رتبها

? ركز معايا في ثرد اليوم"مهم جدا"
في يوليو اللي فات في خبر صغير ظهر في موقع "ديبكا" العسكري الإسرائيلي.. عن "توتر شديد بين القاهرة وتل أبيب بعد نشر بطاريات صواريخ (سبايدر SPYDER-MR) الإسرائيلية حول موقع سد النهضة".
يتبع...

صواريخ "سبايدر" - اللي في الصورة دي - صواريخ دفاع جوي، أرض- جو قصيرة ومتوسطة المدى، سريعة الاستجابة، بتتقدم وتغير موقعها وبتصف أثناء حركتها وبتتأقلم مع التضاريس المباغتة لو بتضرب وهي متحركة.. تقدر تتعامل وتتصدى للمقاتلات الهجومية، المروحيات، الطائرات بدون طيار،
يتبع...

والصواريخ الموجهة.. في مدى غير مرئي بالعين المجردة.. وبيغطي 360 درجة.
الهند اشترت الصواريخ دي من إسرائيل واشترت من نفس الشركة صواريخ شبيهة "جو- جو" محمولة جوا بتركب على الطائرات. لو تفتكر في مارس اللي فات حصل توتر بين الهند وباكستان، كانت الغلبة فيه للباكستانيين..
يتبع...

واسقطوا مقاتلة هندية.. وأسروا طيارها.. النهاردة الهند بعد صفقة الصواريخ الإسرائيلية وبطاريات الدفاع الجوي دي.. بتشم نفسها.. وبتعلن إنها حتسيطر على إقليم كشمير بالكامل.. وباكستان بتحاول تطلف الجو.
تركيب "سبايدر" حول موقع سد النهضة بدأ في مايو اللي فات.. واستغرق شهرين ونصف
يتبع

يعني خلص في منتصف أغسطس الماضي إمبارح ظهر خبر إن الإثيوبيين"رفضوا دون نقاش"مفاوضات حصة مصر من ماء النيل
إثيوبيا غيرت كلامها وقررت فجأة إنها مش مستعدة تحافظ على حصة مصر المائية حتبني السد وتسيب دول المصب تتحرق مستقوية طبعًا بنظلم الدفاع الإسرائيلي خاصة وبالإسرائيليين عامة
يتبع

من فترة كنت كتبت.. إن الدولة بتستعد لحرب.. محدش بيشتري "حاملة طائرات" عشان يحارب إرهابيين مستخبية في الجبل.. دي دولة بتستعد لحرب حقيقية شاملة.. بتوسع طرق وتفتح سكك للإمداد وتحرك الدبابات والمشاة الميكانيكية وناقلات الجنود.. بتعمل مطارات بديلة.. بتعمل قواعد عسكرية جديدة..
يتبع

وبتحرص على إن يكون عندها فائض طاقة.
بتزود شغل الجيش المتعلق بالأمن الغذائي.. القوات المسلحة وقت الحرب لو مابتزرعش وتنتج وتربي فراخ وسمك وتزرع خضار.. بتبقى عبء رهيب على الدولة.. لأنها بتستهلك كتير جدًا.. وأنت ساعتها مبتلاقيش السلع في المحلات..
يتبع...

وقت السلم هو بيطرحلك المنتجات دي للبيع للجمهور بسعر مخفض وبيسلح نفسه بثمنها ويبني قواعد وقت الحرب حيحتاج معظمها.
ففكرة إنك تحافظ على الأمن الغذائي والقوات دي تأكّل نفسها ضرورية وحيوية وأمن قومي من الدرجة الأولى أهالينا اللي عاصروا 1967 و 1973.. حيقولك إن
يتبع...

"معلقة السكر" مكانتش موجودة وكانت كوباية الشاي المحلاة بالسكر كنز لما تأمن الجانب دا يعني إنك مستعد في لحرب ولا عزاء لأي حمار دافن خطمه في العليق وبيسخر من القصة دي إذهب إلى حيث ألقت وخليك في جهلك وتفاهتك وهبلك أقول لك؟ خليك مع المقاول بتاع المواخير يتصور لك وهو
يتبع...

بيرقص في البار وأنت تفتح بقك في بلاهة وتقفل مخك وتقعد تطبل له
خبر "رفضوا بدون نقاش" دا ظهر إمبارح للصحف بس هو فعليًا تاريخه مكانش إمبارح دا حصل في جولة المفاوضات نفسها اللي اتقفلت قبل مؤتمر الشباب الأخير بفترة عشان كده الرئيس اتكلم عن موضوع المياه والسد فجأة في المؤتمر.
يتبع..

