نصيحة اليوم: ذاكروا قبل ماتسوون مقابلة
إكمالًا للحديث عن المقابلات: صالة الانتظار هذي اللي يجتمعون فيها العالم ترا موبوءة، اللي يروح محضر نفسو للمقابلة خلاص بلاش يتوتر ويسمع هروج الجالسين، مرتين نفس المكان بس مقابلتين مختلفة وآكل نفس المقلب، أروح رايقة ومخي نظيف ويوتروني، أدخل المقابلة ألاقيها لطيفة حلوة
بس ممكن تلقط منها معلومات مفيدة وفكرة عن كيف الوضع. حأكمل أشياء أعتقد المفروض نسويها قبل المقابلة/أسئلة مرت عليا
مرة وحدة كمان مرجع ليا
مرة وحدة كمان مرجع ليا
السيرة الذاتية ممكن تكون مليانة ماشاء الله وننسى بعض التفاصيل عن بعض الأشياء، فكويس نراجعها ونعرف ايش نقول عن كل نقطة ونتوقع سؤال عن أي شي فيها،
أي شي
أي شي
اللي مايبغون يذاكرون زيي، أحس كويس على الأقل نراجع كشف الدرجات ونتذكر ايش كانت العناوين الرئيسية لكل مادة، تحسّبًا. ممكن واحنا نراجعها نحس انو برضو نحتاج نراجع أو نقرا بعض الأشياء بشكل تفصيلي أكثر. أوقات يكون مهم نراجع ونذاكر فعلًا
نحضر كلام مرتب سواء عربي أو انقلش عشان مانعلّق في نص الشرح.
وممكن اللي يسوي المقابلة مايكون له علاقة بالتخصص أو مايفهم فيه، فنراعي هذا الشي في طريقة كلامنا ونبرز نفسنا فيه.
وممكن اللي يسوي المقابلة مايكون له علاقة بالتخصص أو مايفهم فيه، فنراعي هذا الشي في طريقة كلامنا ونبرز نفسنا فيه.
مثلا مشروع التخرج تقني بس اللي يسوي المقابلة مايفهم فيه فلو شرحتها كأني بأشرح لشخص متخصص فاللي يسوي المقابلة مارح يفهم قد ايش مشروعي هذا حلو ومفيد
كويس لو اطّلعنا على موقع الشركة وعرفنا ايش الخدمات/المنتجات اللي تقدمها. مرة سألوني انو تعرفي ايش شركتنا تسوي.
من حسن حظي اني فتحت الموقع قبل المقابلة بعشرة دقايق يمكن بس برضو مو مرة عجبني جوابي ماجهزت كلام حلو
من حسن حظي اني فتحت الموقع قبل المقابلة بعشرة دقايق يمكن بس برضو مو مرة عجبني جوابي ماجهزت كلام حلو
أول سؤال متوقع هو: تكلمي عن نفسك. اليوم سويت يعنني قلتلهم أول شي يعني شكرًا انكم أديتوني هذي الفرصة سعيدة بتواجدي معاكم اليوم هنا، وبعدين بدأت أتكلم عن نفسي. ايوه كانوا ٥ أشخاص :')
خلاص جيعانة بعدين أكمل
بأكمل عشان هذي التغريدة
طبعا المستجدين في هذا العالم أمثالي غالبًا حيسألونا عن مشروع التخرج، عن التدريب.
ليش قدمتي عندنا؟ ايش سويتي من لما تخرجتي الين ذحين؟ ايش تعرفي عن شركتنا؟
ليش قدمتي عندنا؟ ايش سويتي من لما تخرجتي الين ذحين؟ ايش تعرفي عن شركتنا؟
موقف صعب مريتي فيه وقدرتي تتخطيه، إنجاز سويتيه وفخورة به.. هذي أمثلة مو شرط بالضبط ومو شرط كلها
وغالبا يستشفون قدرتك على العمل في فريق من بعض الأسئلة زي: قد اشتغلتي مع فريق؟ كم كنتم؟ مين كان قائدكم؟ ايش كان دورك؟ كيف كان القائد؟ كيف نظمتم الشغل بينكم؟ هل أحد قد سوا مشكلة أو هل قد صارت مشكلة وكيف حليتوها. أو يطلب منك تتخيلي انك وقعتي في مشكلة بسبب شخص في الفريق فكيف حتسوي
هل عادي عندك تشتغلي مع فريق؟ مين الشخص اللي ماتبغي تشتغلي معاه؟ مين اختار القائد؟ في سؤال ماقد انسألتو بس غيري انسأل، اللي هوا: فين تشوفي نفسك بعد مدري كم سنة؟
ممكن سؤال عن الهوايات أو الاهتمامات في الحياة عموما
هذا نوع الأسئلة بشكل عام في المقابلات، في شغلات برضو كويس نديها بال
ممكن سؤال عن الهوايات أو الاهتمامات في الحياة عموما
هذا نوع الأسئلة بشكل عام في المقابلات، في شغلات برضو كويس نديها بال
اننا نكون هادين وواثقين وطبيعيين قد مانقدر، لا نسترخي ونمدح نفسنا بزيادة ونصير مستفزين، ولا نكون مشدودين ومتوترين، الوسط والرسمية كويسة، نحاول نبرز نفسنا بشكل احترافي قد مانقدر
يوم الأحد خرجت وحدة من المقابلة وقالتلنا انها خبصت، مثلا سألوها أسئلة في تخصصها وتحشرت قامت قالتلهم أنا قالولي المقابلة حتكون أسئلة شخصية مو انو كذا.. معصبة كانت. فحسيت اوكي ممكن تقول الكلام هذا بس بطريقة أفضل، انو مثلا والله درستها بس ماتحضرني الآن.. أي أسلوب أفضل
انو يعني لو تحشرت وماصار عندي جواب أحاول أمسك نفسي وأرد بشكل مرتب مو أنفجر.
صح في سؤال برضو اللي هوا: ايش يميزك عن بقية المتقدمين؟ ايش اللي يخلينا نختارك ومانختارهم
صح في سؤال برضو اللي هوا: ايش يميزك عن بقية المتقدمين؟ ايش اللي يخلينا نختارك ومانختارهم
بعضهم يكون عندهم تقييم للمتقدمين اونلاين قبل مرحلة المقابلة أو خلالها. جربت ٣ لحد الآن، ٢ منها كان فيها اختبار حسابي، كويس نتدرب في النت قبل مانختبر خصوصا انو أغلبها بوقت ولازم نحل بسرعة ونكون مركزين ومخنا مصحصح
@Rattibha رتب
جاري تحميل الاقتراحات...