رتبها

سرعة الانترنت بالبيت بطيئة عندك ؟
تلعب بلايستيشن واللاق متعبك ؟
تعاني من مشاكل التحميل الافلام ؟
تحت هالتغريدة راح اطرح الحلول اللي ساعدتني وكانت اجتهاد شخصي
دعمكم لي يحفزني ?
مفضلة بتحتاجها بعدين
#FIFA20 #فيفا20 #PS4share #CallofDuty

بالبداية معلومات لازم تعرفها :
- الانترنت اللي يجيك من خط ثابت او كبينه يكون اسرع من الراوترات (المودم) المتنقله.
- كل شركات الانترنت اللي تعطيك شريحة بيانات مفتوحة تطبق الاستخدام العادل ماعدا شريحة STC اعمال و شركة زين.
- اذا حاب تشتري شريحة اعمال تواصل مع @MM4_8 مسوين عرض

- بعض الشرايح تلاحظ فيها فرق بسرعة الرفع او التحميل سواءً كانت بجوال او راوتر ، كمثال STC بالجوال تكون سريعة بالرفع وبطيئة بالتحميل من App Store والعكس صحيح مع زين.
- مكان الراوتر مهم لازم مايكون داخل جدران "مكتوم" الافضل التوجيه المناسب او على الاقل يكون عند الشباك.

- الاتصال السلكي افضل من اللاسلكي وشركة بلايستيشن بموقعها الرسمي تنصح ان الكيبل الموصل من الراوتر الى الجهاز مايتجاوز طوله 25 قدم اي 7.6 متر
- بعض الاحيان 3G افضل من 4G اذا كان مضغوط او اشارته ضعيفة.
- حاول تكون انت المستخدم الوحيد على الراوتر لان كثرة المستخدمين تقلل سرعة النت

الحين بطرح تجربتي مع زيادة سرعة الانترنت في البلايستيشن وتقدر تستخدمها على اي جهاز ثاني لابتوب اكسبوكس جوال ...الخ

اول شيء انا عندي راوتر زين 4G وكانت السرعة ضعيفه نوعًا ما ، يعني بالسوني يعطيني 2 ميجا بايت بالتحميل والرفع واللعب كان فيه لاق بفترة الذروة بعكس اخر الليل او الصباح.

استخدمت هالحلول بعد بحث طويل بمواقع عربية واجنبية :
- شريت كيبل CAT6 خمسه متر وشبكته من الراوتر الى البلايستيشن وزادت سرعة النت بشكل بسيط بس ماكان عاجبني وفيه الافضل منه بكتبه تحت.

- حملت برنامج HManager لتوجيه الراوتر بالمكان المناسب ، استخدمته وفادني كثير.
طريقته تشبك عالراوتر من جوالك وتدخل عالبرنامج وتدخل الرقم السري نفس الرقم اللي يكون بصفحة الويب وتبدا توجه الراوتر.
واجهة البرنامج تكون كذا :
طبعًا هذا مثال يعني الحين مابعد حطيته بمكانه المناسب .

اللي تهتم له بالبرنامج هو :
RSRQ وهو جودة الاشارة حاول تنقص الرقم اقل شي واهم شي مايزيد عن 11 طبعًا بتلاحظ ان الرقم يتغير حتى لو كنت ثابت بمكان لان عدد المستخدمين والضغط على البرج يختلف من فتره لاخرى كما ذكرت سابقًا ( اخر الليل غير عن فترة الذروة ) وهذا اللي يسبب اللاق.

الشيء الثاني هو RSRP وهو قوة الاشارة حاول تنقصه قد ماتقدر طبعًا انا وصلته الى 75 .
بعد ماتوجه الراوتر بالمكان الافضل تدخل على صفحة الراوتر من الويب من خلال هالرابط
http://homerouter.cpe/html/commend.html
طبعًا هذه الواجهه للموقع :

الحين روح Sittings
بعدها Security
بعدها تختار Special Applications
وتبدا تفتح منافذ للشيء اللي انت تبيه مثلا انا حطيت منافذ PS4 و Call of duty
ليه منافذ ؟ لان بعض الشركات تقفل المنافذ مثل اللي حاصل بSTC مقفله منافذ App Store في الايفون وتلاحظ انه مايقبل التحميل او بطيء.

كيف تعرف المنافذ للشيء اللي تبيه ؟
تكتب في قوقل Port forward بعدها الشيء اللي تبيه مثلا PS4 وتطلع لك وتبدا تضيفها بهالطريقة :
تحط Add وتسوي نفس اللي تحت وتحط Apply بعد ماتنتهي .
( المنافذ هذه خاصة بالبلايستيشن 4 + كول اوف ديوتي )
المصدر مواقعهم الرسمية.

بعد ماتفتح المنافذ تروح ل DMZ وتفعله بهالطريقة :
- الرقم لازم ينتهي بصفر ولو شفته 1 او 2 غيره الى صفر.
حط Enable وبعدها Apply.
( الصورة توضح اكثر )

بعد ماتفعل DMZ تروح الى UPnP وتخليه Enable بعدها Apply وتقفل الصفحة :

بالنهاية انصحك تستبدل الكيبل حقك بكيبل CAT7 خمسه متر لانه بيفرق كثير وبتلاحظ ان حتى بكول اوف ديوتي اشارتك اذا كانت صفراء بتصير خضراء . الكيبل معزول من داخل وهذا اللي يخليه اقل باللاق.
موجود بمكتبة جرير وبسعر ممتاز :

بعد ماتوجه صح وتضبط الاعدادت وتشبك الكيبل بالجهاز تبدا تسوي الاتي:
- تتاكد ان جميع الاجهزه مو شابكه عالراوتر ماعدا الجهاز اللي انت تبيه عشان الراوتر يتعرف عليه ك رقم 0 كما هو موضح بنقطة DMZ .
- تطفي الراوتر والجهاز لمدة دقيقتين وترجع تشبكه.
- حاول ماحد يشبك على الراوتر قبلك.

- لو احد لازم يشبك معك خليه يكون بعد ماتتاكد ان جهازك هو رقم 0 بالطريقة المشروحة مسبقًا .
- معلومة للمهتمين في STC : بتردد 1800 افضل شركة من ناحية الرفع يعني ترفع الاوامر اسرع من غيرها يعني تطلق على خصمك اسرع واذا عندك احد يقدر يفتح لك التردد راح تلاحظ الفرق بالسرعة .

طبعًا انا بعد ماسويت كل هالحلول صار:
- البلايستيشن يعطيني سرعة 18-22 ميجا بعد ماكان 2-6
- الاشارة صارت عندي خضراء ونادرًا ماتكون صفراء بعد ماكانت بين الاصفر والاحمر .

اذا مالك خلق تسوي كل هذا وتبحث عن الطرق السريعة اللي تمشيك كل اللي عليك هو انك تشتري كيبل CAT7 وتشبك لحالك عالراوتر واستمتع ياصاحبي
بالنهاية اتمنى الدعم بالنشر والمتابعة ?

Cat7 افضل واجدد كيبل موجود بسوق كوم
صورة توضح ادائه مقارنتة بـ Cat6 اللي الكل يستخدمه .. انصح الجميع بشراء الكيبل وهذا رابط سوق كوم shorturl.at