كده ولأن الواحد اكيد بيحب ان السينما في بلده تكون اكثر
انتشارا واكثر وصولا للناس ارجو من القائمين على المهرجان الخروج من المنتجع الى فضاء ارحب، لان فعلا المهرجان بقدم وجبات سينمائية قوية وبيقدم دعم مالي كبير فدي حاجات ايجابية ارجو البناء عليها،حد هيقولي دا المهرجان ودي سياسته ودي إمكانياته ودي رؤيته وشوف مهرجان كان وبتاع
هقوله لما يبقى دخلي زي المواطن الفرنسي هبقى اقولك تمام، ارجوكم متفصلوش سياق وظروف البلد والمواطنين عن اي نشاط ثقافي او فني بتعملوه، احنا الدور بتاعنا هو نشر الفنون بين الناس وليس الانفصال عنهم.
جاري تحميل الاقتراحات...