عزيزي التويتري
تخيل نفسك لاعب مصري مرشح أحسن لاعب في العالم للمرة الثانية
*عملت لمصر كتير خاصة على المستوى الدعائي اللي أهم من الرياضي
بلدك في ايدها 15 نقطة في التقييم
5 في ايد مدرب المنتخب
5 في ايد كابتن المنتخب
5 في ايد ممثل الإعلام في مصر (مراسل جريدة البوابة في برلين?)
1

تلاقي نفسك في المركز الرابع ب 26 صوت
واللي في التالت 36 صوت
اللي في التاني 38 صوت
وأحسن لاعب اخد 46 صوت
تعالى بقى للأصوات
ال 15 نقطة اللي في ايد مصر اخد منهم 2
آه والله ... تصدق
ال 10 بتوع المدرب والكابتن ما راحوش أساسا (وهم بيقولوا سلمناهم للاتحاد)
وبتوع الاعلامي تاخد نقطة
2

يعني حضرتك الإتحاد المصري والإعلامي (مراسل مجهول)
ضيعوا على صلاح 14 نقطة مضمونين لأي مشارك من بلده
يعني كان هيوصل 40 نقطة في المركز التاني أو حتى التالت
ويحضر الحفلة النهائية زي المرة اللي فاتت
والناس تقول المصري أهو
ونرفع قيمته وقيمتنا قدام العالم
3

أحب أقولك إن جمال بلماضي مدرب الجزائر اللي شتمناه (وكان يستاهل) اختار صلاح رقم 1 واخد 5 نقاط بسببه
وكابتن الجزائر اختاره رقم 3 واخد نقطة
يعني اخد من الجزائر 6 نقاط
ومن مصر نقطة واحدة
أنا موافق إنه غلطان يشيل من البايو لاعب منتخب مصر
علشان مصر مالهاش دعوة بالرمم دول
4

لكن حط نفسك مكانه
بتحاربوه في حياته وأكل عيشه
بعد ما قرفتوه واستغليتوه
العالم دي لازم تتحاسب والله
بتهمة محاربة مصر والإضرار بمصلحتها
مش عايزين نمسك في صلاح ونسيب السبب الرئيسي
وربنا موجود