نتيجة المفاوضات لو بحثت عنها بنفسك ودققت في التواريخ تلاقيها اتعرفت في الكواليس بالضبط مع ظهور "المقاول" بطل البارات وعلب الليل والمواخير الإسبانية في نفس التوقيت بالضبط يا مؤمن وقبل ما وزارة الخارجية المصرية توزع مذكرة على الأعضاء الدبلوماسيين بمحتوى المفاوضات و
يتبع...

نتيجتها الأسبوع اللي فات وقبل ما تسلمها للصحف امبارح
مع انتشار فيديوهات "زبون المواخير" الشهير الحقيقة مافهمتش إيه الغرض
إيه الغرض من عمل شقاق بين الجيش والشعب دلوقتي؟ وليه دلوقتي؟
وإيه الفكرة إن كل النشطاء الكسر يظهروا فجأة يضيعوا وقتنا في فيديوهات مالهاش معنى ويحاولوا
يتبع..

يأثروا على الشباب ويدفعوهم لثورة⁉️
وبعدين يتطور الأول من مقاول - المفروض - بيحارب الفساد اللي اشتغل معاه 15 سنة
كأنه بقى شريف فجأة إلى بروفايلات مزيفة لضباط وجنود جيش بتدعو للانشقاق والإنفصال والخروج على القوات المسلحة.
معلش هو دا ايه علاقته بالمقاولات؟
يتبع....

وبعدين يتطور الأمر لأن المقاول زبون المواخير بقى بيدعو لإسقاط النظام بالكامل وبيدعو لتفكيك الجيش وأهل سيناء يحموا سيناء وأهل الصعيد يحموا الجنوب دا فجأة كده الخطة دي ظهرت؟ يعني وضعت الإستراتيجية السياسية العظيمة دي وأنت في البار بالليل بعد شوب بيرة⁉️
يتبع...

وفجأة يتلقفه الإخوان وقنواتهم من تركيا في حماس شديد ويدافعوا عنه وبنشروا كلامه ويرموا لنا طعم - بلعته أنا نفسي - أنهم مجموعة أغبياء بلهاء بيفكروا يقتلوا "حد منهم" ويحولوه لـ"خاشقجي" أو بيفكروا بغباء وبيسعوا لثورة "الجمعة الجاية"
لا أنا اللي كنت غبي ومافهمتش..
يتبع...

بس عزائي إن مذكرة مفاوضات السد مكانتش أتوزعت على وكالات الأنباء فمكنتش شايف الصورة الكاملة كل اللي قريته قبلها "تعثر المفاوضات" ودا خبر عادي قريناه ميت مرة.
مفيش ثورات الجمعة الجاية يا جماعة بس في بذرة شك رماها جواك وخلا الداعم لبلده يبدأ يتذمر ومايعجبوش عشان مش فاهم
يتبع...

ولكم حواليه الشباب الصغير بتاع ثانوي وجامعة بفيديوهات مثيرة ممتعة عشان برضه مش فاهمين وعشان مفيش إعلام محترم يلمهم ويجمعهم في حرب قوامها الأول "الإعلام" اللي وقع العراق كان الإعلام بالمناسبة بنفس التقارير المزيفة اللي بينشروهالك اتضرب مطار بغداد فيجري "الصحاف" يروح يتصور فيه
يتبع

ويشتمهم طيب ضربنا القصر الرئاسي فيجري "الصحاف" يشتمهم من قدامه لكن للأسف العراقيين مع الوقت اتهزموا ووقعوا في الفخ لأن برضه إعلامهم كان ضعيف والصحاف مهما كان"رجل واحد" وفي النهاية سقطت بغداد.
الكلمات اللي بتستوقفني دايمًا لما ينطقها السيسي بتبقى كلمات زي "أنا مش عايز أقول"
يتبع

"مش حينفع نقول"مش حينفع أقولك أنا فعليًا بابني عاصمة ليه وباوسع طرق للمشاة الميكانيكي ليه ومش حينفع أقولك بابني قصور ليه.
إحنا فعليًا بنستعد لحرب شاملة لازم يكون لك فيها عاصمة أخرى تسير الأعمال لو اتعرضت العاصمة الأصلية لأي خطر أو حصار "قريبًا" لازم يكون لك كذا مقر للحكم..
يتبع

لأن لو مقرك الأول اتعرض لخطر مش حتروح تدير البلد من على القهوة في وسط البلد لازم في مرحلة انتقالية ما يبقى عندك"وزارتين دفاع"يقدر طاقم الوزارة يتحرك بينهم لازم يكون في مناطق عسكرية جديدة زي"محمد نجيب"تغطي مسافة ممكن تتعرض للخطر بين المنطقة العسكرية الشمالية والمنطقة الغربية
يتبع

