رتبها

ثريد [][]
أكثر الأسئلة اللي جتني مؤخرًا كانت عن ترقية الرام، وخصوصًا باللابتوبات.
أبتكلم عن:
0- وش هو الرام؟
1- متى تحتاج تزيد الرام؟
2- كيف تعرف إذا تقدر تزيده أو لا؟
3- كيف تختار الرام المناسب؟
4- تأثيره على الأداء عموما.
5- تأثيره على الأداء بالألعاب.
...

أولًا: الرام(RAM) اللي هو الذاكرة العشوائية، عبارة عن المساحة اللي ينفذ فيها المعالج مهامه، بعبارة أخرى: كم يمديك تفتح عملية/تطبيق بنفس الوقت.
...

ثانيًا: تزيد الرام وقت مايكون الجهاز يوقف عمليات أو يشغلها على الـVirtual Memory(يستخدم تخزين الجهاز كـRAM)، وهذا بتلاحظه بسرعة فتح البرامج أحيانا.
بالإضافة إلى أنك تقدر تفتح الـTask Manager وتشوف نسبة استهلاك الرام.
...

ثالثًا: تقدر تعرف إذا يمديك تزيده أو لا من الـTask Manager.
بشكل عام المذربورد يكون فيه منافذ للرام، بحسب جهازك، غالبا اللابتوبات فيها ٢، وأحيانا ٤ (ما أتوقع أن باقي لابتوبات فيها منفذ واحد)
بعض الرامات تجي ملحومة بالمذربورد لذلك مايمديك تغيرها، وهذا باللابتوبات النحيفة غالبا.

إذا تبي تعرف هل عندك منفذ فاضي أو لا، تقدر تسوي Right Click بالماوس على التاسك بار
>
Performance > Memory
الصور توضح الخطوات، بحالتي هذي 2of4 يعني عندي منفذين فاضية.
ميزات خفيفة ورهيبة تسهل حياتك وتريحك من فك الجهاز، شكرا ويندوز ?
...

رابعًا: اختيار الرام المناسب ماهو شي سهل صراحة للشخص الغير مطلع أو غير مهتم بالأمور التقنية هذي، لكن أنا عموما أتوجه لأن أنشر المعلومة والوعي بدل ما أدعم الجهل وأقرر عن الشخص اللي قدامي وش يسوي، أخليه يقرر عن نفسه.
لذلك، اختيار الرامات ينقسم لقسمين، قسم أنك تبي تضيف رام.
...

والقسم الثاني أنك تبي تستبدل الموجود بشي أكبر.
اللي تحتاج تعرفه:
0- جيل الرام (DDR3/DDR4)
1- التردد/Frequency الأساسي للمعالج
2- فرق الجهد/Voltage
3- السعة
بالنسبة للجيل، تقدر تبحث بموديل جهازك، وتشوف وش الجيل اللي حاطينه من ضمن المواصفات، وأصلا فيزيائيا ماتقدر تركب DDR3
...

على DDR4، لأن شكل المنفذ يختلف.
التردد صراحة موب سهل أنك تعرفه، تحتاج تبحث أكثر، او أنك تكتب موديل جهازك + RAM Upgrade بقوقل وبيطلع لك أشياء متوافقة.
إذا كان DDR3 والمعالج انتل، فغالبا بيكون 1866MHz
وإذا كان DDR4 وأيضا المعالج إنتل، فغالبا 2133MHz فصاعدًا (للابتوبات).
...

"كل
وبخصوص فرق الجهد، هذا نفس التردد صعب تلقاه بأي مكان، لأن هذي المعلومات ماتلقاها بأي مكان، لكن تقدر تبحث بنفس طريقة اللي فوق وتعرف.
السعة تعتمد عليك، كم تبي تزيد بالضبط؟
في حال أنك كنت بتضيف عالرام الموجود، لازم يكون فيه توافق بالـVoltage والـFrequency، ولا بتواجه

مشاكل وCrashes، أما إذا كنت بتستبدل الموجود بسعة أكبر، مثلا تشيل ٤ وتحط بدالها ٨، هنا عادي الفولتج مايهم، أهم شي أن التردد يناسب المعالج.

رابعًا/ تأثير الرام على الأداء يختلف معطيات الجهاز، يعني مثلا فيه حالات زيادة السعة فيها غير نافعة كأداء، لأن المعالج يكفيه الرام الموجود، وإضافة قطعة رام زيادة بتحتاج طاقة والطاقة تستهلك بطارية إذا كان جهازك محمول(فرق بسيط).
قلت هذي النقطة لأن فيه ناس تحسب أن زيادة الرام

هي الحل السحري لجميع مشاكل بطء الجهاز، وهذا مفهوم خاطئ تماما، فيه مليون عامل ياصاحبي، معالج/ سرعة تخزين/ تبريد/مذربورد وغيره، وهذي العوامل كهاردوير فقط.
مثل ماقلت بالبداية، زيادته في حال أن المعالج يحتاج.

خامسًا/ تأثير الرامات على الألعاب ينقسم لقسمين.
القسم الأول في حال أنك تستخدم كرت مدمج، وهذا نادر أتوقع.
هنا بيفرق معك الأداء بنسبة كبيرة، السبب هو أن المعالج يحجز مساحة من الرام ويستخدمه كـV RAM، مثل ماذكرت بثريد كروت الشاشة.
...

القسم الثاني هو أنك تستخدم كرت منفصل، هنا غاااالبا ماراح يكون فيه أي فرق، يمكن يفرق إذا كنت مشغل أشياء بالخلفية، ستريمنق مثلا أو برامج، شي ماله دخل باللعبة يعني.

بونص: فيه تقنيات مزامنة كثيرة للرام، لو أبتكلم عنها بتحتاج ثريد مستقل، لكن أبذكر بعضها.
تقنية الـDual Channel، هذي موجودة بأغلب المذربوردات، هي أن منفذين من الرام يكونون متزامنين، يعني اذا شبكت وحدتين رام بيكون الـThroughput اللي هي سعة المسار أوسع، بتكون 128bit بدل 64.

وفيه تقنية بدت تنتشر بشكل أكبر، اللي هي الـECC، اختصار لـError-Correcting Code.
وهذا معناه أن بتصميم الرام، فيه bit اضافي حق تشييك، زي حق السالب والموجب بالباينري(One's/Two's Complement) ميزته أنه يقلل كثير من أخطاء الرام.
طبعا لازم يكون الـECC مدعوم من المعالج والمذربورد
...