- بما إن اليوم سُمح لنا ندش منطقة غير مخول أحد يدخلها إلا المسموح لهم ألا وهي منطقة فحص الأدلة المادية التابعة حق الإدارة العامة للأدلة الجنائية فـ ما نخليها بس مخولة لنا ، لكم بعد??♀️⚰️?!
- طبعًا أول شي هٰذي زيارة مطلوبة ضمن مقرر لاب آخذه بتخصصي الثاني (المساند) إلي أهوا الأدلة الجنائية و اسم اللاب: Crime scene search and recovery techniques، كنا رايحين حق إدارة مسرح الجريمة خصيصًا لأن ضمن منهج اللاب?!
?•⚠️•⚰️•⛓•?
طبعًا كل ما كانت تفاصيل الوصف أكثر عالدليل كل ما تجنبنا التلاعب بالأدلة + النسيان في حال طلبوا شهادة إلي شال الدليل بالمحكمة .. هٰذي شعرة من سرقة مع وصف واضح لمكانها⛓!
طبعًا كل جوتي له خطوط مميزة تختلف من ماركة لي ثانية ممكن نعتبره بصمة خاصة تقدر تفيدنا نحصر الناس + زائد طبعات الجوتي ممكن تعطي انطباع علىٰ المشية شلون كانت سواء ركض مشي وقفة?!
في جريمة صارت قبل سنين بنت منحورة عمرها ١٠ سنين و جثتها بالبر، كان أهم شي يدورون عليه أثر التاير لأن كل سيارة توايرها لها خطوط مميزة فنعتبرها بصمة لنوع معين ، فألي صار حددوا سيارة معينة و المباحث يابوا ٤٠ سيارة .. قعدوا يدورون لما لقوا إن في سيارة جدًا نظيفة بس ..
لما فتحوا الدبة و رفعوا الزولية شافوا ان الطبقة الي تحتها متشربة دم فـ : إي أثر التاير يحل أزمات و إي لا تخدعكم نظافة السيارة ، مع العلم إن كانوا متوقعين إنها مستحيل تكون إهيا من نظافتها بس صدفة رفعة الزولية كشفت المستخبي?!
الأدلة البيولوجية مهمة جدًا طبعًا لأن فيها الـ DNA أعظم دليل " تخصصي العزيز فبرفعله زيادة "?، المُهم تحفظ بطريقة معينة و تنوخذ بطريقة معينة بس هااا : دليل الدم لازم محفوظ في علبة يدخلها هوا لأن عدم وجود O2 ممكن يتلف الدليل و يخليه يتعفن فيروح هباءً منثورا!?
كل شي له بصمة لا مفر .. شايفين الطلقة لما تطلع من سلاح معين؟ في طريجها قبل لا تطلع جدار السلاح يحتك مع الطلقة بحيث إن الإحتكاك من قوته يخلق خطوط علىٰ سطح الطلقة تكون جدًا جدًا مميزة للسّلاح! إي و ترىٰ مصورة الثلاثي الذهبي بكل حُب?⛓??♀️!
مقدمة الـ? مصدر مثالي لـ?، اشتغلت علىٰ دليل زقاير بلاب مادة ثانية و النتايج كانت جميلة?!
الأظرف تختلف باختلاف طبيعة الدليل و طبعًا المعلومات إلي تنكتب أهم من المهمة غلطة وحدة ممكن تأدي إن الدليل ينلغي مهما كانت أهميته، مثلاً : وصف مكان وجود الدليل فوق الطاولة بس بصور مسرح الجريمة أصلاً ماله وجود .. فهني نعرف صار تلاعب و إن هالدليل انضاف?!
طبعًا البصمة✋? دايمًا و أبدًا عزيزة الأدلة الجنائية، بس معلومة مهمة البصمة أنواع.. في بصمة أثرها واضح بحيث ممكن تكون واضحة للعين حايشة إيد الشخص ألوان مثلاً، و في بصمة ما تنشاف تحتاج بودرة تخليها مرئي و في بصمة بلاستيك بحيث تكون مغروسة بأسطح مثل طين، شمع ..!???
جهاز كامل هدفه يوضح البصمة إذا كانت غير مرئية و موجودة علىٰ ورق مثلاً .. الفكرة إن تنحط الورقة داخل الجهاز مع وجود ( ماي و مادة صمغية من نوع معين ) يتبخرون بحيث إن البخار يمسك بأثر البصمة و يساعد على توضيحها و ممكن بعدها بودرة عشان توضحها زيادة بشكل مضاعف!
الأوراق الي مسفطين بطريقة معينة حق حفظ أدلة الشعر، و للعلم مو كل الشعر ممكن يفيدنا.. شلون؟? الهدف من الشعر نبي DNA و الـ DNA موجود فقط في بصيلة الشعر بفروة الراس فنحتاج شعر مقطوع من عرجه قدر الأمكان أما المقصوص بمقص فيخلو من وجود DNA??!
لزيادة المعرفة حق الدليل بمرحلة ما بعد الجمع و التوزيع حق الأقسام المحددة إلي إهيا: التحليل البيولوجي إلي تختلف تمامًا عن مسرح الجريمة إلي وظيفته جمع و حفظ الأدلة !
إي و في جملة لفت انتباهي اليوم من إلي كان يشرح لنا:
" الأدلة الجنائية ممتعة، ما راح تلقون فيها تكرار مافيها ملل، ماكو جريمة تشبه غيرها ". و أتوقع إن الجملة تمثل وايد أشياء فيني، ما أطمح للعادي، المتكرر، السهل ..
" الأدلة الجنائية ممتعة، ما راح تلقون فيها تكرار مافيها ملل، ماكو جريمة تشبه غيرها ". و أتوقع إن الجملة تمثل وايد أشياء فيني، ما أطمح للعادي، المتكرر، السهل ..
و لله الحمد خلصت محاولة قدر الأمكان نعيشكم CSI فرع الـ??، عمومًا شخصيًا آنا صدعت من كثر الكلام في حال وصلتوا لي هني يعطيكم العافية??!
عشان نكون أكثر دقة بمعلومة الـDNA و الشعر إلي كنت كاتبتها ، معلومة حتىٰ آنا يديدة علي أبديت يديد??♀️?!
جاري تحميل الاقتراحات...