لازم يبقى عندي أكل يكفي قواتي اللي بتحارب من غير ما أضغط على السوق العادي وأسحب منه سلع
فكر لثواني معلش حد بيشتري"غواصات دولفين"ويعمل كورفيتات شبحية ومقاتلات هجومية وقاذفات ويبني أسطول بحري جنوبي عشان إرهابي مستخبي في الجبل؟ عشان حقول الغاز؟ الأسطول الشمالي كان كفيل بها.
يتبع

هو دلوقتي وأنت واقف على رجلك مايقدرش يدخل معاك في مواجهة مباشرة بس يقدر يحاول يعطلك المشاريع دي يوقف عملية البناء اللي بتعملها عشان تحمي نفسك يقدر يعطشك ويمنع عنك المياة ويموتلك المحاصيل بس عشان يعمل دا لازم يفكك من جواك.
مش حيقدر يكمل الخطة دي إلا لو دخلك في فوضى جديدة.
يتبع..

لازم يثيرك ويحولك إلى متذمر مش عاجبه حاجة يوقعك في الجيش يحاول يقلب جنود الجيش على قياداتهم وساعتها يقفل حنفية المية فتدوّر أنت في غضب للجيش الفاشل اللي ماعرفش يحميك ويوفرلك مياه هو الحقيقة حيكون ساعتها ماعرفش يحميك لأنك فككته واشتبكت معاه في صراعات مالهاش ملامح طول الوقت
يتبع..

وأحبطت رجاله وحسسيتهم بالخذلان فتنحسم الحرب في صدورهم وينهزموا من قبل ما تبدأ الحروب بتنحسم في صدور الرجال قبل ما تنحسم في أي ميدان قتال.
حتموت عطشًا حتاكل تراب وفي الآخر تسيب الأرض والقناة ولآثار وطرق التجارة والمتوسط والأحمر فاضية ييجوا يحتلوها وافتح يابني الحنفية
يتبع..

وترجع مصر تخضر بس مش حتبقى أنت موجود ولا حتبقى مصر بتاعتك لو موجود حتبقى أجير بلقمتك عند العثمانلي أو آية الله أو القطري أو الإسرائيلي يضربك بالكرباج ويستبيح نساءك لو كان لسه عندك نساء
"الحصار البابلي على صور" قعد 13 سنة نبوخذ نصر نفذ نفس التقنيات دي فيه ضد اليهود بالحرف
يتبع..

فأكلوا الحشرات وشربوا المياه من جذوع الصبار وشربوا دماء وأبوال الحيوانات وأكلوا الجيف وبعدين أكلوا موتاهم وبعدين أكلوا لحوم بعضهم البعض وماتوا واللي نجا اتضرب بالجزمة واتطرد وهرب واتشتت وعاش كمتسول في كل أرض شوية.
الحرب دي مش حتبقى بسيطة ولا سهلة لو لقوا الفرصة لها
يتبع..

حترهق الخزانة لدرجة مروعة حيدفع تمنها 100 مليون مصري بما فيهم الأهبل اللي بيروج للمقاول زبون المواخير وبما فيهم المعتوه المأجور اللي حيسخر من الكلام دا
الممتع إن كل الضالعين في الخطة دي من نشطاء قاعدين برا في أمان في ميه ومنطقة سلام وأكل متوفر "غنيم" في أمريكا
يتبع...

و"محمد علي" في إسبانيا وشلة تركيا و"معتز مطر" في أسطنبول وبيستعملوك كسلاح تقتل نفسك وبيتفرجوا عليك ويضحكوا
دلوقتي أن عندك دولة بتتحداك علنًا أنها تحرمك من مياه الشرب وفي نفس اللحظة خرج مقاول مدمن مع نشطاء وإعلاميين هاربين يهيجوك على الجيش؟ هي دي صدفة؟ في نفس اللحظة؟
يتبع...

لو دي صدفة يبقى أنت ممكن تمثل بدل "توم كروز" في الفيلم الجاي بالصدفة.
في نفس اللحظة يظهر لك المقاول مع شلة شبهه من أرباب المواخير وعلب الليل يدعوك للثورة ويقلبوك على الجيش الجزيرة وقنوات تركيا حتثيرك بأن "القصور الرئاسية مش مهمة"طيب ليه سكتوا لما "أردوغان" بني قصر جديد في
يتبع

أسطنبول بلغ ميزانية تركيا وفقا للتقارير المالية التركية نفسها؟ أنتوا مش إعلام شريف محايد؟
ليه سكتوا لما بدأ يجدد قصره الصيفي في يوليو اللي فات وبنى حوله ثلاث شواطيء صناعية بتكلفة هائلة مع إن أسطنبول لوحدها فيها 12 قصر و إن الليرة في أزمة وتصنيف تركيا الإثتماني بينخفض كل يوم؟
يتبع

الشباب اللي بيدعم تركيا ومتصور إنها لو انتصرت على مصر حياخدوه هناك ويقعدوه في فندق خمس نجوم ويجيبوا له الفطار في السرير حبيبي أنت بالنسبة لهم مجرد حشرة حقير خاين بعت وطنك عشان طعام بطنك يوم ما يكرمك حيرميك في خيمة وسط الصحرا الشمس تحرقك وتغرقك السيول أديك شايف اللي اترمى في
يتبع

حضنهم من جنسيات تانية عاملهم كلاجئين والنهاردة بيضربهم بالنار ويرميهم برا ويقولك "مش عايزهم" فوق لنفسك وأعرف إنك حتتداس بالأحذية التركية.
الخطة دي في جوانب كتير منها أنا ماعرفهاش لازلت لأني معنديش الصورة الكاملة بس دي الخيوط اللي اتجمعت
يتبع...

إثيوبيا بتحبك ورئيس وزرائها بيدعم حصتك المائية وبتكلمك بشكل ودي ورئيسك بيتكلم عنهم بشكل ودي إسرائيل بتحميها بمنظومة صواريخ متطورة بتقل إثيوبيا وجهها وتكشف لك وجه قبيح وبتقول لك "روح إشرب من البحر" ورئيسك بيتكلم عنها بعنف خارج الدبلوماسية "مكانوش يجرؤوا يبنوا سدود قبل 2011"
يتبع

وبعدين يكلمك فجأة عن مياه العراق بعد ما تركيا بنت سدودها بالقوة لما العراق فقدت قوتها مع "ثورتها المجيدة" ضد "صدام حسين"
الصواريخ والطائرات الغير مأهولة اللي من اليمن بتوصل للسعودية دي طبعًا مش "صنع في اليمن" ومعملهاش جماعة "الحوثي" اللي مبيستحموش ونايمين والقات في بقهم..
يتبع..

ومش هم اللي بيشغلوها أصلا والقذائف دي مش عشان السعودية فقط دي في معظمها تجارب زي ما "ترومان" ضرب هيروشيما عشان يجرب القنبلة الذرية الأولى الصاروخ اللي من اليمن يطول الرياض يعني أنه من اليمن يطول السد العالي!
أفتح بقى "خرائط جوجل" اللي قارفنا بيها بقالك يومين بتصور منها
يتبع..

مواقع الفيلل في "المعمورة" وخليه يحسبلك المسافة يعني يوم ما تخرب القوات المسلحة والطريق يتفتح ويعلن الحرب عليك ويقرر يعطشك مش حيبقى لك حتى مخزون بحيرة ناصر اللي ممكن يكفيك "شوية" تقدر تشوف بيهم حتعمل ايه.
يا ترى شفت الصورة الكاملة على بعضها؟
يتبع...

آخرها إيه وحلها إيه أنا ماعرفش بس الي عليك تعمله وتشغل مخك وتبطل بلادة وغباء وتنظير تافه وكل ما حد يرمي لك كلمة ضد الجيش تجري وراه وتهدم الدرع اللي بيحميك الموضوع جد خطير لدرجة مخيفة.
سيبك من التنظير الفارغ وأصل "حقي انتقد الجيش" و"اصل لازم الرئيس يشرحلي"..
يتبع...

صدقني أنت بتسخر من سوريا والعراق واللي حصل لهم السيناريو اللي مستنيك حيخلي "سوريا والعراق" جنة بالنسبة لك حيبقوا سويسرا مقارنة بيك دا يمكن تبقى لاجيء عندهم يعطفوا عليك بكسرة خبز يكسوها العفن بالكاد تبقيك على قيد الحياة أو يقابلك جندي من داعش
يتبع...

ويقايضك بابنك أو بنتك مقابل علبة دواء لأمك المريضة فكر في المشهد دا وافتكر "الحصار البابلي".
المواجهة جاية جاية بس عشان تيجي لازم تتحقق عدة شروط منها إنها تدخل في "فوضى" "تفقد" القوات المسلحة أو تفككها أو تقلبها على الشعب وتقلب الشعب عليها أو حتى "تنهكها"..
يتبع...

لأنها عقبة هائلة في سبيل تنفيذ الخطة دي في وجودهم مش حيسمحوا إثيوبيا تموتك من العطش حتى لو حمتها بطاريات صواريخ الكوكب كله حيروحوا يموتوا في إثيوبيا هناك.
مرة تانية بقول لك اختار معسكرك أنت مع مين؟ أنت تقدر تمنع المواجهة دي لو فكرت بذكاء ووقفت بصلابة..
#احنا_معاك_ياريس ????

التصنيفات

المزيد من هذا الكاتب

مواضيع ذات صلة

الأكثر اعجابا

التصنيفات

المزيد من هذا الكاتب

مواضيع ذات صلة

الأكثر اعجابا

فك الثريد